Schwarzenegger laminn sem barn

Leikarinn góðkunni og núverandi ríkisstjóri Kaliforníu, Arnold Schwarzenegger, segir föður sinn hafa lagt á sig hendur þegar hann var lítill strákur. Í viðtali við tímaritið Fortune segir Arnold að í dag myndi meðferðin á honum flokkast undir misnotkun enda hafi oft verið rifið í hárið á honum og hann barinn með belti. Þessi uppeldistækni hafi hins vegar viðgengist á hans yngri árum í Austurríki. Uppeldi hafi snúist um hlýðni og að mörg börn hafi hreinlega brotnað undan hinni illu meðferð. Tortímandinn fyrrverandi bætir þó við að sjálfur hafi hann ekki hlýtt og engum hafi eða muni takast að brjóta viljastyrk sinn á bak aftur.