Dregið í VefTívíleik Vísis

Síðastliðinn mánudag var dregið í VefTívíleik Vísis. Hátt á sjötta þúsund manns tóku þátt í leiknum og var einn heppinn þátttakandi dreginn út úr þeim hópi. Vinningshafinn er Ingunn Erla Sævarsdóttir og hlaut hún í verðlaun nýjan og fullkominn NOKIA 6670 farsíma frá Hátækni. Þetta er annar 1 milljón pixla myndavélasíminn frá Nokia. Nokia 6670 er enn einn Symbian-síminn frá Nokia og með þessum síma fara sama nýjustu tækninýjungar og hefðbundið útlit sem gerir þennan síma einstakan. Tilgangur VefTívíleiksins var að kynna nýtt og betra VefTíví Vísis. Notendur Vísis hafa nú aðgengi að fréttum Stöðvar 2 í heild sinni eða geta skoðað stakar fréttir. Ísland í dag og Ísland í bítið er hægt að skoða í heild sinni á VefTívíi Vísis eða einstakra dagskrárliði þáttanna. Silfur Egils, sem er á dagskrá Stöðvar 2 alla sunnudaga klukkan 12:00, er einnig aðgengilegt á VefTívíi Vísis skömmu eftir að þættinum lýkur. Þar er líka hægt að skoða einstaka liði þáttarins. Olíssport er sömuleiðis á nýju VefTívíi Vísis en alla þessa þætti er líka hægt að sjá í beinni útsendingu á vefnum. Loks má nefna að fjöldinn allur af grín- og tónlistarupptökum er á Veftívíi Vísis. Á VefTívíi Vísis eru upptökur allt aftur til 16. júní 2004 en þá var nýjum Vísi hleypt af stokkunum. Notkun Veftívísins hefur vaxið hröðum skrefum. Í byrjun ágúst voru flettingar í VefTívíinu eða skoðaðar klippur rúmlega 3.600 á dag en í lok nóvember eru flettingarnar orðnar tæplega 15.900 á dag. Vöxturinn er ríflega þrefaldur á tímabilinu.