Ósáttir við breytingar á umdæmum

Akurnesingar eru ósáttir við hugmyndir um að færa lögregluembætti bæjarins undir lögregluna í Borgarnesi. Guðmundur Páll Jónsson bæjarstjóri segist segist afar undrandi á hugmyndunum, lögreglan á Akranesi sé sú fjölmennasta á Vesturlandi og sú eina með sólarhringsvakt. Hann óttast að þjónusta lögreglunnar skerðist verði af breytingunni.

Vilhjálmur Birgisson, formaður Verkalýðsfélags Akraness óttast færslu rannsóknardeildar lögreglunnar frá Akranesi til Borgarness. Hann segir lögregluna á Akranesi hafa staðið sig vel við rannsókn þegar grunur leikur á að brotið sé á starfsmönnum en sömu sögu sé ekki að segja um lögregluna í Borgarnesi.