Lífið

Íbúar aldrei haft áhrif á nafnbreytingar

„Það eru ekki fordæmi fyrir því að haft sé samráð við íbúa vegna nafnbreytinga, en að sjálfsögðu er tekið tillit til ólíkra sjónarmiða þar sem það á við,“ segir Sóley Tómasdóttir, fulltrúi vinstri grænna í skipulagsráði Reykjavíkur.

Lífið

Þeir ríkustu í Hollywood

Kvikmyndaframleiðandinn og -leikstjórinn Michael Bay græddi mest allra í Hollywood á síðasta ári samkvæmt rannsókn tímaritsins Vanity Fair, eða um sextán milljarða króna.

Lífið

Gáfu hálfa milljón til styrktar Haítí

Tónlistarmennirnir Arnar Már Friðriksson og Birgir Sævarsson, sem vöktu fyrst athygli í þættinum Bandið hans Bubba, söfnuðu rúmri hálfri milljón króna á styrktartónleikum sem þeir héldu á Nasa 20. janúar. Þar komu fram Páll Óskar Hjálmtýsson, Stefán Hilmarsson og fleiri kunnir tónlistarmenn og voru áheyrendur fjögur hundruð. Allur ágóðinn rennur til fórnarlamba jarðskjálftans á Haítí í gegnum Rauða krossinn og afhentu þeir félagar samtökunum ávísun með þeirri upphæð í gær.

Lífið

Douglas þeytir skífum

Bandaríski plötusnúðurinn Lee Douglas þeytir skífum á Kaffibarnum í kvöld. Douglas hefur verið duglegur við að færa gömul, sjaldheyrð diskólög í nýjan búning. Hann er í tveimur öðrum hljómsveitum sem heita TBD og Stallions. Með honum í fyrrnefndu sveitinni er Justin Vandervolgen úr hljómsveitinni !!! sem hefur spilað á Airwaves-hátíðinni.

Lífið

Fjallabræður syngja í Manchester

„Við erum mígandi spennntir að kynna land og þjóð á erlendri grundu,“ segir Halldór Gunnar Pálsson, kórstjóri Fjallabræðra, sem syngja á evrópskri menningarhátíð í Manchester 30. maí.

Lífið

Sex á Havaríi

Enn heldur fjörleg myndlistarstarfssemin áfram í Havaríi í Austurstrætinu. Í dag opnar sýning sex ungra kyndilbera íslensku myndlistarsenunnar.

Lífið

Áreynslulaus danstónlist

Plötusnúðarnir Óli Ofur, Fúsi Axfjörð og Bjarki Balrock hefja á sunnudagskvöld nýja tegund skemmtikvölda sem nefnast SunDaze. Fyrsta kvöldið verður á Jacobsen og verður það í höndum Bjarka Balrock. „Músíkin á að vera áreynslulaus og í hæsta gæðaflokki. Hún þarf líka að búa yfir þeim eiginleikum að afrétta, gleðja og upplífga,“ segir Óli Ofur. „Með þessum kvöldum gefst tækifæri til að spila tónlist sem á það til að búa yfir töluvert meiri sál og hjarta en sú músík sem drífur helgargólfin áfram.“

Lífið

Lil Wayne hlakkar til að fara í fangelsi

„Ég hlakka til að fara í fangelsi,“ sagði rapparinn Lil Wayne í nýlegu viðtali. Lil Wayne var á dögunum dæmdur í árs fangelsi fyrir ólöglegan vopnaburð. Hann hefur afplánun í New York seinna í mánuðinum.

Lífið

Afmælisblástur

Hinn 31. janúar sl. voru liðin 60 ár frá stofnun Lúðrasveitar Hafnarfjarðar. Af því tilefni verða haldnir afmælistónleikar í dag í Íþróttahúsinu við Strandgötu í Hafnarfirði. Haft var samband við flesta sem starfað hafa með lúðrasveitinni á liðnum árum og þeim boðið að taka þátt í þessum tónleikum. Viðbrögð voru góð og hafa milli 50 og 60 manns æft stíft að undanförnu. Afrakstursins fá tónleikagestir að njóta á þessum tónleikum.

Lífið

Leiðinlegt í ræktinni

Leikkonan Charlize Theron stundar meiri líkamsrækt en áður vegna þess að hún óttast að hún sé að fitna með aldrinum. Theron, sem er 37 ára, leiðist samt fátt meira en líkamsrækt. Þrátt fyrir það æfir hún sig nokkrum sinnum í viku til að halda línunum í lagi. „Ég hef alltaf nóg fyrir stafni. Ég á hunda og mér finnst gaman að vera úti í náttúrunni,“ sagði Theron. „Ég er ekki nógu dugleg í ræktinni en ég verð að fara þangað.

Lífið

Frances á nýrri plötu

Frances Bean Cobain, dóttir Kurts Cobain úr Nirvana og Courtney Love, kemur fram á sinni fyrstu plötu 30. mars. Platan nefnist Evelyn Evelyn frá samnefndri hljómsveit. Frances, sem er átján ára, syngur bakraddir í laginu My Space ásamt hópi þekktra einstaklinga á borð við Weird Al Yankovich, Andrew W.K., Gerard Way úr hljómsveitinni My Chemical Romance og rithöfundinum Neil Gaiman. Á meðal annarra laga á plötunni er ukulele-útgáfa af lagi Joy Division, Love Will Tear Us Apart.

Lífið

Ekki allir fullir sem hringja inn

„Það eru alls ekki allir blindfullir sem hringja inn en ég hef fundið fyrir því að ég virðist hafa þau áhrif á þjóðina að nú þykir sjálfsagt að fá sér brjóstbirtu upp úr klukkan fjögur þegar þátturinn minn hefst," segir Siggi Hlö útvarpsmaður spurður út í ástand hlustenda þáttarins Veistu hver ég var? sem hann er með á Bylgjunni á laugardögum klukkan 16:00 - 18:30.

Lífið

Spilar á fiðlu með austurrískri poppstjörnu

Fiðluleikaranum Geirþrúði Ásu Guðjónsdóttur bauðst nýverið að spila með austurrísku söngkonunni Önnu F sem slegið hefur í gegn í heimalandi sínu og hitaði meðal annars upp fyrir Lenny Kravitz á tónleikaferðalagi hans í sumar. Geirþrúður hefur verið búsett í Austurríki í tæpt ár þar sem hún stundar einkanám í fiðluleik.

Lífið

Eiður Smári í klóm breskra fjölmiðla

Eiður Smári Guðjohnsen, fyrrverandi fyrirliði íslenska landsliðsins og leikmaður Tottenham, er í kastljósi bresku pressunnar um þessar mundir eftir að breska blaðið The Sun hélt því fram að hann hefði átt í ástarsambandi við undirfatafyrirsætuna Vanessu Perroncel.

Lífið

Mentell deyr í bílslysi

Leikarinn William Shatner er afar sorgmæddir yfir dauða leikarans Justins Mentells sem lést í bílslysi á mánudag, aðeins 27 ára að aldri. Shatner lék á móti Mentell í hinum vinsælu sjónvarpsþáttum Boston Legal. „Það var mjög sorglegt að heyra um Justin Mentell. Hann hefði getað náð mjög langt. Ég vil senda samúðarkveðjur til fjölskyldu hans,“ skrifaði Shatner á Twitter-síðu sína. Mentell lék lögfræðinginn Garret Wells í Boston Legal frá 2005 til 2006. Hann lék einnig í nokkrum kvikmyndum, þar á meðal G-Force. Lögreglan í Iowa segir Mentell ekki hafa verið í bílbelti þegar bifreið hans skall á tré.

Lífið

Kolsvartur gleðileikur

Ufsagrýlur, nýtt leikrit eftir Sjón, verður frumsýnt í Hafnarfjarðarleikhúsi í kvöld. „Þetta er svartur gleðileikur, eins og sá sem við Íslendingar erum staddir í núna,“ segir Sjón. „Fjallar um trúnaðarbrestinn á milli þegnanna í litlu landi og hvernig hann fer með fólkið. Kannski ekki síst með þá sem brugðust. Það er verið að velta því fyrir sér hvort lækning sé möguleg.“

Lífið

The Strokes í hljóðver á ný

New York-sveitin The Strokes er byrjuð að taka upp sína fjórðu breiðskífu. Strákarnir hafa fengið í lið með sér upptökustjórann Joe Chiccarelli og upptökur fara að sjálfsögðu fram í stóra eplinu.

Lífið

Handtöskur fyrir Haítí

Leikkonan Scarlett Johansson hefur hannað nýja tegund af handtöskum til styrktar fórnarlömbum jarðskjálftans á Haítí. Töskurnar eru unnar í samstarfi við fyrirtækið Mango og koma í verslanir í mars. Allur ágóðinn af töskusölunni rennur til samtakanna Oxfam. „Ég er mjög ánægð með að starfa með Mango við að hanna neysluvöru sem vekur fólk til umhugsunar og um leið styrkja sjóð Oxfams vegna jarðskjálftanna á Haítí og með því að kaupa þessa tösku veitirðu fólki lífsnauðsynlega aðstoð,“ sagði Johansson.

Lífið

Benedikt ofkældist ekki

„Við erum að reyna að gera sjósundið sem öruggast og leiðbeina þeim sem koma nýir inn í þetta,“ segir Benedikt Hjartarson, formaður Sjósunds- og sjóbaðsfélags Reykjavíkur.

Lífið

Barði tilnefndur í Gautaborg

Kvikmyndahátíðin í Gautaborg stendur nú yfir. Þetta er stærsta kvikmyndahátíðin á Norðurlöndum og ein af stærstu kvikmyndahátíðum í heimi. Verðlaun verða veitt annað kvöld í hinum ýmsu flokkum, meðal annars fyrir bestu tónlist í norrænni bíómynd. Þar er Barði Jóhannsson meðal fimm tilnefndra, en Barði er tilnefndur fyrir músíkina í kvikmynd Óskars Jónassonar, Reykjavík-Rotterdam. Það er til mikils að vinna, aðalverðlaunin eru eitt hundrað þúsund sænskar krónur, rúmlega 1.7 milljónir íslenskar.

Lífið

Ringo fann loksins Guð

Bítillinn Ringo Starr segist loksins hafa fundið Guð eftir fjörutíu ára leit. Hann segir að sín andlega hlið fái að njóta sín á nýjustu plötu sinni Y Not.

Lífið

Orkudrykkur Völu Matt og Sollu Eiríks

Súkkulaði-orkudrykkur 1 banani (gott að kæla hann í ísskáp eða taka úr frysti) 1 bolli haframúslí eða tröllahafrar 3-4 lífrænar döðlur ½ til 1 bolli lífrænar möndlur ¼-½ bolli kókosmjöl eða kókosflögur 2-3 tsk. lífrænt kakó Kalt vatn eftir smekk 4-5 klakar Allt sett í blandara og þeytt saman. Ef blandarinn er ekki mjög kröftugur þá er ráð að setja fyrst banana og múslí og hræra saman. Setja svo restina í blandarann og hræra allt saman í lokin. Vatn er sett eftir smekk eftir því hvað þið viljið hafa drykkinn þykkan. Njótið svo vel, því hér er hollt sælgæti á ferð!

Lífið

Bo á Akureyri um helgina

„Ég mun taka úrval af lögunum mínum sem ég hef hljóðritað í gegnum tíðina. Af nóg er að taka," svarar Björgvin Halldórsson sem spilar með hljómsveitinni VON á veitingahúsinu Vésmiðjunni á Akureyri laugardagskvöldið 6. febrúar næstkomandi. „Ég hef nokkrum sinnum spilað sem gestur með þessum strákum. Fín hljómsveit," bætir hann við. Á að skella sér á skíði í leiðinni? „Ég hef aldrei komið á skíði á æfinni og mun ekki byrja núna. En Akureyrarbær er sjarmerandi bær eins og Hafnarfjörður og hefur upp á margt að bjóða," svarar Björgvin. „Ég mun ekki hafa tíma til að slappa af mikið en mun njóta hverrar mínútu," segir Björgvin.

Lífið

Þessar lýtaaðgerðir hljóta að kosta - myndir

Á meðfylgjandi myndum má sjá Pamelu Anderson, 42 ára, ásamt lífverði í næturklúbb í Hollywood helgina sem leið. Hún vinnur sér inn aura með því að mæta á ýmsar uppákomur gegn greiðslu enda kominn timi til að hún vinni sér inn aura til að greiða skuldahalasúpuna sem hún dregur á eftir sér.

Lífið

Best í myrkraherberginu

Jóna Þorvaldsdóttir sýnir um þessar mundir ljósmyndir í sal Ljósmyndasafns Reykjavíkur í Grófarhúsi. Sýninguna nefnir hún Skynjanir. Jóna notar aðferðir frá upphafsárum ljósmyndatækninnar.

Lífið

Freddy Krueger mesta illmennið

Freddy Krueger hefur verið kosinn mesta illmenni hvíta tjaldsins í nýrri könnun tímaritsins SFX. Krüger gerði garðinn frægan í hryllingsmyndinni The Nightmare on Elm Street. Næst á eftir Krueger komu Pinhead úr Hellraiser og Michael Myers úr Halloween.

Lífið

Býst ekki við styttu

James Cameron, leikstjóri stórmyndarinnar Avatar, býst ekk við að fá Óskarsverðlaunin fyrir bestu myndina í ár, þrátt fyrir að myndin sé tilnefnd. Hann vonar að fyrrverandi eiginkona sín, Kathryn Bigelow, fái styttuna, en hún leikstýrði The Hurt Locker – sem þykir afar sigurstrangleg.

Lífið

Mest lesið