Erlent

Á von á barni með sex konum

Bandaríski plötuútgefandinn Rickey Lackey á von á barni með sex konum, að sögn blaðsins Cincinnati Enquierer. Þetta kom fram í réttarhöldum yfir hinum 25 ára gamla Rickey, sem hafði verið lögsóttur vegna 200 þúsund króna fjársvika. Hann hafði hinsvegar þegar borgað peningana til baka.

Erlent

Munkar í mauravanda

Búddamunkar í Malasíu eru í mestu vandræðum með að verjast árás rauðmaura – án þess að drepa þá. Munkarnir í Hong HockSee klaustrinu í Kuala Lumpur trúa ekki á ofbeldi og eru því í verulegum siðferðislegum vanda. Rauðmaurarnir hafa plagað klaustrið í heilt ár og einn munkurinn þurfti meðferð á sjúkrahúsi eftir að vera bitinn af maurunum.

Erlent

Dönsku fríblöðin í sumarfrí

Tvö af dönsku fríblöðunum ætla að taka sér mánaðar sumarfrí í sumar og hætta útgáfu á meðan. Berlingske Tidende segir að blaðið 24 timer, sem Politikens hus gefur út loki væntanlega frá 7. júlí til 8. ágúst. Nyhedsavisen sem Mediafond 365 gefur út vill ekki upplýsa hvenær þar verður lokað. Búist er við að þriðja fríblaðið, Dato, fari einnig í sumarfrí.

Erlent

Tsvangirai fyrir rétt í dag

Morgan Tsvangirai leiðtogi stjórnarandstöðunnar í Simbabve verður leiddur fyrir rétt í dag. Þetta segir lögmaður hans. Hæstiréttur landsins krafðist þess að hann yrði annað hvort leiddur fyrir rétt eða látinn laus.

Erlent

14 handteknir fyrir að stinga unglinga

Lögregla í London hefur handtekið 14 menn sem eru grunaðir um aðild að því þegar þrír unglingar voru stungnir í götuóeirðum í austurhluta borgarinnar í gær. Tveir 18 ára unglingar eru enn í lífshættu eftir að hafa verið stungnir en líðan þess þriðja er stöðug. Mennirnir sem hafa verið handteknir eru á allt frá því að vera unglingar til manna á fimmtugsaldri.

Erlent

Göng milli Evrópu og Afríku

Nú eru uppi áform um að tengja saman Evrópu og Afríku með göngum á milli Spánar og Marokkó undir Gíbraltarsundið. Yfirvöld í löndunum tveimur hafa átt í viðræðum um verkefnið, rúmlega 38 kílómetra löng lestargöng þar sem lestin mundi bera farþega, bíla og fragt á milli álfanna.

Erlent

Virðast vera að ná saman um viðskiptaþvinganir

Sendiherrar stórvelda hjá Sameinuðu þjóðunum virðast vera að ná saman um viðskiptaþvinganir á hendur Íran vegna kjarnorkuáætlunnar landsins. Enn standa þó Kínverjar og Rússar, sem eiga talsverðra viðskiptahagsmuna að gæta, gegn hörðum þvingunum.

Erlent

BBC óttast um afdrif Johnston

BBC, breska ríkisútvarpið óttast um afdrif fréttamanns sem rænt var á Gaza-ströndinni af palestínskum vígamönnum í gær. Bíll fréttamannsins, Alan Johnston fannst yfirgefinn í Gazaborg í gær, skömmu eftir að hann hafði lagt af stað heim á leið frá skrifstofu sinni.

Erlent

USS Cole-fjölskyldur kæra ríkisstjórn Súdan

Ríkisstjórn Súdan hefur verið ákærð fyrir að aðstoða hryðjuverkamenn við árásina á bandaríska herskipið USS Cole við strendur Jemen haustið 2000 en árásin varð 17 bandarískum sjóliðum að bana. Það eru fjölskyldur sjóliðanna sem kæra ríkisstjórnina og krefjast yfir 100 milljóna bandaríkjadala í bætur.

Erlent

Plægði knattspyrnuvöll í hefndarskyni

Serbneski knattspyrnumaðurinn Slavomir Milnovich brást ókvæða við þegar þjálfarinn rak hann úr liðinu fyrir slaka frammistöðu. Hann hélt þegar heim á sveitabæ fjölskyldunnar og sótti þangað stóru dráttarvélina hans föður síns. Með henni plægði hann svo upp allan knattspyrnuvöll félagsins í hefndarskyni. Þetta hefur Bændablaðið eftir systurblaði sínu í Danmörku, Landbrugsavisen, en bæði blöðin fylgjast grannt með jarðabótum, hvar sem þær eru unnar.

Erlent

Megrunaraðgerðir leiða til minnisleysis

Megrunarskurðaðgerðir geta leitt til minnisleysis. Þetta er niðurstaða bandarískrar rannsóknar. Heilkennið sem rannsóknin hefur leitt í ljós hefur áhrif á bæði taugakerfið og heilann og getur leitt til ruglings og vanhæfni til að samhæfa hreyfingar.

Erlent

Stallone ákærður í Ástralíu fyrir lyfjasmygl

Leikarinn Sylvester Stallone hefur verið ákærður í Ástralíu fyrir að reyna að smygla inn 48 litlum flöskum af vaxtarhormóni til landsins. Smygl á þessu efni varðar allt að fimm milljón króna sekt og fimm ára fangelsi. Stallone, sem er sextugur var ekki viðstaddur þegar ákæran var gefin út enda kominn til Tælands þar sem hann er við tökur á fjórðu Rambó-myndinni.

Erlent

Bush eldri lagður inn á spítala

George Bush eldri, fyrrverandi forseti Bandaríkjanna var lagður inn á spítala á sunnudagskvöld eftir að hafa ofþornað. Bush, sem er 82 ára gamall var að leika golf í 35 gráðu hita þegar hann ofþornaði. Hann lá á spítala eina nótt en fékk svo að fara heim.

Erlent

Bush kominn til Mexíkó

George Bush Bandaríkjaforseti lýkur fimm landa heimsóknaferð sinni um Mið- og Suður-Ameríku í dag í Mexíkó þar sem hann áætlar að ræða viðkvæm mál á borð við innflytjendamál, landamæraeftirlit og eiturlyfjasölu við starfsbróður sinn Felipe Calderon. Líkt og annars staðar þar sem Bush hefur komið á ferð sinni tóku á móti honum þúsundir mótmælenda. Hugo Chavez forseti Venesúela og svarinn andstæðingur Bush hefur verið á ferðalagi á sama tíma og kom til Haiti í gær þar sem honum var fagnað mjög af tugum þúsunda. Chavez hóf ferð sína í Argentínu í síðustu viku þar sem hann var aðalræðumaður á risastórum and-Bush fundi og hefur síðan heimsótt Bólivíu, Nicaragua og Jamaíku.

Erlent

El Baradei kominn til Norður-Kóreu

Yfirmaður Alþjóðakjarnorkumálastofnunarinnar, Mohamed El Baradei kom til Norður-Kóreu í morgun en þangað er hann kominn til að ræða leiðir landsins til að láta af framleiðslu kjarnorku og styrkja tengsl stofnunarinnar við landið. Búist er við því að hann muni biðja stjórnvöld í Pyongyang um að leyfa eftirlitsmönnum Sameinuðu þjóðanna að koma sem fyrst til að fylgjast með gangi mála. Fyrir rétt um mánuði sömdu Norður-Kóreumenn við fimm önnur ríki um að slökkva á eina kjarnaofni landsins innan 60 daga í skiptum fyrir efnahagsaðstoð og afnám viðskiptahindrana.

Erlent

Tsvangirai verði leiddur fyrir rétt

Hæstiréttur í Simbabve hefur krafist þess að annaðhvort verði Morgan Tsvangirai leiðtogi stjórnarandstöðunnar leiddur fyrir rétt eða hann látinn laus. Tsvangirai var handtekinn á sunnudag þegar óeirðalögregla leysti upp útifund í Harare, höfuðborg Simbabve.

Erlent

Bretar kynna frumvarp um minni útblástur

Stjórnvöld í Bretlandi ætla að minnka koltvísýringsútblástur landsins um 60% fyrir árið 2050. Þetta er meginefni nýs lagafrumvarps sem er í burðarliðnum. Ráðamenn segja löggjöfina vera þá fyrstu sinnar tegundar og tryggja að Bretar verði í fararbroddi þjóða í að minnka útblástur.

Erlent

Áhrifamaður í áratugi

Chirac er fæddur í París árið 1933. Hann lét ungur heillast af Charles de Gaulle og ákvað snemma að helga líf sitt stjórnmálum. Hann gekk í franska Kommúnistaflokkinn um tvítugt, sótti nám í embættismannaskólanum École national d‘administration árin 1957-59 og fékk í framhaldi af því stöðu hjá ríkinu.

Erlent

Engar afsakanir lengur gildar

„Engar afsakanir geta lengur verið fyrir því að ná ekki samkomulagi,“ sagði Peter Hain, Norður-Írlandsmálaráðherra bresku stjórnarinnar, í Belfast í gær, daginn áður en nýkjörið heimastjórnarþing kemur saman á Norður-Írlandi.

Erlent

Skátar borga skaðabætur

Skátafélag í Utah-ríki í Bandaríkjunum þarf að bæta tjón sem varð vegna illviðráðanlegs elds sem átti upptök sín á tjaldsvæði skáta. Í júní árið 2002 brunnu 5.750 hektarar lands og segja yfirvöld að upptök eldsins hafi verið á tjaldstæði sautján skáta á aldrinum tólf til fjórtán ára sem voru að vinna sér inn viðurkenningu fyrir að lifa af í óbyggðum. Tveir fimmtán ára leiðbeinendur voru með í för.

Erlent

Ásakanirnar gengu á víxl

Á ráðstefnu um Írak sem haldin var í Bagdad á laugar­daginn sökuðu fulltrúar Bandaríkjanna og Írans hvor annan um að kynda undir ófriðinn í Írak.

Erlent

Danir fresta reykingabanni

Reykingabanni sem átti að taka gildi á opinberum sem almennum vinnustöðum í Danmörku um næstu mánaðamót hefur verið frestað fram í ágúst. Meirihluti þingmanna á danska þinginu samþykkti fyrir áramót að styðja frumvarp um reykingabann. Frumvarpið hefur þó ekki verið lagt fram en ráðgert er að afgreiða málið fyrir sumarið.

Erlent

Ísraelar vara við tilslökunum

Utanríkisráðherra Ísraels hefur varað vesturlönd við því að slaka á skilyrðum sínum gagnvart nýrri þjóðstjórn Palestínumanna. Hún vill að haldið verði fast við kröfur um að þjóðstjórnin viðurkenni tilverurétt Ísraelsríkis og hafni ofbeldi. Tzipi Livni er nú í opinberri heimsókn í Kanada.

Erlent

Mikil samúð við útför barna í New York

Mikill mannfjöldi safnaðist saman í New York í dag til þess að fylgja til grafar níu börnum og einum fullorðnum, sem fórust í eldsvoða í Bronx hverfi í síðustu viku. Fólkið var allt innflytjendur frá Mali sem létu lífið í mannskæðasta bruna í borginni í sautján ár. Það var borið til grafar í einföldum krossviðarkistum og viðstaddir grétu þegar litlar kistur barnanna voru bornar inn í bænahús múslima.

Erlent

Óttast skiptingu NATO í A og B ríki

Framkvæmdastjóri NATO hefur áhyggjur af því að fyrirhugaða eldflaugavarnarkerfi Bandaríkjanna skipti bandalaginu í tvennt. Annarsvegar þá sem kerfið verndi og svo hina. Jaap de Hoop Scheffer telur að þegar komi að vörnum bandalagsins eigi ekki að skipta aðildarríkjum í A-sveit og B-sveit innan NATO. Í sínum augum sé það órjúfandi öryggi allra ríkjanna sem sé grundvallaratriðið.

Erlent

Nígerískir hermenn frelsa Evrópubúa

Nígerískir hermenn hafa frelsað þrjá evrópska starfsmenn olíufélags, sem var rænt í Port Harvourt, fyrir nokkrum dögum. Talsmaður hersins segir að árásin á búðir mannræningjanna hefði gengið að óskum og enginn gíslanna hefði meiðst. Breskur olíustarfsmaður og þrír aðrir létu lífið í samskonar björgunaraðgerð í nóvember síðastliðnum.

Erlent

Stjórnarandstæðingur illa leikinn

Hæstiréttur í Zimbabwe hefur skipað lögreglunni að leyfa lögfræðingum að heimsækja stjórnarandstöðuleiðtogann Morgan Tswangirai, sem er sagður illa haldinn af höfuðáverka sem hann hlaut í vörslu lögreglunnar, en hann var handtekinn ásamt tugum stuðningsmanna sinna, á bænasamkomu í gær.

Erlent

qaSvI´ngoch chedrwI´

Áttuð þið í smá erfiðleikum með þessa fyrirsögn ? Það er kannski ekki nema von, því þetta er klingonska. Klingonskan er töluð af hinum herskáu Klingonum sem eru aðal andstæðingar mannanna í geimvísindaþáttunum Star Trek. Ástæðan fyrir þessari fyrirsögn hér er að flytja ykkur fréttir af frændum vorum Finnum.

Erlent

Vilja svipta Adolf ríkisborgararétti

Flokksdeild þýskra jafnaðarmanna í Brunswick vill svipta nazistaleiðtogann Hitler ríkisborgararétti, en það var einmitt í þeirri borg sem Austurríkismaðurinn Adolf Hitler fékk þýskan ríkisborgararétt fyrir 75 árum. Hitler afsalaði sér austurrískum ríkisborgararétti árið 1925, en fékk ekki borgararétt í Austurríki fyrr en árið 1932, þegar nazistar þar í bæ útveguðu honum vinnu sem opinber starfsmaður. Það var seint í febrúar.

Erlent

Mest lesið