Vettlingatök í Öxarfirði

Listakonan Ingunn St. Svavarsdóttir, Yst, opnar árlega Braggasýningu sína á laugardaginn og sýnir innsetningar, málverk og skúlptúra af ýmsum toga.

Ingunn segir að manneskjan í sínum margbreytileika sé algengt viðfangsefni í sínum þar sem sorgir hennar og þrár, breyskleiki og einlæg fegurð séu sett fram. "Ég vinn fígúratív verk með abstrakt ívafi í formi innsetninga, málverka, teikninga og skúlptúra, innanhúss sem og útiverk. Einnig vinn ég verk með texta, örsögur, ljóð og hendingar... bendingar og ádeilur. Ég nota líka tilbúna hluti sem ég set í nýtt samhengi."

Sýningin stendur að vanda í tvær vikur en hún er opin alla daga frá 11-18.