Rabba minnst á Grafíktónleikum

Grafík hélt tvenna tónleika í Alþýðuhúsinu á Ísafirði í gærkvöld. Rafn heitinn Jónsson, trommuleikari, tók þátt í að skipuleggja tónleikana en hans var minnst með mínútu þögn í upphafi tónleikanna.Tónleikarnir voru vel sóttir og varð að halda tvenna svo að allir sem vildu, fengju að heyra sveitina taka sum vinsælustu lög sín. Hljómsveitin var skipuð þeim Rúnari Þórissyni, Helga Björnssyni, Hirti Howser, Haraldi Þorsteinssyni og Agli, syni Rafns, sem lék á trommur í stað föður síns. Þeir sem stóðu að tónleikunum voru Körfuboltafélag Ísafjarðar í samstarfi við aðstandendur Rafns og hljómsveitina.