Fleiri þurfa að gefa skýrslu

Enn á eftir að ræða við nokkra menn sem veitt geta upplýsingar um húsbrotið í Logalandi í Fossvogi aðfaranótt laugardags að sögn Ómars Smára Ármannssonar, aðstoðaryfirlögregluþjóns í Reykjavík. Skýrslur voru teknar af nokkrum í gær og á laugardag en lögreglan vill ekki gefa upp hversu margir hafa gefið skýrslu. Sjö eða átta menn ruddust inn í íbúðina og var hurðarhúnn var skotinn af með haglabyssu til að komast inn. Mennirnir réðust að húsráðanda, handleggsbrutu hann og veittu honum skurð á enni. Kona sem var í íbúðinni náði að forða sér út.