Erlent

Eistar kenna Rússum um

Stjórnvöld í Eistlandi kenna Rússum um þær óeirðir sem urðu í landinu fyrir helgi. Tvær nætur í röð kom til átaka milli mótmælenda og lögreglu vegna minnismerkis um fallna hermenn í seinni heimsstyrjöldinni sem stjórnvöld létu fjarlægja úr miðborg Tallinn á föstudaginn. Eistar segja það tákn um kúgun Sovétmanna en Eistar af rússneskum ættum segja það tákn um hetjur sem hafi barist gegn nasistum. Engar fregnir hafa borist af átökum í nótt.

Erlent

Blair styður Brown

Tony Blair, forsætisráðherra Bretlands, hefur ákveðið að styðja Gordon Brown, fjármálaráðherra, sem næsta leiðtoga Verkamannaflokksins og þar með í embætti forsætisráðherra fram að næstu kosningum. Þetta fullyrðir breska blaðið Sunday Times í morgun. Blair tilkynnti í september í fyrra að hann ætlaði að víkja úr embætti innan árs.

Erlent

Rússar kvarta vegna óeirðanna í Tallin

Forseti Rússlands hefur kvartað við Evrópusambandið vegna óeirðanna í Tallin í Eistlandi. Búist var við áframhaldandi óeirðum í nótt. Yfir þúsund manns hafa verið handteknir, á annað hundrað slasast og stjórnvöld hafa bannað áfengissölu.

Erlent

Ógn við öryggi mannkynsins

Margaret Beckett, utanríkisráðherra Bretlands, lýsti í heimsókn til New York í síðustu viku þeirri hættu sem öryggi mannkynsins stafaði af loftslagsbreytingum sem væri „meiri en af nokkrum einstökum átökum“.

Erlent

Al-Kaídaforingi handsamaður

Einn æðsti og reynslumesti foringi al-Kaída hefur verið handsamaður og fluttur í fangabúðirnar á Guantanamo-flóa að því er varnarmálaráðuneyti Bandaríkjanna greindi frá í gær.

Erlent

99 bandarískir hermenn látnir í Írak í apríl

Fjöldi bandarískra hermanna sem hafa látist í Írak í þessum mánuði er kominn upp í 99. Í dag og í gær hafa níu bandarískir hermenn látist. Fjórir létust í vegasprengjum suður og suðaustur af Bagdad í dag samkvæmt upplýsingum frá yfirmönnum í bandaríska hernum. Í gær létust fimm hermenn í bardaga í vesturhluta Anbar héraðs sem er höfuðvígi súnní múslima.

Erlent

Hundur stórslasar tveggja ára stúlku

Tveggja ára stúlka er á sjúkrahúsi eftir að hundur réðist á hana þar sem hún var gestkomandi í íbúð í Lancashire í Skotlandi. Stúlkan hlaut alvarlega áverka á andliti og hefur farið í eina aðgerð. Hundurinn er af Staffordshire bull terrier kyni. Hann hafði ekki áður ráðist að fólki og er ekki á lista yfir hættulega hunda.

Erlent

Pakistan: Ráðherra slasaðist og 28 létust

Innanríkisráðherra Pakistan slasaðist og í það minnsta 28 manns létust í sjálfsmorðsárás í norðvesturhluta Pakistans í dag. 36 aðrir eru slasaðir. Maður með sprengju innanklæða gekk inn á opinberan fund í Charsadda sem er heimabær Aftab Ahmad Khan Sherpao innanríkisráðherra. Sherpao hafði nýlokið ræðu og var að tala við gesti á fundinum þegar öryggisverðir stöðvuðu manninn.

Erlent

Til marks um uppgang þjóðernissinna

Um 800 mótmælendur hafa verið handteknir og 150 særst í átökum við lögreglu í Eistlandi vegna deilna um minnismerki um fallna hermenn í síðari heimsstyrjöldinni. Íslendingur sem búsettur er í landinu segir átökin til marks um uppgang þjóðernissinna í Eistlandi.

Erlent

Jörð skalf undir fótum Englendinga

Íbúum í Kent-sýslu á Englandi brá heldur en ekki í brún í morgun þegar jörð tók að skjálfa undir fótum þeirra. Engin slasaðist alvarlega í jarðhræringunum en nokkrar skemmdir urðu á byggingum og rafmagn fór af stóru svæði um tíma.

Erlent

Tyrkneski herinn haldi að sér höndum

Bandaríkjamenn og Evrópusambandið hvetja tyrkneska herinn til að halda að sér höndum nú þegar þing Tyrklands velur næsta forseta landsins. Svo gæti farið að íslamskur forseti verði fyrir valinu og hefur herinn hótað að grípa í taumana til að vernda sjálfstæði stjórnvalda gagnvart trúarbrögðum.

Erlent

57 létust og 160 slösuðust í Írak

Í það minnsta 57 eru látnir og 160 slasaðir eftir að bílasprengja sprakk í Írösku borginni Karbala í dag. Þetta er önnur sprengingin af þessu tagi á tveimur vikum í borginni. Í henni eru tvö heilugustu bænahús síja múslíma. Fréttir herma að sprengjan hafi sprungið við hlið moskunnar Imam Abbas þegar fólk flykktist þangað til bæna.

Erlent

Tattó auglýsingar fyrir lífstíð

Atvinnulaus maður í Brasilíu hefur fundið afar sérstaka leið til að afla sér lífsviðurværis. Hann notar líkama sinn sem auglýsingaskilti. Edson Alves hefur látið tattóvera tuttugu auglýsingar fyrirtækja frá heimabæ sínum á bak sitt og handleggi. Hann fer síðan úr að ofan við hvert tækifæri og gengur um bæinn.

Erlent

Harry prins skotmark hryðjuverkasamtaka

Ákvörðun um að senda Harry Bretaprins til Íraks með herdeild sinni er nú til endurskoðunar hjá yfirmönnum breska hersins. Ákvörðunin var tekin í febrúar. Embættismenn óttast nú að Harry verði aðalskotmark hryðjuverkamanna, en ellefu breskir hermenn hafa látist í Írak í þessum mánuði.

Erlent

England: Ekki heitara í apríl í rúm 300 ár

Hitastig í aprílmánuði í Englandi hefur ekki mælst jafn hátt frá upphafi mælinga sem hófust fyrir rúmum 300 árum. Gert er ráð fyrir að vormánuðirnir mars apríl og maí slái öll fyrri met. Fyrir allt Bretland er mánuðurinn sá hlýjasti í 140 ár. Á landsvísu er nýliðinn vetur annar hlýjasti veturinn frá því mælingar hófust.

Erlent

Átök í Tallin

Allt logaði í óeirðum í Tallin höfuðborg Eistlands í gærkvöldi - annað kvöldið í röð. Deilt er um sovéskt minnismerki sem yfirvöld fjarlægðu úr höfuðborginni í gær en þar hefur það staðið í áratugi. Tíu mótmælendur særðust í átökum við lögreglu í gær og þrjú hundruð úr hópi þeirra voru handteknir.

Erlent

Frá uppgröftrum

Mikil umskipti í fornleifarannsóknum á síðustu árum eru að skila bráðabirgðaniðurstöðum og þeim verður að skila til almennings og fræðasamfélagsins, heima og heiman. Fornleifafræðingar halda ráðstefnu í samvinnu við Þjóðminjasafn Íslands í dag og kynna bráðabirgðaniðurstöður úr rannsóknum sem eru í gangi og hefst hún kl. 13 í fyrirlestrasal Þjóðminjasafnsins.

Erlent

Aflétta banni á demanta-útflutningi

Öryggisráð Sameinuðu þjóðanna samþykkti í gær að aflétta banni á útflutningi á demöntum frá Afríkuríkinu Líberíu. Bannið hefur verið í gildi frá 2001 og var sett á til að koma í veg fyrir að ágóðinni af sölunni yrði notaður til að fjármagna stríð í Vestur-Afríku.

Erlent

Jarðskjálfti skók Kent sýslu í Englandi

Jarðskjálfti sem mældist fjórir komma sjö á Richter skók Kent-sýslu á Englandi í morgun. Raflínur féllu til jarðar og rafmagnslaust er á stóru svæði. Skemmdir urðu á húsum. Engar fréttir hafa borist af slysum á fólki. Fram kemur á fréttavef BBC að sérfræðingar telji upptök skjálftans hafa orðið um tuttugu og fimm kílómetra suður af Canterbury og um tíu kílómetra undir jarðskorpunni.

Erlent

Tíu særðust í mótmælum í Tallin

Tíu særðust og þrjú hundruð mótmælendur voru handteknir í óeirðum í Tallin, höfuðborg Eistlands, í gærkvöldi. Þetta er annar dagurinn í röð sem til átaka kemur. Tekist er á um niðurrif á sovésku minnismerki sem hefur staðið í miðborginni í áratugi.

Erlent

Varkárni í fyrstu kappræðunum

Frambjóðendurnir átta sem sækjast eftir forsetatilnefningu Demókrataflokksins mættust í fyrstu kappræðunum á fimmtudagskvöldið. Varkárni einkenndi kappræðurnar og gengu hrósyrðin á víxl meðal keppinautanna þó að Hillary Clinton og Barack Obama, sem eru talin sigurstranglegust, hefðu fengið á sig nokkrar stungur.

Erlent

Skutu 92 ára konu til bana

Þrír lögreglumenn voru í gær ákærðir fyrir að skjóta 92 ára gamla konu, Kathryn Johnston, til bana í Atlanta í Bandaríkjunum í nóvember þegar þeir réðust inn á heimili hennar.

Erlent

Rússar hóta refsiaðgerðum

Litlu munaði að Rússar slitu stjórnmálasambandi við Eistland í gær eftir að eistnesk stjórnvöld höfðu látið taka niður umdeilt minnismerki frá Sovét-tímanum í Tallin, höfuðborg Eistlands. Óeirðir brutust út í Tallin þegar fólk safnaðist þar saman til að mótmæla flutningi minnismerkisins.

Erlent

Rússar fengu engu framgengt

Atlantshafsbandalagið ætlar ekki að láta Rússa kúga sig til að fallast á samning um takmörkun á hefðbundnum vopnum í Evrópu, þrátt fyrir hótanir Rússa um að virða ekki þennan sama samning.

Erlent

Lesbíur í felur að giftingu lokinni

Nígerísk kona, Aunty Maiduguri, sem „giftist“ fjórum konum, hefur farið í felur ásamt konunum. Samkvæmt sjaríalögum í landinu er samkynhneigð og hjónaband samkynhneigðra ólögleg og álitið alvarlegur glæpur. Samkynhneigð er einnig ólögleg samkvæmt hegningarlögum.

Erlent

Handtekinn vegna ritgerðar

Átján ára framhaldsskólanemi í Illinois í Bandaríkjunum, Allen Lee að nafni, var handtekinn fyrir að skila inn ritgerð sem yfirvöld segja ofbeldisfulla og truflandi.

Erlent

Gagnrýna þing Bandaríkjanna

Íraksstjórn gagnrýnir Bandaríkjaþing harðlega fyrir að hafa samþykkt frumvarp um að kalla bandarískan herafla heim frá Írak. Samkvæmt frumvarpinu hefst brottflutningur heraflans 1. október næstkomandi og skal lokið 31. mars árið 2008, að því er fréttavefur BBC greinir frá.

Erlent

Þráðlaust net á baðströndinni

Þeir sem eiga erfitt með að slíta sig úr sambandi við umheiminn í sumarleyfum geta varpað öndinni léttar þar sem nú er hægt að flatmaga á ströndinni og tengjast þráðlausu neti á bað-ströndinni við bæinn Castelldefels á Spáni.

Erlent

Grátbiðja Uribe um að hefja viðræður

Tólf kólumbískir þingmenn sendu í dag forseta landsins, Alvaro Uribe, skilaboð um að hefja viðræður við uppreisnarmenn, FARC, sem hafa haldið þeim föngnum síðastliðin fimm ár. Fjölskyldur mannanna grétu á meðan þær horfðu á myndband þar sem þeir minntust barnanna sinna, heilsuðu eiginkonum sínum og grátbáðu Uribe að hefja viðræður við uppreisnarmennina.

Erlent

Ætla að auka viðskipti yfir Atlantshafið

Leiðtogar Bandaríkjanna og Evrópusambandsins munu á mánudaginn kemur taka stórt skref í áttina að því að auka viðskipti yfir Atlantshafið. Þá skrifa Angela Merkel, kanslari Þýskalands, og George W. Bush, forseti Bandaríkjanna, undir rammasamkomulag um frekari viðskipti. Þau ætla sér einnig að reyna að ljúka Doha viðræðunum, sem núna eru á sjötta ári, fljótlega.

Erlent

Mest lesið