Lífið

Hélt fimm tónleika á Fjóni

„Þetta gekk alveg ótrúlega vel. Ég er enn þá í skýjunum,“ segir söngkonan Guðný Gígja Skjaldardóttir frá Patreksfirði. Hún er nýkomin heim eftir níu daga ferð til Fjóns í Danmörku þar sem hún hélt fimm tónleika fyrir heimamenn.

Lífið

Strandverðir fá höfunda

Framleiðandinn Paramount hefur ráðið tvo nýja handritshöfunda fyrir kvikmynd byggða á hinum vinsælu þáttum Strandverðir, eða Baywatch. Fyrri handritshöfundurinn, sem skrifaði handritið að rómantísku gamanmyndinni The Break-Up, hefur verið látinn flakka og tveir nýir fengnir í staðinn.

Lífið

Íslensk þjóðerniskennd í Kína

Dúóið Heima sem er búsett í Xiamen í Kína hefur sent frá sér myndband við lagið I Know You. Þar er þjóðerniskenndin í fyrirrúmi og yfirgangur Breta gagnvart Íslendingum vegna Icesave-málsins gagnrýndur.

Lífið

Teikningar í Kaffistofu

Ragnar Fjalar, Sigurður Þórir, Arnljótur, Mundi og Morri sýna „overkill-teikningar“ sem þeir hafa unnið í vetur á sýningunni A4 TR1BUT3 5H0W, sem opnuð verður í Kaffistofu, Hverfisgötu 42 í dag.

Lífið

Jesse James eyðilagði bíl ljósmyndara

Jesse James réðst á bifreið í eigu ágengs ljósmyndara þann 25. mars síðastliðinn með þeim afleiðingum að tveir hjólbarðar sprungu, hurð á bílnum beyglaðist og rúða brotnaði.

Lífið

Verður næsta Bond-stúlka indversk?

Leikkonan Freida Pinto, sem sló í gegn í kvikmyndinni, Viltu vinna milljarð, hefur verið orðuð í hlutverk Bond stúlkunnar í nýjustu James Bond myndinni sem óskarsverðlaunaleikstjórinn Sam Mendes leikstýrir.

Lífið

Spurningakeppni fjölmiðlanna í dag: Engin nördakeppni

Spurningakeppni fjölmiðlanna hefst klukkan fjögur í dag en alls tóku fjórtán lið þátt í þessari fornfrægu keppni sem áður var haldinn í ríkisútvarpinu. Nú er það Logi Bergmann sem bregður sér í hlutverk spyrilsins enda enn þá í fantaformi síðan hann hélt um stjórnartaumana á Gettu Betur.

Lífið

Gallsúr smokkatígur í Kambódíu

Tiger Woods hefur ekki átt sjö dagana sæla síðastliðna mánuði. Eftir að það komst upp um fjölmörg framhjáhöld hans. Tiger hefur verið uppspretta fjölmargra brandara, en nýjasti brandarinn er eiginlega of súr.

Lífið

Flottasta motta landsins

Tom Selleck-mottukeppnin fór fram á Boston á þriðjudaginn sem leið. Þetta er í fimmta sinn sem slík keppni er haldin hér á landi. Í Tom Selleck-keppninni keppa karlmenn um titilinn Flottasta motta landsins og var fjöldi hárprúðra manna mættur til leiks í ár líkt og fyrri ár. Keppnin var haldin í samstarfi við Mottumars Krabbameinsfélagsins og rann hluti af ágóða kvöldsins til félagsins. Kynnir var hinn stórskemmtilegi Þorsteinn Guðmundsson og í dómnefnd sátu Sigríður Guðlaugsdóttir, eigandi staðarins, Erik Hirt, fyrrum sigurvegari keppninnar, Jón Atli Helgason, öðru nafni Hárdoktorinn, og útvarpsmaðurinn Þorgeir Ástvaldsson. Aron Bergmann bar sigur úr býtum þetta sinnið, en annað sætið hreppti kvikmyndagerðarmaðurinn Sindri Páll Kjartansson. - sm

Lífið

Fékk ólétta konu til að leika fyrir sig

Í nýrri kvikmynd leikkonunnar Jennifer Lopez, The Back Up Plan, fer Lopez með hlutverk konu sem á von á tvíburum. Í einni senu sést Lopez standa nakin fyrir framan spegil að dást að þeim breytingum sem líkami hennar hefur gengið í gegnum. Í nýlegu viðtali viðurkennir leikkonan þó að þetta sé í raun ekki hún. „Mér fannst þessi sena mjög falleg, þetta gerði ég þegar ég átti von á mér, þá stóð ég og horfði agndofa á þær breytingar sem orðið höfðu á líkama mínum. Mér fannst að við ættum að fá barnshafandi konu til að leika í senunni, svo hún yrði raunverulegri. Og við gerðum það, þessi kona var komin átta mánuði á leið,“ útskýrir leikkonan.

Lífið

Misheppnaðar ráðningar

Kvikmyndanördar velta ýmsu fyrir sér. Á vefsíðu breska blaðsins Sun er rætt um misheppnað val á leikurum. Leikkonan Denise Richards kemst þar á blað fyrir hlutverk sitt sem Dr. Christmas Jones í Bond-myndinni The World Is Not Enough. Lesandi blaðsins vill meina að hún hafi ekki verið trúverðug sem kjarnorkueðlisfræðingur og eru eflaust margir hjartanlega sammála honum. „Ég veit hvernig Bond-myndir geta verið en samt hef ég aldrei séð vel vaxinn kjarnorkueðlisfræðing hlaupa um í níðþröngum fötum,“ skrifaði hann.

Lífið

Mikil spenna fyrir næstu Bond-mynd

Það er miklu fremur regla heldur en hitt þegar umtal, slúður og vangaveltur byrja að flæða yfir fjölmiðla um næstu James Bond-myndina. Sú herferð virðist hafin og að venju er hún misgáfuð.

Lífið

Vill söngleik um líf sitt

Mariah Carey áformar að framleiða söngleik um líf sitt, samkvæmt nýjustu fréttum vestanhafs. Þrátt fyrir góðan leiksigur í kvikmyndinni Precious hyggst Mariah ekki leika sjálfa sig í söngleiknum, en hún hefur aðra snoppufríða söngkonu í huga; enga aðra en Leonu Lewis. „Mariah vonar í laumi að Leona Lewis leiki hana. Hún er framandi og ein af fáum sem hefur nógu vítt raddsvið,“ er haft eftir heimildarmanni úr innsta hring.

Lífið

Edda Björgvins útskrifuð sem flugfreyja

„Ég sem gamall hippi hefði aldrei ímyndað mér að ég ætti eftir að verða flugfreyja. Maður fussaði nánast og sveiaði yfir vinkonum sínum sem fóru í þetta á sínum tíma og fannst þetta jafnast á við að taka þátt í fegurðarsamkeppni,“ segir Edda Björgvinsdóttir. Sem verður að éta stóru orðin því hún útskrifaðist sem flugfreyja hjá Iceland Express í gær ásamt 38 öðrum flugliðum. Edda er þegar komin með vinnu og mun fljúga til 25 áfangastaða í sumar með flugfélaginu.

Lífið

Metallica og Black Sabbath sameinast

Grameðlurnar í Metallica og Black Sabbath ætla að sameina krafta sína á næstunni. Hljómsveitirnar eiga lög á 12 tommu vínylplötu sem verður aðeins gefin út í 1.000 eintökum. Metallica leggur til sérstaka hljóðblöndun hljómsveitarinnar UNKLE af laginu Frantic, en Black Sabbath bætir um betur og leggur til ofursmellinn Paranoid með nýjum texta. Platan verður gefin út í tilefni af plötuverslunardeginum í Bretlandi 17. apríl, en dagurinn er tileinkaður sjálfstæðri plötusölu í landinu.

Lífið

Blues Willis spilar

„Við spilum nú minna af blús en nafnið á hljómsveitinni gefur í skyn,“ segir Helgi Stefánsson, gítar- og banjóleikari í hljómsveitinni Blues Willis. „Tónlistin okkar er kántrískotin og fer um víðan völl, alveg frá örugustu ballöðum í brjálað hillbillístuð.“

Lífið

Haldinn ofsóknarbrjálæði

Í nýrri bók eftir fyrrverandi blaðamann kvikmyndabiblíunnar Variety um framleiðslufyrirtæki Stevens Spielberg, DreamWork, er því haldið fram að leikstjórinn sé haldinn hálfgerðu ofsóknarbrjálæði. Óttast hann mjög að upplýsingar um nýjar myndir sínar rati til keppinauta sinna.

Lífið

Vill að Lourdes sé íhaldssamari

Bandaríska söngkonan Madonna kastaði heldur betur steinum úr glerhúsi í nýju viðtali við US Weekly. Madonna hefur oft verið þekkt fyrir að klæðast fremur óhefðbundnum, eggjandi og efnislitlum klæðnaði en í umræddu viðtali sagðist hún vilja að dóttir sín, Lourdes, myndi klæða sig ögn íhaldsamar. „Hversu kaldhæðnislegt er það?,“ sagði Madonna og virtist gera sér grein fyrir því að þetta væri ekki eitthvað sem hún hefði efni á.

Lífið

Slapp naumlega undan skýstrók

„Fyrsta sem maður gerði var auðvitað að athuga með strákinn á leikskólanum en þetta var svo staðbundið að þau höfðu ekkert orðið vör við þetta," segir Völundur Snær Völundarson, best þekktur sem Völli Snær. Hann slapp naumlega undan ský­strók sem herjaði á íbúa Grand Bahama-eyjunnar í Karíbahafinu á mánudaginn. Slík veðrabrigði eru mjög sjaldgæf á þessum slóðum og sjálfur hafði kokkurinn aldrei séð slíkt með eigin augum. „Þetta getur komið út frá þrumuveðrum en er miklu algengara í Flórída. Það er kona sem hefur búið hérna í nítján ár og vinnur hjá mér og hún hafði aldrei upplifað svona," segir Völli. Hann rekur veitingastaðinn Sabor við Pelican Bay-hótelbyggingarnar, sem standa nálægt Port Lucaya-höfninni, ásamt konu sinni, Þóru Sigurðardóttur.

Lífið

Ljóðalestur í stað predikunar

„Þau æfðu flutninginn á fimmtudagskvöldið var og þetta leit mjög vel út,“ segir Hjálmar Jónsson, prestur við Dómkirkjuna í Reykjavík. Í stað hefðbundinnar predikunar í messu á föstudaginn langa munu Þórður Helgason, dósent við Kennaraháskóla Íslands, og Svanhildur Kaaber lesa þýðingu Þórðar á sonnettusveig eftir Lisbeth Smedegaard Andersen sem nefnist Nú stillir alla storma hafa og landa. Lisbeth þessi er danskur prestur og rithöfundur. „Þessi sonnettusveigur lýsir píslargöngu Krists og er samin af alveg sérstöku listfengi,“ segir Hjálmar en höfundurinn hefur hlotið mikið lof og viðurkenningar fyrir sonnettusveiginn í heimalandi sínu. Messan á föstudaginn langa í Dómkirkjunni hefst klukkan 11.

Lífið

Ósáttur við Bush og Blair

Leikarinn Ewan McGregor hefur gagnrýnt George W. Bush, fyrrverandi Bandaríkjaforseta, og Tony Blair, sem var forsætisráðherra Bretlands, harðlega vegna árásanna á Írak og Afganistan. Hann er óánægður með að Bush hafi aldrei verið látinn svara fyrir ákvörðun sína um að ráðast inn í löndin og að Blair hafi aldrei beðist afsökunar fyrir hönd Bretlands á þátttöku sinni í stríðunum. „Stjórnmálamenn þurfa á endanum aldrei að bera fulla ábyrgð á gjörðum sínum. Mér finnst það hræðileg tilhugsun,“ sagði hinn skoski McGregor.

Lífið

Liam bestur á sviði

Liam Gallagher, fyrrum söngvari Oasis, hefur verið kjörinn besti sviðsmaður allra tíma í nýrri skoðanakönnun breska tímaritsins Q. Fyrir neðan hann á listanum eru kappar á borð við John Lennon, Jim Morrison, Freddie Mercury og Bono. Allir eiga þeir það sameiginlegt að hafa leitt hljómsveitir sínar á eftirminnilegan hátt. „Það er annars vegar Elvis og hins vegar ég. Ég á erfitt með að segja til um hvor okkar sé bestur,“ sagði Liam af sinni alkunnu hógværð. Á meðal annarra sem komust á listann voru voru Bob Marley, Robbie Williams og John Lydon.

Lífið

Benni í heimsókn á Íslandi

Nýjasta plata Benna Hemm Hemm heitir Retaliate, er fimm laga og er að koma út. Benni hefur verið að spila á Bretlandseyjum, en er nú á Íslandi. Spilar í kvöld í Ketilhúsinu á Akureyri og verður svo með tónleika í Norræna húsinu á laugardaginn. Mjög mismunandi er hverjir spila með Benna á tónleikum. „Ég var með tvo Skota með mér sem spiluðu á lúðra, en hérna á Íslandi spila ég með Róberti Reynissyni á Akureyri og hljómsveit Hjörleifs Jónssonar hitar upp. Í Reykjavík spila Róbert og Óli Björn með mér og Óli Björn hitar upp með sitt stöff sem er mjög magnað,“ segir Benni. „Eftir Íslandsdvölina fer ég á Evróputúr og þá er enn annað lið að spila mér, blásararnir Ingi Garðar og Eiríkur sem hafa spilað með mér heillengi.“

Lífið

Jesse James í meðferð

Hataðasti maðurinn í Hollywood um þessar mundir, Jesse James, er farinn í sömu meðferð og Tiger Woods. James hefur viðurkennt fyrir umheiminum að hann sé háður kynlífi með ókunnugum konum. En sú fíkn batt enda á hjónaband hans og Söndru Bullock.

Lífið

Mest lesið