Vieri vísar gagnrýni á bug

Ítalski framherjinn Christian Vieri vísar á bug þeirri hörðu gagnrýni sem liðið hefur fengið á sig eftir jafnteflið í leiknum gegn Dönum. "Þessi gagnrýni er fáránleg - í guðs bænum, við gerðum jafntefli. Vissulega spiluðum við ekki vel og það eru ákveðin vandamál að herja á liðið. En við getum leyst þau og það er vert að benda á að við fengum ekki á okkur mark og töpuðum ekki leiknum. Við erum búnir að ræða málin vandlega og greina leikinn eins og við gerum eftir hvern leik. Við munum án efa gera betur í næsta leik á föstudaginn gegn Svíum," sagði Vieri á blaðamannafundi og bætti við: "Við verðum að spila sem heild og leggja okkur alla í verkefnið ef við ætlum okkur að vinna Svía og þeir sem halda að við eigum ekki nóg inni eiga eftir að sjá annað," sagði borubrattur Christian Vieri.