Erlent

Hvattir til að taka fósturbörn

Borgaryfirvöld í Vínarborg ætla á næstunni að hefja herferð þar sem samkynhneigð pör eru hvött til þess að taka börn í fóstur. Samkynhneigðir hafa árum saman haft heimild til þess að taka börn í fóstur, en um þessar mundir er mikill skortur á fósturforeldrum í Austurríki.

Erlent

Óttast óspektir vegna úrskurðar

Írösk yfirvöld hafa fyrirskipað útgöngubann í Bagdad og tveimur aðliggjandi héruðum frá og með deginum í dag. Þetta er gert til að koma í veg fyrir uppþot þegar dómur verður kveðinn upp í einu máli af mörgum gegn fyrrverandi forseta landsins, Saddam Hussein. Endalok útgöngubannsins hafa ekki verið ákveðin.

Erlent

Sjö felldir í loftárásum

Ísraelskir hermenn drápu sjö Palestínumenn í loftárásum og bardögum á Gaza í gær. Sex þeirra voru herskáir meðlimir Hamas-samtakanna. Ekki sér fyrir endann á átökum Ísraelsmanna og palestínskra eldflaugasveita sem hófust fyrir fimm dögum.

Erlent

Þúsundir í mótmælagöngu

Allt að sex þúsund manns tóku þátt í mótmælagöngu í borginni Kaohsiung í Taívan í gær, gegn forseta landsins Chen Shui-bian. Eiginkona hans, ásamt þremur stuðningsmönnum forsetans, hefur verið ásökuð um að hafa dregið að sér 450.000 dollara úr diplómatasjóði á árabilinu 2002–2006.

Erlent

Ísraelar halda árásum sínum á Gaza áfram

Ísraelskar leyniskyttur skutu tvo Palestínumenn til bana í dag og var annar þeirra tólf ára stelpa. Sex í viðbót létust í árásum Ísraela á Gazasvæðið og er talið að fjórir þeirra hafi verið vígamenn.

Erlent

Kúbverjar undirbúa 50 ára afmæli byltingarinnar

Hermenn marseruðu á götum úti í Kúbu í dag á meðan orrustuflugvélar þutu um loftin. Verið er að undirbúa hátíðarhöld fyrir 2. desember næstkomandi vegna 50 ára byltingarafmælis Kúbumanna og um leið er það 80 ára afmæli Fídels Kastró sem haldið verður upp á.

Erlent

Haukar snúa baki við Bush

Þeim fjölgar með hverjum deginum bandamönnum Bush Bandaríkjaforseta sem ákveða að snúa bakið við honum og hans stefnumálum. Nú síðast eru það tveir helstu haukarnir í hans hópi sem segja vanhæft fólk hafa haldið á spilunum eftir að innrás var gerð í Írak.

Erlent

Umhverfisverndarsinnar mótmæltu víða um heim

Þúsundir manna söfnuðust saman á Trafalgartorgi í Lundúnum í dag til þess að krefjast aðgerða í umhverfismálum. Mótmælendur komu einnig saman í Brussel í Belgíu í dag og í Ástralíu í morgun.

Erlent

Kosningabaráttan í Bandaríkjunum harðnar

George W. Bush varaði við því í dag að demókratar myndu hækka skatta í ræðu sem hann hélt í dag. Lokaumferð kosningabaráttunnar fyrir þingkosningar, sem fara fram þann 7. nóvember þar í landi, er nú í hámarki.

Erlent

Framtíð Kosovo óráðin enn um sinn

Ákvörðun um sjálfstæði Kosovo frá Serbíu gæti frestast um heilt ár vegna nýafstaðinnar þjóðaratkvæðagreiðslu í Serbíu sem samþykkti að Kosovo væri órjúfanlegur hluti Serbíu.

Erlent

NATO í átökum í nágrenni Kabúl

Hersveitir NATO í Afganistan lentu í morgun í átökum við íslamska uppreisnarmenn í 70 kílómetra fjarlægð frá Kabúl. Er þetta fyrsti bardaginn svo nálægt Kabúl síðan stjórn Talibana var komið frá völdum.

Erlent

Útbreiðsla kjarnorku hugsanleg í Mið-Austurlöndum

Sex Arabaríki tilkynntu í gær að þau ætluðu að verða sér úti um kjarnorkutækni. Löndin eru Alsír, Egyptaland, Marokkó, Túnis, Sameinuðu Arabísku Furstadæmin og Sádi Arabía. Fréttavefur breska dagblaðsins Times skýrir frá þessu í morgun.

Erlent

Hóta því að slíta friðarviðræðum

Frelsissamtök Baska, ETA, hótaði því í morgun að hætta friðarviðræðum við stjórnvöld á Spáni skili þær ekki árangri fljótlega. Baskneska dagblaðið Gara greinir frá þessu á vefsíðu sinni. Liðsmenn samtakanna segja spænsk stjórnvöld ofsækja stuðningsmenn ETA þrátt fyrir tilkynningu Zapatero, forseta, frá því í sumar um að hann ætlaði að hefja friðarviðræður við forvígismenn samtakanna.

Erlent

4 týndu lífi í troðningi

Að minnsta kosti fjórir týndu lífi og átján slösuðust í troðningi sem varð fyrir utan hof Hindúa í Orissa-héraði í Austur-Indlandi í morgun. Mörg þúsund hindúar höfðu safnast saman fyrir utan hofið við upphaf hátíðarhalda.

Erlent

Kínverjar styðja Afríkuríki

Kínverjar hafa heitið því að tvöfalda fjárstuðning sinn við Afríkuríki með því að útvega þeim lán sem nemi jafnvirði tæplega 350 milljarða íslenskra króna til næstu þriggja ára. Hu Jintao, forseti Kína, tilkynnti þetta við upphaf ráðstefnu í Peking, en hana sækja leiðtogar og ráðherrar flestra Afríkuríkja.

Erlent

Óvissa þegar dómur fellur

Á morgun er reiknað með því að dómur verði kveðinn upp í fyrstu réttarhöldunum yfir Saddam Hussein. Dauðadómur gæti hrint af stað uppþotum.

Erlent

Vilja sýna hernaðarmátt sinn

Yfirmenn íranska hersins skýrðu frá því í gær að tilraunir hefðu verið gerðar á fimmtudaginn með þrjár nýjar tegundir af flugskeytum við Persaflóa og þær tilraunir hafi tekist mjög vel.

Erlent

Veiran þolir lyf miklu betur

Nýtt afbrigði af fuglaflensuveirunni H5N1 hefur náð mikilli útbreiðslu og þolir lyf miklu betur þannig að erfiðara hefur reynst að ráða niðurlögum flensunnar.

Erlent

Hækkaði um þrjár gráður

Meðalhitinn í Norðursjó var þremur gráðum hærri í október en í meðalári. "Við höfum miklar áhyggjur af þessu," hefur fréttavefur Politiken eftir Tore Johannessen hjá Hafrannsóknastofnun Danmerkur.

Erlent

Panama fær sæti í ráðinu

Ráðamenn í Venesúela og Gvatemala hafa fallist á að Panama fái sæti Suður-Ameríku í öryggisráði Sameinuðu þjóðanna. Bæði Gvatemala og Venesúela sóttust eftir þessu sæti, en hvorugt ríkið hefur náð tilskildum meirihluta í atkvæðagreiðslum á allsherjarþingi Sameinuðu þjóðanna.

Erlent

Staðdeyfandi smokkar auka úthaldið

Nýjasta æðið hjá dönskum karlmönnum eru staðdeyfandi smokkar, þetta kaupa Danirnir í von um að limurinn endist lengur í átökum næturinnar. Danska dagblaðið Urban lýsir því í dag að smokkurinn sé makaður í deyfiefni að innan til þess að minnka tilfinninguna og þar með æsinginn. Verjurnar gagnlegu kaupa Danirnir á netinu.

Erlent

Átröskunarsjúklingur lést vegna ofáts

22ja ára ungversk kona sem þjáðist af búlimíu lést á sjúkrahúsi í Búdapest eftir að hafa etið of stóran skammt af mat. Konan var ekki vannærð eða undir kjörþyngd og virtist í góðu líkamlegu ástandi en kvartaði undan ákaflega sársaukafullum verkjum í maga og kviðvöðvum. Magi hennar var svo þaninn að hann hafði ýtt öðrum líffærum úr stað og stöðvað blóðflæði í stórum æðum.

Erlent

Molnuðu í höndunum á viðskiptavinum

Um 1500 evruseðlar úr þýskum hraðbönkum hafa molnað í höndum viðskiptavina síðustu vikur ekki er vitað til þess að slíkt hafi gerst í öðrum Evrópusambandslöndum. Svo virðist sem seðlarnir hafi komist í tæri við sýru.

Erlent

83 lík fundin á einum og hálfum sólarhring

Lögreglan í Bagdad segist hafa fundið 83 lík hér og þar um borgina á síðastliðnum einum og hálfum sólarhring. Sum bera þess merki að fólk hafi verið pyntað áður en það var myrt. 7 bandarískir hermenn til viðbótar létust í Írak og að sögn bandaríska hersins féllu 13 uppreisnarmenn. Flestir eru karlmenn og fundust bundnir á höndum og fótum.

Erlent

Mest lesið