Byggingastjóri greiði fyrir galla á húsi

Byggingastjóri parhúss í Garðabæ var í gær dæmdur til að greiða eiganda hússins eina og hálfa milljón króna í skaðabætur vegna verulegra galla sem voru á byggingu hússins.

Verktakafyrirtækið sem byggði húsið er gjaldþrota og því sótti eigandi hússins bætur á byggingastjórann. Sá neitaði bótaskyldu en Hæstiréttur staðfesti í gær úrskurð Héraðsdóms Reykjaness sem komst að þeirri niðurstöðu að byggingastjórar bæru fjárhagslega ábyrgð á verkum sem þeir hefðu umsjón með.