Jólaveröld á Akureyri

Þó enn séu 38 dagar til jóla eru jólaskreytingar sums staðar farnar að setja svip sinn á bæjarlífið. Starfsmenn Akureyrarbæjar byrjuðu í gær að setja upp jólaljós í miðbæ Akureyrar og jólaskreytingar eru komnar upp við nokkur heimahús í bænum.

Ein umfangsmesta og tígulegasta jólaskreytingin á Akureyri ár hvert er kominn á sinn stað en hún er við heimili Guðnýjar Jónsdóttur og Ragnars Sverrissonar kaupmanns í JMJ.

Alls eru fimmtíu jólaseríur í skreytingunni í ár og samanlagt eru þær hátt í kílómetri að lengd en þrjá daga tók að koma skreytingunni upp.