Mikið eftir af þessu einvígi

Arsene Wenger var sáttur við sigurinn á Villarreal í Meistaradeildinni í kvöld, en sagði sína menn hafa verið of stressaða til að ná að bæta við öðru marki í leiknum - það hefði verið óskastaða fyrir síðari leikinn á Spáni í næstu viku.

"Þetta voru ágæt úrslit, en síðari leikurinn er eftir á útivelli og hann verður erfiður. Við vildum skora annað mark, en mér fannst leikmennirnir dálítið stressaðir. Við vorum auðvitað að spila við mjög sterkt lið með sterka miðju og því náðum við ekki að skapa okkur nógu mörg færi til að bæta við mörkum. Við viljum umfram allt ná að halda hreinu í seinni leiknum og við höfum sínt að við getum það, en við munum engu að síður halda áfram að spila okkar bolta með því að sækja og reyna að skora mörk."