Útafakstur á Hellisheiði

Lögreglunni á Selfossi var tilkynnt um útafakstur á Hellisheiði um níuleytið í gærmorgun. Ökumaður var einn í bílnum og er grunaður um að hafa verið undir áhrifum lyfja við aksturinn. Blóðsýni var tekið úr ökumanninum og í framhaldi af því var bíllinn tekinn af honum. Einnig kom til kasta lögreglunnar á Selfossi bílvelta í Þrengslum klukkan hálftólf á laugardagsmorgun. Tveir farþegar vor í bílnum og hlutu þeir minniháttar meiðsli. Farþegar fóru sjálfir af vettvangi eftir að lögreglan gerði að sárum þeirra. Bíllinn var fjarlægður með kranabíl. Þá var einn réttindalaus ökumaður gripinn glóðvolgur snemma á laugardagsmorguninn á Selfossi og á sá von á háum fjársektum.