Hæpin jólagjöf R-listans

Vilhjálmur Þ. Vilhjálmsson, oddviti Sjálfstæðisflokks í borgarstjórn, segir jólagjöf R-listans í ár til borgarbúa sé skatta- og gjaldahækkun sem muni kosta reykvískar fjölskyldur tugi þúsunda á næsta ári. R-listinn kynnti í gær frumvarp sitt að fjárhagsáætlun Reykjavíkurborgar fyrir árið 2005 þar sem meðal annars er boðuð hækkun útsvars og fasteignaskatta. Oddviti sjálfstæðismanna segir þetta þvert á loforð R-listans fyrir síðustu kosningar um að skattar yrðu ekki hækkaðir vegna aukinnar skuldasöfnunar.