Audi bestur í heimi

Audi A6 var valinn World Car of the Year, eða heimsmeistari bíla, af dómnefnd 48 þekktra bílablaðamanna. Audi A6 sigraði 35 keppinauta úr öllum stærðarflokkum en verðlaunaathöfnin var haldin í febrúar í tengslum við alþjóðlegu bílasýninguna í Toronto í Kanada. Í dómnefndinni voru fulltrúar helstu svæða bifreiðamarkaðarins og leiðandi fjölmiðla á sviði bílgreina í heiminum. Bifreiðar voru metnar, bæði á hlutlægan mælikvarða, svo sem eiginleika framleiðslunnar, og vegna "persónutöfra". Audi A6 hefur sópað að sér verðlaunum eins og Auto Trophy, Gullna stýrið og besti bíllinn í lúxusbílaflokki.