Kastró á batavegi

Spænski læknirinn sem kúbversk yfirvöld sendu eftir til þess að gera athuganir á heilsufari Fídels Kastró sagði í dag að Kastró væri á batavegi og að hann þarfnaðist ekki fleiri aðgerða.

Miklar vangaveltur hafa verið um heilsu Kastró undanfarið og það eru ekki margir sem búast við því að hann eigi afturkvæmt í sviðsljósið en Kastró eftirlét bróður sínum stjórntaumana þegar hann þurfti í aðgerðina. Jafnvel Kúbubúar sjálfir segjast ekki búast við honum sem leiðtoga á ný, nema í mesta falli í hátíðarhlutverki einhvers konar.