Inter lagði Juve og Milan vann

Inter Milan vann óvæntan 0-1 útisigur á Juventus í stórleik Serie A í ítalska fótboltanum í kvöld og setti fyrir vikið toppbaráttuna í deildinni í háspennu. Julio Cruz skoraði sigurmarkið á 24. mínútu en á sama tíma náði AC Milan að jafna Juve að stigum með 1-0 sigri á Chievo þar sem Clarence Seedorf skoraði sigurmarkið á 65. mínútu. Juve og AC Milan er jöfn í efsta sætinu með 70 stig en Juve með einu marki betur í markatölu. Inter kemur 11 stigum fyrir aftan í 3. sætinu. Úrslit á Ítalíu í kvöld urðu eftirfarandi: AC Milan 1 - 0 Chievo Verona  Cagliari 1 - 1 Lazio  Fiorentina 1 - 1 Messina  Juventus 0 - 1 Inter Milan  Lecce 1 - 1 Bologna  Palermo 3 - 3 Brescia  Parma 1 - 1 Sampdoria  Reggina 0 - 0 Atalanta  Roma 0 - 2 Siena  Udinese 1 - 1 Livorno