Endalok NYPD Blue

Lögguþættirnir NYPD Blue hafa lokið göngu sinni hjá ABC-sjónvarpsstöðinni í Bandaríkjunum eftir tólf þáttaraðir. Í síðasta þættinum leitaði aðalpersónan geðstirða Andy Sipowich, sem er leikin af Dennis Franz, að morðingja vændiskonu. Franz var orðinn einn eftir af upphaflega leikaraliðinu í þáttunum, en á meðal mótleikara hans í gegnum tíðina voru David Caruso, Jimmy Smiths og Kim Delaney. Ekki er vitað hvað tekur við hjá Dennis Franz eftir endalok NYPD Blue en væntanlega á hann ekki eftir að kvarta yfir atvinnuleysi.