Breiðablik ræður þjálfara

Knattspyrnudeild Breiðabliks hefur gengið frá ráðningu fjögurra þjálfara sem annast munu meistaraflokk og annan flokk liðsins á næsta keppnistímabili. Guðmundur Magnússon hefur verið ráðinn sem aðalþjálfari kvennaliðsins í stað Úlfars Hinrikssonar. Þá hefur Guðlaug Jónsdóttir verið ráðin aðstoðarþjálfari kvennaliðsins og henni til aðstoðar verða Björn Björnsson, sem einnig verður aðalþjálfari annars flokks kvennaliðsins og Guðmundur Hreiðarsson verður áfram markmannsþjálfari meistaraflokks kvenna og annars flokks. Þetta kemur fram á heimasíðu félagsins í morgun.