Hefur miklar mætur á Benitez

Sir Alex Ferguson er mjög hrifinn af kollega sínum Rafa Benitez hjá Liverpool og segir hann prýðisnáunga sem hafi góð áhrif á lið sitt. Þeir félagar leiða saman lið sín í stórleik helgarinnar í enska bikarnum.

"Ég kynntist Benitez þegar við sátum saman ráðstefnu í sumar og ég kann mjög vel við hann. Hann virðist mjög rólegur og blátt áfram og ég held að það smitist til leikmanna hans. Þeir eru fljótir að sjá hvort góður árangur breytir honum. Ég vil ekki sjá mína leikmenn breytast þó þeir nái árangri og ég er viss um að því er líkt farið með Benitez," sagði Ferguson.