Erlent

Til minningar um Túrkmenbashi

Einn nafntogaðasti einræðisherra í heimi, forseti Túrkmenistans, lést úr hjartaáfalli í nótt. Þar með lýkur einni taumlausustu sjálfsdýrkun sem um getur í seinni tíð en ekki er víst að þegnar hans fái þrátt fyrir allt til baka nokkuð af þeim mannréttindum sem þeir hafa farið á mis við í valdatíð hans.

Stórt íkveikjumál í Árósum bráðum upplýst

Lögregla í Árósum í Danmörku telur sig vera við það að upplýsa stórt íkveikjumál í Braband í Árósum. Yfir 60 brunar hafa orðið á síðustu mánuðum. Lögreglan hefur haft 11 ungmenni á aldrinum 16-19 ára í haldi og tveir þeirra verða yfirheyrðir fyrir dómi í dag. Orðspor Braband-hverfisins hefur versnað mikið vegna endurtekinna bruna.

Berdymukhamedov til valda í Túrkmenistan

Varaforsætisráðherra Túrkmenistans, Kurbanguly Berdymukhamedov, hefur verið útnefndur þjóðarleiðtogi til bráðabirgða eftir að lífstíðarforsetinn Túrkmenbashi lést úr hjartaáfalli í nótt.

Dæmdur til dauða fyrir að skjóta ferðamenn

Dómstóll í Jórdaníu dæmdi í dag mann til dauða sem skaut á erlenda ferðamenn við ferðamannastaði í höfuðborginni Amman í september síðastliðnum. Einn Breti lést í skothríðinni og fimm til viðbótar særðust. Sakamaðurinn er palestínskur flóttamaður sem er fæddur og uppalinn í flóttamannabúðum í úthverfi Amman.

Ópið skemmdist í meðferð þjófa

Óbætanlegar rakaskemmdir eru á hinu heimsfræga málverki Ópinu eftir Edward Munch. Skemmdirnar eru í vinstra horni að neðan og ómögulegt er að gera við þær. Þessu hafa norskir listfræðingar komist að, sem hafa rannsakað málverkið frá því það fannst eftir að hafa verið í þjófa höndum í tvö ár.

Fjölskyldur Shell-starfsmanna fluttar í Nígeríu

Alþjóðlega olíufyrirtækið Shell byrjaði í morgun að flytja alla fjölskyldumeðlimi starfsmanna sinna frá vinnubúðum fyrirtækisins í Nígeríu, eftir að skæruliðar komu fyrir bílsprengju við íbúðarhúsnæði þar sem útsendir starfsmenn búa með fjölskyldum sínum. Starfsmennirnir verða hins vegar áfram við sín störf og halda framleiðslunni gangandi.

Minni þorskkvóti í Norðursjó

Ráðherrar Evrópusambandsins náðu samkomulagi í nótt um fiskveiðikvóta næsta árs. Veiðiheimilidir á þorski Norðursjó verða lækkaðar um 7-14%, sem eru vægar breytingar miðað við að fiskifræðingar hvöttu til að þorskveiðar yrðu stöðvaðar um sinn. Þá verður komið á sóknardagakerfi til að vernda stofninn enn frekar.

Friðarviðræður samþykktar í Sómalíu

Sendifulltrúi Evrópusambandsins fékk íslamska uppreisnarmenn og bráðabirgðastjórnina í Sómalíu til að samþykkja að setjast aftur að friðarviðræðum. Hann sagði að friðarviðvræðurnar myndu fara fram í Kartúm, höfuðborg Súdans, en nefndi enga tímasetningu.

Túrkmenbashi allur

Þjóðarleiðtogi Túrkmenistans, Saparmurat Niyazov, lést í gær. Hann bauð þegnum sínum að kalla sig Túrkmenbashi, eða föður allra Túrkmena, og hafði veitt sjálfum sér lífstíðar forsetatign.

Réðust á olíuhreinsunarstöð

Íslamskir skæruliðar réðust í morgun á stóra olíuhreinsunarstöð þar í landi og hafa drepið þrjá, að minnsta kosti. Stöðinni er stjórnað af franska olíufélaginu Total og er þar hægt að framleiða 35 þúsund tunnur á dag. Vinnslan hefur ekki stöðvast, að sögn fyrirtækisins.

Chavez reynir að ná tökum á olíufélagi

Venúsúela gæti þurft að greiða háar sektir, vegna tilraunar ríkisins til að ná meirihluta í olíufélagi í landinu, sem rekið er af erlendum aðilum, en ríkið hefur gert samkomulag við erlenda banka sem verið er að brjóta með þessu.

British Airways hefur aflýst innanlandsflugi um Heathrow

Breska flugfélagið British Airways hefur aflýst öllu innlandsflugi um Heathrowflugvöllinn í London á morgun sökum mikillar þoku. Skyfréttastofan greindi frá þessu en alls er um 180 flug að ræða.

Samningur um varðskip undirritaður

Smíðasamningur um nýtt varðskip var undirritaður í Þjóðmenningarhúsinu í Reykjavík í dag. Samningsverðið er tæpir 2,7 milljarðar króna og er búist við að smíðin taki hálft þriðja ár.

Bush boðar stækkun heraflans

George Bush, forseti Bandaríkjanna, boðaði í dag stækkun herafla landsins en vildi ekki svara því hvort liðsstyrkurinn yrði nýttur í stríðinu í Írak.

Abramovich segir af sér

Roman Abramovich hefur sagt af sér sem ríkisstjóri hins strjálbýla Chukotka héraðs í austur Rússlandi. Abramovich er ríkasti maður Rússlands og eigandi fótboltaklúbbsins Chelsea. Hann hefur varið hundruðum milljóna dollara í að byggja upp héraðið, og notað náið samband sitt við Pútín forseta í baráttunni við fátækt þar.

Tugir mafíósa handteknir

Ítalska lögreglan hefur í dag handtekið tugi manna í borginni Bari, í suðurhluta landsins, vegna tengsla þess við Mafíu fjölskyldu sem þar ræður lögum og lofum. Yfir 100 manns eru á handtökulista lögreglunnar. Átta konur eru meðal hinna handteknu.

Ísbjörn í stofunni

Tveir rússneskir veðurfræðingar földu sig í ruslageymslu í tvo sólarhringa, meðan stór og hungraður ísbjörn rústaði kofa þeirra í leit að mat. Björninn át meðal annars tvo af hundum þeirra.

Ísraelar íhuga að borga Abbas

Ísraelar eru að íhuga að greiða Mahmoud Abbas, forseta Palestínumanna, tugi milljóna dollara af sköttum sem þeir hafa innheimt fyrir heimastjórnina, en haldið eftir síðan Hamas myndaði ríkisstjórn undir forystu Ismails Hainyehs.

Ísland dýrast í Evrópu -Norðmenn gleðjast

Ísland er dýrasta land í Evrópu, sam kvæmt niðurstöðum norsku hafstofunnar. Norðmenn eru í öðru sæti og eru aldrei þessu vant ánægðir með að vera ekki númer eitt. Norska hagstofan segir að á síðasta ári hafi verð á neysluvörum á Íslandi verið fimmtíu og einu prósenti hærra en meðaltalið í ríkjum Evrópusambandsins.

Kína herðir reglur um ættleiðingar

Kínverjar eru að setja nýjar og hertar reglur til þess að fækka ættleiðingum barna frá landinu. Feitt og ógift fólk fær ekki að ættleiða börn, og heldur ekki fólk sem er á þunglyndislyfjum eða fatlað á einhvern hátt. Nýju reglurnar verða kynntar í vikunni.

Metfjöldi innflytjenda til Svíþjóðar

Al-Kæda býður Bandaríkjamönnum til samninga

Næst æðsti leiðtogi al-Kæda gaf í dag sterklega í skyn að Bandaríkjamenn ættu að semja við hryðjuverkasamtökin um brotthvarf sitt frá Írak. Það séu þau sem hafi völdin í landinu.

Rannsaka dánarorsök vændiskvenna

Dánardómsstjórar í Suffolk komu saman í morgun til að skera úr um dánarorsök fjögurra af fórnarlömbum raðmorðingjans frá Ipswich. Enn er óvíst hvernig tvær þeirra dóu en vitað er að Anneli Alderton kafnaði og Paula Clennel lést vegna höfuðhöggs.

Óheppni bensínþjófurinn

Þegar Tom Fischer, í Seattle, sá að bíllinn hans var að verða bensínlaus, ákvað hann að spara sér peninga og stela bensíni af öðrum bíl. Hann valdi sér stóran húsbíl i, læddist að honum og smeygði slöngu ofan í tankinn. Svo saug hann fast, til að fá bensínið til að renna.

Gefur pening í stað jólakorta

Þingflokkur Samfylkingarinnar hefur ákveðið að senda ekki hefðbundin jólkort þetta árið en gefa andvirði þess kostnaðar til fátækra barna á Íslandi og erlendis. Mæðrastyrksfnefnd og SOS barnaþorp njóta góðs af jólakortapeningum Samfylkingarinnar þetta árið.

Lavrov segir vesturveldin refsa Íran

Sergei Lavrov, utanríkisráðherra Rússa, gagnrýndi í dag vesturveldin fyrir að reyna að refsa Íran í uppkasti að ályktun öryggisráðsins. Hann gagnrýndi meðal annars ferðabann á íranska stjórnmálamenn og efnahagsþvinganir á lögleg viðskipti.

Gates í heimsókn í Bagdad

Robert Gates, nýskipaður varnarmálaráðherra Bandaríkjanna, kom til Bagdad í Írak í morgun. Hann hefur einungis gegnt embættinu í tvo daga og má af því sjá hvað nýja ráðherranum er efst í huga. Gates mun funda með herforingjum í Bandaríkjaher og kynna sér stríðið sem hann heldur fram að herinn sé hvorki að tapa né vinna.

Al Kaída segir kosningar í Palestínu misráðnar

Ayman al-Zawahri, næstráðandi í Al Kaída, segir lýðræðislegar kosningar ekki réttu leiðina til að frelsa palestínsku sjálfsstjórnarsvæðin eða berjast gegn Ísrael. Þetta segir hann í myndbandsupptöku frá hryðjuverkasamtökunum sem sýnd var á arabísku sjónvarpsstöðinni Al Jazeera í morgun, þeirri fyrstu frá Al Kaída í tæpa þrjá mánuði.

Blair segir Íran ógna friði

Tony Blair, forsætisráðherra Bretlands, nefndi Íran sem eina helstu ógnina við frið í Mið-Austurlöndum í afdráttarlausri ræðu í Dubai í Sameinuðu arabísku furstadæmunum. Með þessari ræðu lýkur opinberri ferð Blairs um Mið-Austurlönd. Hann sagði baráttu hófsamra og öfgasinnaðra vera tímamótavandamál fyrir heimsbyggðina.

7,3 kílóa æxli fjarlægt úr andliti stúlku

Havaísk stúlka sagði fyrstu orðin opinberlega í gær, eftir að læknar skáru æxli úr andliti hennar sem var orðið rúmlega sjö kílóa þungt. Marlia Casseus hafði beðið lengi eftir því að geta þakkað læknunum á Flórída sem björguðu lífi hennar með endurteknum skurðaðgerðum síðasta árið.