15 milljóna skattsvik

Ríkislögreglustjóri hefur ákært tvo menn fyrir að hafa svikið á hátt í fimmtán milljónir undan skatti á árunum 2001 og 2002. Mennirnir tveir ráku fyrirtæki á þessum tíma og er þeim gefið að sök að hafa hvorki greitt virðisaukaskatt upp á tæpa fjórðu milljón króna, né opinber gjöld vegna laun upp á 11,3 milljónir. Mennirnir neita sök og vísa á mann sem þeir réðu til fyrirtækisins til að sjá um bókhald og skattaskil og segja hann bera ábyrgðina. Þá var í dag þingfest fyrir Héraðsdómi Reykjavíkur ákæra yfir manni sem gert er að sök að hafa svikið undan skatti rúmar átta milljónir. Maðurinn hefur játað sök og má búast við því að sektin verði helmingi hærri en sú upphæð sem skotið var undan. Dæmt verður í málinu í janúar.