Erlent

Dorrit með Hinriki í afmælisveislu

Hinrik Danaprins var með Dorrit Moussaieff, forsetafrú Íslands, upp á arminn í afmælisveislu Haraldar noregskonungs, í Ósló í gær. Haraldur er sjötugur og var slegið upp mikilli veislu í konungshöllinni.

Erlent

Mannskæðar árásir í Írak

Að minnsta kosti 50 hafa fallið í sjálfsvígssprengjuárásum í Írak síðasta sólahringinn. Nouri al-Maliki, forsætisráððherra landsins, sagði skömmu fyrir mannskæða sprengingu um miðjan dag í gær að ofbeldisverkum hefði fækkað í höfuðborginni, Bagdad, síðan ný herferð Bandaríkjahers gegn andspyrnumönnum hófst fyrir rúmri viku.

Erlent

Ísraelskir hermenn loka Nablus

Ísraelskar hersveitir hófu í dag áhlaup á nokkur hverfi í bænum Nablus á Vesturbakkanum. Vitni segja hermenn á fjölmörgum herbílum hafa umkring fjölda bygginga, þar á meðal tvö sjúkrahús í borginni. Útgöngubann hefur verið sett á og samkvæmt fréttavef BBC hefur vegum verið lokað. Tugþúsundir Palestínumanna eru lokaðir inni í bænum, vegna útgöngubannsins.

Erlent

Prodi bíður atkvæðagreiðslu

Forseti Ítalíu, Georgio Napolitano, hefur beðið Romano Prodi forsætisráðherra að sitja áfram og bíða útkomu vantrauststillögu. Prodi tapaði atkvæðagreiðslu um utanríkisstefnu ríkisstjórnarinnar í síðustu viku og sagði af sér í kjölfarið.

Erlent

Einn lést og fimm slösuðust

Kraftaverki þykir líkast að ekki hafi farið verr þegar hraðlest fór af sporinu á Norður-Englandi í gær. Einn farþegi lést og fimm slösuðust alvarlega.

Erlent

Samgönguráðherra biðst afsökunar

Samgönguráðherra Noregs hefur beðið landsmenn afsökunar á því að þúsundir manna sátu fastir í bílum sínum klukkustundum saman, í snjókomunni í gær. Liv Signe Navarseti kennir um útboðum á viðhaldi vega, þar sem meira sé hugsað um verð en gæði þjónustunnar. Hún er þó ekki á því að Vegagerðin taki aftur við viðhaldi og mokstri.

Erlent

Bensínbíll sprengdur við mosku

Að minnsta kosti 40 manns létu lífið og yfir 60 særðust þegar bensínflutningabíll með áfestum sprengjum sprakk í loft upp í grennd við mosku Súnní múslima í Írak í dag. Í gær gagnrýndi klerkur moskunnar hryðjuverkasveitir al-Kæda og er talið að árásin hafi verið gerð í hefndarskyni fyrir það. Konur og börn voru meðal hinna föllnu.

Erlent

Óheppnir hryðjuverkamenn

Þrír pakistanskir hryðjuverkamenn, á reiðhjóli, sprungu í loft upp þegar þeir fóru yfir hraðahindrun í Punjab héraði, í Pakistan, í dag. Sprengjan sem þeir voru með mun hafa verið heimatilbúin, en ekkert er vitað um hvar þeir ætluðu að koma henni fyrir.

Erlent

Fjögur stór vötn undir íshellunni

Vísindamenn hafa uppgötvað fjögur stór stöðuvötn undir íshellu Suðurskautslandsins. Vísindamennirnir segja að vötnin hafi mikið að segja um hversu hratt íshellan brotnar og breytist í borgarísjaka sem rekur á haf út. Þetta kemur fram í vísindatímaritinu Nature. Þeir segja líka að það sé mikilvægt að skilja eðli samspils vatnanna og íssins til að geta spáð nákvæmar fyrir um afleiðingar loftslagsbreytinga.

Erlent

Þak á stórverslun hrundi í Danmörku

Tvö hundruð fermetra þak stórverslunar í Danmörku hrundi undan snjóþunga í nótt. Engan sakaði og framkvæmdastjóri verslunarinnar þakkar fyrir að þetta gerðist ekki á afgreiðslutíma.

Erlent

Rannsakað hvað olli lestarslysi

Yfirvöld í Bretlandi rannsaka nú hvað olli lestarslysi í norðvesturhluta landsins í gær. Kona á níræðisaldri týndi lífi í slysinu og átta liggja þungt haldnir á sjúkrahúsi. 120 manns voru um borð. Lestin var á leið frá Lundúnum til Glasgow þegar allir níu vagnar hennar fóru af sporinu í vatnahéraði Cumbríu norðvestur af Lundúnum.

Erlent

Banna reykingar í heimahúsum

Í Bandaríkjunum er nú stefnt að því að banna fólki að reykja á heimilum sínum og er slíkt reykingabann raunar víða komið á nú þegar. Þá eru einstök bæjarfélög búin að banna einnig reykingar utan dyra. Aðstandendur bannsins blása á mótmæli reykingamanna og segja að þeir hafi einfaldlega engin réttindi, það sé þvert á móti réttur allra manna að anda að sér fersku lofti. Reykur geti síast á milli íbúða.

Erlent

Risastór hola gleypti mörg hús

Að minnsta kosti tveir létu lífið og fleiri er saknað eftir að jörðin opnaðist undir húsum þeirra í fátækrahverfi í Guatemalaborg, í gærkvöldi. Risastór eitthundrað metra djúp hola opnaðist skyndilega og gleypti húsin. Yfir eittþúsund hús voru rýmd af ótta við að holan stækkaði.

Erlent

Nær allur pakistanski flugflotinn í bann

Pakistanska flugfélagið PIA er að íhuga að leigja bæði flugvélar og áhafnir vegna yfirvofandi banns Evrópusambandsins á meira en þrjá fjórðu af flugflota félagsins, af öryggisástæðum. Flugfélagið á 42 flugvélar og öllum nema sjö þeirra verður bannað að fljúga til aðildarríkja Evrópusambandsins, á næstu dögum.

Erlent

Rottugangur á KFC/Taco Bell stað í New York

Þær voru hungraðar rotturnar sem hlaupu um gólf KFC/Taco Bell veitingastaðarins í New York snemma í gærmorgun. Sjónvarpsstöð í borginni náði myndum af rottunum þar sem þær klifruðu upp í barnastóla og hlupu milli borða í leit að æti.

Erlent

Alvarlegt lestarslys á Englandi

Einn týndi lífi og tæplega 80 slösuðust, þar af 5 lífshættulega, þegar hraðlest fór af sporinu á norðvestur Englandi í gærkvöldi. Lestin var á leið frá Lundúnum til Glasgow í Skotlandi með um 120 farþega.

Erlent

Jórdaníukonungur setur Palestínumönnum kosti

Abdullah konungur Jórdaníu segir að það sé breitt samkomulag um það meðal Arabaþjóðanna að hin nýja þjóðstjórn Palestínu verði að hlíta kröfum Miðausturlanda-kvartettsins svonefnda. Kröfurnar eru þær að tilveruréttur Ísraelsríkis verði viðurkenndur, að ofbeldi verði hafnað og að staðið verði við bráðabirgðasamninga sem gerðir hafa verið um frið.

Erlent

Prodi lætur reyna á traust á þingi

Forseti Ítalíu hefur beðið Romano Prodi að halda áfram sem forsætisráðherra landsins og láta reyna á traustsyfirlýsingu í þinginu. Giorgio Napolitano, forseti tók þessa ákvörðun eftir að hafa ráðfært sig við leiðtoga allra stjórnmálaflokkanna. Silvio Berlusconi, fyrrverandi forsætisráðherra, krafðist þess að stjórnin segði af sér, en stuðningsmenn Prodis fóru fram á að hann fengi tækifæri til þess að sýna framá að hann geti myndað meirihluta á þingi.

Erlent

Lestarvagnar fóru á hvolf

Einn týndi lífi og rúmlega tuttugu slösuðust, þar af fimm lífshættulega, þegar hraðlest fór af sporinu á norðvestur Englandi í gærkvöldi. Lestin var á leið frá Lundúnum til Glasgow í Skotlandi með um hundrað og tuttugu farþega.

Erlent

Aftur barist á Gaza ströndinni

Þrír Palestínumenn féllu og tíu særðust í innbyrðis átökum á Gaza ströndinni, í dag. Þeir féllu í hörðustu átökum sem orðið hafa síðan þjóðstjórnin var mynduð í Mekka, á dögunum. Með þjóðstjórninni var vonast til að hægt yrði að koma í veg fyrir borgarastríð milli Palestínumanna, en yfir níutíu manns höfðu fallið í innbyrðis átökum þeirra á vikunum þar á undan.

Erlent

Talinn hafa myrt sjö konur

Smail Tulja, 67 ára gamall maður sem handtekinn var í Svartfjallalandi, er grunaður um að hafa myrt að minnsta kosti sjö konur í Belgíu, Bandaríkjunum og Albaníu.

Erlent

Mesti eldsvoði í sögu Lettlands

Talið er að yfir tuttugu manns hafi látist í mesta eldsvoða í sögu Lettlands þegar eldur braust út á heimili fyrir aldraða og hreyfihamlaða í Alsunga í Lettlandi skömmu eftir miðnætti aðfaranótt föstudags.

Erlent

Vill sakaruppgjöf stríðsglæpa

Um 25.000 fyrrverandi meðlimir íslamskra baráttusveita í Afganistan söfnuðust saman á fjöldafundi í Kabúl, höfuðborg Afganistan, til stuðnings ályktun sem afganska þingið hefur samþykkt um að Afganar sem eru grunaðir um stríðsglæpi fái sakaruppgjöf.

Erlent

Vilja banna klasasprengjur

Fjörutíu og sex ríki samþykktu í gær yfirlýsingu um bann við klasasprengjum. Í yfirlýsingunni er hvatt til þess að alþjóðlegur sáttmáli um slíkt bann verði gerður árið 2008 og verði hann lagalega bindandi. Yfirlýsingin er afrakstur ráðstefnu, sem boðað var til í Noregi nú í vikunni. Alls sóttu fulltrúar 49 ríkja ráðstefnuna, en þrjú þeirra samþykktu ekki lokayfirlýsinguna.

Erlent

Íslendingar taki við ábyrgðinni

Viðræður við Bandaríkjamenn um hvað taka skuli við þegar fjármögnun þeirra á rekstri Íslenska loftvarnakerfisins (IADS) sleppir í ágúst næstkomandi hófust í höfuðstöðvum Atlantshafsbandalagsins í Brussel í gær.

Erlent

Faðmar þétt og rænir veskjum

Í bænum Buffalo í New Yorkríki gengur lausum hala ógnvaldur mikill sem lögreglan kallar „faðmlagaþrjótinn“. Þrjóturinn er reyndar kvenkyns og stundar það að faðma fulla karla að næturlagi og ræna þá veskinu í leiðinni.

Erlent

Húsin sukku fyrirvaralaust

Nokkur hús og að minnsta kosti ein vörubifreið sukku ofan í jörðina þegar stór sigskál myndaðist skyndilega í Gvatemalaborg í fyrrinótt.

Erlent

Mest lesið