Lífið

Bridges og Coen saman á ný

Jeff Bridges mun að öllum líkindum leika fyrir Coen-bræður á nýjan leik í myndinni True Grit. Hún er endurgerð samnefnds vestra frá 1969 og myndi Bridges feta í fótspor Johns Wayne í hlutverki kúrekans Reuben J. „Rooster“ Cogburn.

Lífið

Feitustu plöturnar fyrir jól

Eins og hér stíla plötuútgefendur erlendis upp á að mæta með burðugar hljómplötur á síðustu mánuðunum fyrir jól. Nokkrar plötur sem eru vænlegar til að gera góða hluti á vinsældalistum og hjá gagnrýnendum eru handan við hornið. Dr. Gunni kannaði málið.

Lífið

Ísland í aðalhlutverki hjá Metropolitan

Ísland verður í forgrunni í uppfærslu Metropolitan-óperunnar í New York á Niflungahring Richards Wagner. Þetta upplýsir leikstjóri sýningarinnar, hinn virti Robert Lepage, í viðtali við Wall Street Journal.

Lífið

Tiësto fær slæma dóma

Kaleidoscope, nýjasta plata hollenska plötusnúðsins Tiësto, fær slæma útreið á bandarísku tónlistarsíðunni Pitchfork. Jónsi í Sigur Rós syngur titillag plötunnar en það virðist ekki hafa dugað til því hún fær aðeins 3,8 í einkunn af 10 mögulegum.

Lífið

Harðari en fólk býst við

Bróðir Svartúlfs varð tuttugasta og sjöunda hljómsveitin til að bera sigur úr býtum í Músíktilraunum í apríl. Bandið blandar saman rappi og rokki og hefur nú gefið út fyrstu plötuna sína. Hún er sex laga og samnefnd sveitinni. „Við tókum hana upp að hluta til fyrir sigurlaunin,“ segir Arnar Freyr Frostason, söngvari/rappari sveitarinnar.

Lífið

Vandræði Polanski

Heimildarmyndin Roman Polanski: Wanted and Desired verður frumsýnd hjá Græna ljósinu á morgun. Um áhugaverða mynd er að ræða sem fjallar um hið sögufræga mál þegar leikstjórinn Roman Polanski var árið 1977 kærður fyrir að hafa haft mök við þrettán ára stúlku og gefið henni eiturlyf.

Lífið

Auðunn datt út í Tallinn

Líkt og Vísir sagði frá í morgun hóf sjónvarpsmaðurinn Auðunn Blöndal leik á Pokerstarsmóti í Tallinn í Lettlandi í dag. Auðunn samdi á dögunum við Pokerstars.com um að taka þátt í völdum mótum á þeirra vegum og var þetta það fyrsta í röðinni. Mikið af stjörnum eru á mótinu en af Audda er það að frétta að hann er dottinn út.

Lífið

Jackson og Páll Óskar í Íslandi í dag

Myndin This is it, sem fjallar um síðasta tónleikaferðalag stórstjörnunnar Michael Jackson, verður frumsýnd um allan heim í kvöld. Í Íslandi í dag verður sýndur bútur úr myndinni auk þess sem rætt verður við Pál Óskar Hjálmtýsson, sem er einn örfárra hér á landi sem hefur séð myndina.

Lífið

Auddi byrjaður að spila með stjörnunum í Tallinn

Sjónvarpsmaðurinn Auðunn Blöndal er byrjaður að spila á Pokerstarsmóti sem haldið er í Tallinn í Eistlandi. Þar etur hann kappi við nokkra af frægustu pókerspilurum heimsins. Líkt og komið hefur fram í fréttum hefur Auðunn samið við Pokerstars.com um að taka þátt í völdum mótum á þeirra vegum og er þetta mót það fyrsta í röðinni.

Lífið

Strumparnir syngja Bahama-lag Ingós

Tvö lög með Ingó og Veðurguðunum verða á nýrri Strumpaplötu sem kemur út 17. nóvember, þar á meðal titillagið Bahama. „Ég sagði bara já þegar ég var spurður hvort það mætti nota lögin á Strumpaplötu því krakkarnir hafa örugglega gaman af þessu," segir Ingó.

Lífið

Kvikmyndafyrirtæki læsir klóm í Konur Steinars Braga

Framleiðslufyrirtækið ZikZak hefur tryggt sér kvikmyndaréttinn að bók Steinars Braga, Konur, sem kom út á síðasta ári. Hún fékk frábæra dóma og var af mörgum talin bók ársins. Þórir Snær Sigurjónsson, framleiðandi hjá ZikZak, var því að vonum ánægður með að klófesta verkið.

Lífið

Helgi Seljan kynnir grínið

Grínhópurinn Mið-Ísland stendur fyrir ókeypis skemmtun á Batteríinu (áður Organ) annað kvöld kl. 21.30. Í hópnum eru Ari Eldjárn, Jóhann Alfreð, Dóri DNA, Bergur Ebbi og Árni Vilhjálmsson. Sjónvarpsmaðurinn og verðandi Akureyringurinn Helgi Seljan var munstraður til að vera kynnir á kvöldinu.

Lífið

Egill og Páll með Furstum

Hljómsveitin Furstarnir með Geir Ólafsson í fararbroddi heldur sína árlegu tónleika á Kringlukránni 6. og 7. nóvember. Aðrir söngvarar auk Geirs verða þau Ólafur Gaukur, Svanhildur Jakobs­dóttir, André Bachmann, Egill Ólafsson og Páll Rósinkrans.

Lífið

Hannar kjóla á litlar stúlkur

„Ég eignaðist litla stelpu fyrir sjö mánuðum þannig að það var bara tímaspursmál hvenær ég færi að sauma litla kjóla á stelpur,“ segir Birta Björnsdóttir, fatahönnuður og eigandi tískuvöruverslunarinnar Júniform. Hún hefur nú hafist handa við að hanna og sauma kjóla fyrir litlar stelpur og auglýsti þá á Fésbókarsíðu verslunarinnar. Viðbrögðin létu ekki á sér standa og segist Birta hafa fengið fjölda fyrirspurna frá viðskiptavinum.

Lífið

Eivör í beinni

Opnunartónleikar Womex-heims­tónlistarhátíðarinnar í Kaupmannahöfn verða sendir út í beinni útsendingu á Rás 2 í kvöld. Opnunartónleikarnir eru að þessu sinni helgaðir norrænni tónlist. Heiða Árnadóttir, söngkona hljómsveitarinnar Mógils, er ein þeirra sem koma fram með hljómsveitinni. Það gerir líka Eivör Pálsdóttir, fóstur­dóttir Íslands. Útsending stendur frá klukkan 19 til 20.30. - drg

Lífið

Sló í gegn með Slori og skít

Fyrsta breiðskífa rokksveitarinnar Hoffman, Your Secrets Are Safe with Us, er komin í búðir. Vinnslan við hana hófst í október í fyrra á sama tíma og kreppan skall á með miklu offorsi. Bassaleikarinn Sæþór Ágústsson segir að áfallið hafi veitt sveitinni mikinn innblástur.

Lífið

Ungfrú Ísland á lausu - myndir

„Nei ég er ekki lofuð. Ég var á föstu í tvö og hálft ár með yndislegum strák en við hættum saman fyrir nokkrum mánuðum en höldum enn sambandi og erum góðir vinir."

Lífið

Svörtuloft keyrð út til lesanda á sunnudagsmorgun

„Mér líst alveg ágætlega á þetta framtak og kalla þetta nú góða þjónustu," segir Arnaldur Indriðason, rithöfundur. Nýjasta bók hans, Svörtuloft, kemur út, samkvæmt öllum hefðum og reglum, þann 1.nóvember. Sá dagur ber hins vegar upp á sunnudegi sem er ekki alveg besti dagurinn til bókakaupa og því hefur starfsfólk Eymundsson ákveðið að keyra bókina út til þeirra sem tryggja sér eintak í forsölu. Arnaldur kveðst ekki viss um hvort hann myndi nýta sér svona ókeypis heimsendingu á bók eftirlætishöfundar síns ef hún væri í boði. „Það má samt alveg vel vera."

Lífið

Snæddu saman

Gerald Butler og Jessica Simpson sáust snæða saman á veitingastaðnum SoHo House í New York í vikunni. Butler og Jessica sátu til borðs ásamt nokkrum vinum sínum og virtist fara vel á með þeim. „Þau sátu með nokkrum vinum sínum en Jessica og Gerard, sem sátu hlið við hlið, virtust vera í sínum eigin heimi og spjölluðu í marga klukkutíma. Þau hlógu mikið og virtust daðra óspart við hvort annað áður en þau loks yfirgáfu staðinn saman,“ sagði sjónvarvottur.

Lífið

Íslensk þjóð á amerískum kúr

Dómar um Airwaves halda áfram að birtast á erlendum fréttaveitum en fjöldi erlendra blaðamanna dvaldist hér á landi og tók út íslensku tónlistarsenuna.

Lífið

Fyrsta sólóplata Jóns Tryggva

Í byrjun nóvember 2009 mun koma út fyrsta sólóplata, „Silkimjúk er syndin", tónlistarmannsins Jóns Tryggva. Um er að ræða 12 lög og 10 texta á íslensku eftir Jón en tvö lög á plötunni samdi Jón við ljóð eftir Davíð Stefánsson og Stein Steinarr.

Lífið

Á vakt með sjúkraflutningamönnum

Í Íslandi í dag í kvöld taka liðsmenn þáttarins eina vakt með sjúkraflutningamönnum og kynnast hröðu og krefjandi starfi stéttarinnar. Það er ekki auðvelt að vera sjúkraflutningamaður og eins gott að maður sé tilbúinn til þess að takast á við átök af ýmsu tagi.

Lífið

Mikill missir

Vísir hafði samband við tónlistarmennina Björgvin Halldórsson og Jakob Frímann Magnússon sem fengu að kynnast Flosa Ólafssyni leikara sem er féll frá í fyrradag. „Það er mikill missir af Flosa. Hann var sá maður sem setti mikinn svip á samtíðina. Hann sá alltaf skoplegu hliðina á samfélagsmálum," segir Björgvin og heldur áfram: „Við kynntumst fyrir mörgum árum og leiðir okkar lágu oft saman á skemmtunum þar sem ég var að spila og hann var með ræðu kvöldsins sem alltaf sló í gegn. Hann var vinsæll leikari og ræðumaður. Hnyttinn í andsvörum og skemmtilegar maður. Minning hans lifir." „Flosi var hlýr og yndislegur, allra karla kátastur og spaugsamastur. Aldurslaus og alþýðlegur. Frábær samferðamaður í alla staði," svarar Jakob Frímann spurður hvernig Flosi var í hans augum.

Lífið

Gísli Hvanndal gerir myndband við Álfa

Gísli Hvanndal Jakobsson sem sló eftirminnilega í gegn í Idol-Stjörnuleit fyrir nokkrum árum hefur nú gert myndband við lagið Álfa, eftir Magnús Þór Sigmundsson. Útgáfa Gísla af laginu naut nokkurra vinsælda þegar hann gaf lagið út fyrir nokkrum árum en þetta er fyrsta myndbandið sem Gísli gerir.

Lífið

Klárlega einn mesti húmoristi landsins

„Hver man ekki eftir Flosa?," svarar Logi Geirsson handboltakappi aðspurður um hans minningu um Flosa Ólafsson sem féll frá á Landspítalanum í fyrradag, 79 ára að aldri, eftir bílslys í vikunni sem leið. „Fyrsta sem kemur upp í hausinn á mér var þegar hann lék í Stuðmanna myndinni og fór á kostum. Hann var klárlega einn mesti húmoristi landsins svo áratugum skiptir og að mig minnir leikstýrði hann Skaupinu þrisvar sinnum.Það gera það bara snillingar." „Svo hafði faðir minn einstaklega gaman af honum. Ég veit líka eitt að ég mun aldrei gleyma þessu nafni Flosi Ólafsson," segir Logi.

Lífið

Páll Óskar aleinn á nýrri Jackson-mynd

„Þetta var eins og að vera einn með Michael Jackson. Þetta var eins og að fá að taka í spaðann á honum,“ segir Páll Óskar Hjálmtýsson, sem bauðst að sitja einn í lúxussal Smárabíós og horfa á Michael Jackson-myndina This Is It sem verður frumsýnd á miðvikudag. „Það sem manni er efst í huga er þakklæti. Maður er þakklátur fyrir að Michael Jackson hafi verið til og þakklátur fyrir að einhver hafi haft vit á því að taka þessar æfingar upp á filmu,“ segir Palli.

Lífið

Völuspá Þorvaldar Bjarna

Þorvaldur Bjarni Þorvaldsson hefur látið lítið fyrir sér fara að undanförnu en mun nú brjótast fram á sjónvarsviðið á nýjan leik þegar hljómsveitin Todmobile heldur upp á afmæli sitt 4. nóvember.

Lífið

Tískusýning í Fríkirkjunni

Hönnuðirnir Thelma Björk Jónsdóttir, Dúsa og Guðjón Tryggvason standa fyrir tískusýningu sem haldin verður í Fríkirkjunni laugardaginn 31. október.

Lífið

Mest lesið