Wilma orðin 4. stigs fellibylur

Hitabeltisstormurinn Wilma er nú orðinn að fellibyl á fjórða stigi og fer enn vaxandi. Um tólfta fellibylinn á þessu svæði er að ræða á þessu ári en svo margir hafa þeir ekki verið á einu ári frá árinu 1969. Miklar rigningar hafa valdið flóðum á svæðunum sem liggja lágt yfir sjávarmáli á Jamaíka en Wilma stefnir nú í norður, í átt að Kúbu og Flórída, og er búist við að stormurinn komi inn í Mexíkóflóa um helgina. Á þessum svæðum undirbýr fólk sig nú til að yfirgefa heimili sín vegna flóðahættu.