Erlent

Fjöldamorð á pílagrímum

Elgur stangaði þyrlu til jarðar

Þegar líffræðingurinn Dough Larsen skaut deyfingarpílu í stóran elgtarf í Juneau í Alaska, um helgina, átti hann von á því að dýrið hnigi niður. Larsen skaut tarfinn úr þyrlu, sem sveimaði rétt yfir jörðu og beið þess að hann félli. Þess í stað trylltist tarfurinn, réðst á þyrluna og stangaði hana.

Segja Putin reka morðsveitir

Vestrænir fjölmiðlar velta fyrir sér hvort einhver tengsl séu á milli þess að vinur rússneska njósnarans Alexanders Litvinenko var særður í skotárás og að rússneskur blaðamaður lést eftir að hafa dottið út um glugga á fjórðu hæð í íbúðarblokk í Moskvu. Íbúð blaðamannsins var á annarri hæð í húsinu.

Jóakim sá brúðkaupið í sjónvarpi

Jóakim Danaprins viðurkenndi fyrir fréttamönnum að hann hefði séð brúðkaup Alexöndru, fyrrverandi eiginkonu sinnar, í sjónvarpi. Prinsinn var staddur í Álaborg þar sem hann var að veita ungum vísindamönnum verðlaun fyrir uppgötvanir. Blaðamenn vildu hins vegar ekkert um verðlaunin vita en spurðu prinsinn látlaust um brúðkaupið.

Áttundi hver Íraki á flótta

Áttundi hver Íraki er orðinn flóttamaður að sögn yfirmanns Flóttamannahjálpar Sameinuðu þjóðanna. Hann segir að 40-50 þúsund manns flosni upp af heimilum sínum í hverjum mánuði. Antonio Guterres upplýsti þetta á fundi Arababandalagsins í Kaíró.

Forsætisráðherra brýtur umferðarreglur

Anders Fogh Rasmussen, forsætisráðherra Danmerkur, hefur daglega brotið umferðarreglur undanfarna mánuði með því að aka alltof hratt. Berlingske Tidende upplýsti þetta í dag. Það verður að segja ráðherranum til afsökunar að hann vissi ekki að hann væri að brjóta lög.

Ykkar öskutunnur

Mótmælin breiðast út

Niðurrifi á Ungdomshuset á Norðurbrú í Kaupmannahöfn miðar hratt áfram og er búist við að verkinu ljúki síðar í dag. Í gær kom hins vegar til mótmæla fyrir framan danska sendiráðið í Ósló þegar um 150 manns köstuðu grjóti, flöskum og öðru lauslegu í átt að húsinu. Þá hertóku 80 ítalskir róttæklingar dönsku ræðisskrifstofuna í Feneyjum í morgun til að sýna dönskum félögum sínum samstöðu.

Markaðir að rétta sig við

Hlutabréfamarkaðir í Asíu og Evrópu hafa tekið kipp upp á við í dag eftir talsverðar lækkanir síðustu daga. Úrvalsvísitala Kauphallar Íslands steig um fimmtíu stig strax við opnun klukkan tíu í morgun og hefur gengi á bréfum í stærstu fyrirtækjum landsins hækkað í samræmi við það.

Hart barist í Mogadishu

Harðir bardagar hafa brotist út í Mogadishu höfuðborg Sómalíu í dag. Um 100 uppreisnarhermenn réðust á hersveitir ríkisstjórnarinnar og eþjópíska bandamenn þeirra í höfuðstöðvum þeirra í borginni. Það er barist með sprengjuvörpum og stórum hríðskotabyssum. Ekki hafa borist áreiðanlegar fregnir af mannfalli.

Sjötíu látnir í skjálftanum

Óttast er að í það minnsta sjötíu manns hafi týnt lífi þegar tveir jarðskjálftar riðu yfir Súmötru í Indónesíu í morgun. Hús hrundu víða til grunna en engra flóðbylgna hefur þó orðið vart.

Birting á Múhameðsmynd veldur fjaðrafoki

Nemandi við Cambridge-háskólann í Englandi hefur valdið töluverðu fjaðrafoki en hann birti í vikublaði í skólanum eina af skopmyndunum af Múhameð spámanni sem birtust í Jótlandspóstinum haustið 2005 og ollu mikilli reiði meðal múslíma víða um heim.

Hótaði að birta myndir af framhjáhaldi eiginkonunnar á Netinu

Lögreglan í Grenlandi í Þelamörk í Noregi fékk heldur óvenjulegt mál inn á borð hjá sér á dögunum. Var þar um að ræða konu sem óttaðist að eiginmaður hennar myndi setja myndbandsupptöku af framhjáhaldi hennar á Netið.

Hertóku dönsku ræðisskrifstofuna í Feneyjum

Ítalskir stuðningsmenn danskra mótmælenda hafa hertekið dönsku ræðisskrifstofuna í Feneyjum. Um 50 mótmælendur eru í byggingunni og um 50 til viðbótar utan við skrifstofuna. „Við höfum hertekið dönsku ræðisskrifstofuna til að sýna samtöðu með dönskum félögum okkar“, sagði Luca Casarini, einn mótmælenda við Politiken. Feneyjarlögreglan hefur sent um 50 menn á staðinn sem þó hafa enn ekki ráðist inn í húsið.

Netkaffihús bönnuð í Kína

Stjórnvöld í Kína hafa sett lög sem banna opnun nýrra netkaffihúsa þar í landi í eitt ár.

Ghana á afmæli í dag

Í dag halda Ghanamenn upp á 50 ára sjálfstæðisafmæli landsins. Landið var áður bresk nýlenda en fékk sjálfstæði árið 1957, fyrst Afríkulanda sunnan Sahara. Meira en 20 þjóðhöfðingjar eru gestir sjálfstæðisafmælisins auk þess sem fótboltahetjan Pele er mættur til að taka þátt í hátíðahöldum.

Verslanir tapa tugum milljóna

Verslanir á Norðurbrú í Kaupmannahöfn tapa 10-12 milljónum íslenskra króna á dag og hafa gert undanfarna daga. Viðskiptavinir halda sig enn frá verslunum í hverfinu eftir óeirðir síðstu daga. Þetta segir Johnny Beyer formaður samtaka verslunareiganda á Norðurbrú við Politiken. Samtals segir Beyer að verslanir hafi tapað yfir 50 milljónum síðan lögregla ruddi Ungdomshuset á fimmtudagsmorgun og óeirðir brutust út.

Minnst 70 fórust

Nú er ljóst að minnst sjötíu fórust í jarðskjálftunum sem riðu yfir Súmötru í Indónesíu í morgun. Þetta sagði talsmaður forseta landsins á fréttamannafundi í morgun. Tveir skjálftar riðu yfir snemma í morgun, sá fyrri 6,3 á richter en sá síðari 6,0. Mikil skelfing greip um sig meðal íbúa Panang-héraðs, sem verst varð úti í jarðskjálftanum enda hefur héraðið mátt þola miklar hamfarir af völdum jarðskjálfta á undanförnum árum.

Tugir fórust í skjálftum

Tveir öflugir jarðskjálftar riðu yfir eyjuna Súmötru í Indónesíu í morgun og fórust minnst 31 í þeim. Mestur skaðinn varð í Panang-héraði. Fyrri skjálftinn var 6.3 á richter og sá síðari 6,0. Hús voru jöfnuð við jörðu og tugir særðust í skjálftunum. Upptök skjálftanna voru undir fastalandi, um 400 kílómetra frá Singapúr. Öngþveiti hefur verið á spítulum í Panang-héraði og hefur læknalið ekki undan að sinna slösuðum. Mikil skelfing greip um sig þegar skjálftanna varð vart enda íbúum enn í fersku minni hamfarirnar sem uðru á annan dag jóla fyrir rúmum tveimur árum. Þá fórust yfir 130 þúsund í Indónesíu.

Reykjavík er sjöunda dýrasta borg heims

Reykjavík er sjöunda dýrasta borg í heimi. Fjórar höfuðborgir Norðurlanda eru á topp tíu listanum og Osló sú allra dýrasta. Þetta kemur fram í könnun tímaritsins Economist á verðlagi víða um heim.

Allt með kyrrum kjörum í Kaupmannahöfn

Svo virðist sem lögregla hafi náð algerri stjórn á ástandinu á Norðurbrú í Kaupmannahöfn þó einhverjir geri sig enn líklega til að vadla usla vegna niðurrifs Ungdomshuset. 17 voru handteknir í gær við mótmæli nærri húsinu. Þar voru um 100 mótmælendur saman komnir þegar mest var í gær.

Snarpir jarðskjálftar í Indónesíu

Jarðskjálfti upp á 6,0 á richter reið yfir eyjuna Súmötru í Indónesíu í morgun, um tveimur tímum eftir að annar stærri, 6,3 á richter hafði orðið. Tveir fórust í fyrri skjálftanum og þá greip um sig skelfing en eftir þann seinni hafa borist fregnir af mannfalli því staðarútvarpið segir níu hafa dáið. Skjálftarnir áttu báðir upptök sín inn í landi og því er ekki óttast um flóðbylgju í kjölfarið. Hins vegar er óttast er að tölur um mannfall hækki.

Sögulegar viðræður Bandaríkja og Norður-Kóreu

Viðræður erindreka Bandaríkjamanna og Norður-Kóreu sem hefjast í New York í dag marka þáttaskil. Þetta eru fyrstu opinberu tvíhliða viðræður ríkjanna síðan í Kóreustríðinu sem lauk árið 1953.

Ungdomshuset rifið

Fleiri hundruð manns mótmæltu niðurrifi Ungdomshuset á Norðurbrú sem hófst í gærmorgun. Verkamenn sem störfuðu við niðurrifið huldu andlit sín til að þekkjast ekki.

Árás hraðar kjarnavopnavæðingu Írans

Varað er við að árás á Íran til að stöðva kjarnorkuáætlun geti haft öfug áhrif og flýtt kjarnavopnavæðingu landsins í nýrri skýrslu virts sérfræðings. Alþjóðakjarnorkumálastofnunin segir efasemdir uppi um friðsamlegan tilgang áætlunar Írans.

Árekstur í lofti

Þyrla og lítil flugvél rákust saman í lofti og brotlentu nærri skíðabrekku í Austurríki í gærmorgun. Allir sem voru um borð í báðum flugförunum létust, sjö í þyrlunni og einn í flugvélinni.

Spenna vegna eldflaugavarna

Stjórnvöld og yfirmenn hersins í Rússlandi hafa harðlega gagnrýnt áætlanir Bandarikjanna um að setja upp eldflaugavarnakerfi í Evrópu.

Öruggar flugferðir

Evrópusambandið hefur ákveðið að taka tvö flugfélög, annað í Úganda og hitt í Taílandi, af svörtum lista flugfélaga sem fá ekki að fljúga til landa Evrópusambandsins, en öryggið hefur verið aukið hjá þeim svo þau uppfylla skilyrði sem sett eru.

Grunsamlegt lát blaðamanns

Lát rússnesks blaðamanns sem féll út um glugga á föstudag þykir grunsamlegt að mati sumra fjölmiðla í Rússlandi. „Af einhverri ástæðu eru það þeir blaðamenn sem yfirvöldum er illa við sem deyja í þessu landi,“ stóð í dagblaðinu Moskovsky Komsomlets í gær.

Vanhanen fékk hæstu einkunn

Matti Vanhanen, formaður Miðjuflokksins í Finnlandi, fær bestu einkunnina fyrir þekkingu og hegðun meðal forsætisráðherraefnanna í þingkosningunum sem fara fram í Finnlandi um miðjan mars.