Erlent

Eftirlitsmenn fara til Norður-Kóreu

Eftirlitsmenn frá Alþjóðakjarnorkumálastofnuninni munu fara til Norður-Kóreu í næstu viku til þess ræða lokun á kjarnofninum í Yongbyon. Embættismenn í Norðu-Kóreu báðu um heimsóknina.

Erlent

Ísrealar loka Gaza

Ísraelar hafa lokað á alla vöruflutninga til Gaza svæðisins. Hamas samtökin stjórna nú Gaza svæðinu og með þessum aðgerðum eru ísraelsk stjórnsvöld að reyna að einangra Hamas algjörlega. Á sama tíma eru Ísraelar að hefja stuðning við bráðabirgðarstjórn Fatah hreyfingarinnar.

Erlent

Forseti Víetnam heimsækir Bandaríkin

Forseti Víetnam heimsækir Bandaríkin í dag en það verður fyrsta heimsókn víetnamsks þjóðhöfðingja þangað síðan stríðinu í Víetnam lauk. Ástæðan eru viðskiptahagsmunir en fyrrum andstæðingarnir eiga í sífellt meiri viðskiptum. Einnig verður rætt um mannréttindamál.

Erlent

Heilsa Dana versnandi fer

Bæði andleg og líkamleg heilsa Dana fer versnandi eftir því sem fríblaðið 24 timer greinir frá. Þar segir frá rannsókn Lýðheilsustöðvar Danmerkur sem sýndi að átta af hverjum tíu Dönum hefðu fengið hausverk, hjartsláttartruflanir, verki í kroppinn eða hefðu átt erfitt með svefn á tveggja vikna tímabili sem spurt var um.

Erlent

Queen Elizabeth 2 breytt í hótel

Dubai hefur afráðið að kaupa hið fornfræga skemmtiferðaskip Queen Elizabeth 2 fyrir um 100 milljónir punda. Skipinu verður lagt fyrir utan manngerðar eyjar í furstadæminu og breytt í fljótandi hótel. Skipið stoppaði við Íslandsstrendur nú fyrir skemmstu.

Erlent

Royal yfirgefur eiginmann sinn

Þrátt fyrir sigur UMP er talið að tilkynning Segolene Royal, mótframbjóðanda Sarkozys í forsetakosningunum í síðasta mánuði, um að hún ætli að yfirgefa maka sinn eigi eftir að yfirgnæfa aðra umræðu í Frakklandi. Royal hefur verið með leiðtoga sósíalista, Francois Hollande, í 25 ár og á með honum fjögur börn.

Erlent

Evrópusambandið mun aðstoða neyðarstjórn Abbas

Evrópusambandið mun hefja beina aðstoð við bráðabirgðastjórn Mahmoud Abbas, forseta Palestínu, en Javier Solana, utanríkismálaráðherra Evrópusambandsins, skýrði frá þessu í morgun. Hann tók þó ekki fram hvenær þessi aðtoð myndi hefjast. Solana var á leið sinni á fund utanríkisráðherra Evrópusambandsins sem fram fer í dag.

Erlent

Moskva dýrasta borg í heimi

Moskva, höfuðborg Rússlands, er dýrasta borg í heimi að búa í. Borgin hlýtur þennan heiður annað árið í röð. Lundúnir, höfuðborg Bretlands, fylgir fast á hæla hennar. Þetta kom fram í skýrslu ráðgjafafyrirtækis sem gefin var út í morgun.

Erlent

Miðborg Melbourne lokað vegna skotmanns

Lögreglan í Melbourne í Ástralíu hefur lokað miðborginnni þar sem hún leitar að manni sem hóf skothríð á vinsælli verslunargötu í morgun. Maðurinn réðist að ungri konu og þegar tveir vegfarendur komu henni til varnar skaut hann á þau þrjú.

Erlent

Norður-Kórea innsiglar kjarnaofn sinn í lok júlí

Stjórnvöld í Norður-Kóreu skýrðu frá því í morgun að þau ætli sér að loka kjarnaofni sínum í seinni hluta júlí. Rússneska fréttastöðin Interfax skýrði frá þessu. Stutt er síðan stjórnvöld í Norður-Kóreu fengu aðgang að fjármunum sem Bandaríkjamenn höfðu fryst.

Erlent

Sjö börn láta lífið í loftárás í Afganistan

Að minnsta kosti sjö börn létu lífið í loftárásum bandaríska hersins á trúarskóla í þorpi í Afganistan í nótt. Aukin óánægja er með loftárásir sem þessar en fjöldi almennra borgara sem lætur lífið í þeim eykst stöðugt.

Erlent

Sarkozy hlýtur umboð til breytinga

Flokkur Nicolas Sarkozy Frakklandsforseta, UMP, vann sigur í þingkosningum sem fóru fram þar í landi í gær. Flokknum hafði verið spáð allt að 80 prósent sæta á franska þinginu en hlaut ekki nema tæp 60 prósent sæta, eða 354 af 577 þingsætum. Fréttaskýrendur telja að ástæðan fyrir fylgistapinu hafi verið umdeild hækkun á söluskatti.

Erlent

Mannskæðasta árásin frá 2001

Að minnsta kosti 35 létust og 52 særðust þegar rúta með lögreglukennurum var sprengd í loft upp í Kabúl, höfuðborg Afganistan, í gær í mannskæðustu árásinni frá innrás Bandaríkjahers og bandamanna í Afganistan árið 2001. Talibanar lýstu ábyrgð á árásinni á hendur sér.

Erlent

Eftirlit til N-Kóreu

Vonir standa til að eftirlitsmenn Alþjóðlegu kjarnorkustofnunarinnar heimsæki Norður-Kóreu fljótlega. Viðræður á milli Bandaríkjanna og Norður-Kóreu hafa gengið vel að undanförnu og hafa Norður-Kóreumenn nú boðið eftirlitsmönnunum til landsins.

Erlent

Sarkozy sigrar í þingkosningum

UMP-flokkur Nicolas Sarkozy Frakklandsforseta vann sigur í seinni umferð frönsku þingkosninganna sem fram fór í gær með 47 prósent atkvæða samkvæmt útgönguspám.

Erlent

Eldflaugum skotið á Ísrael

Að minnsta kosti tveimur eldflaugum var skotið frá Líbanon á Ísrael í gærdag í fyrstu eldflaugaárásinni síðan í stríði Ísraels og Hisbollah-samtakanna í Líbanon í fyrrasumar þegar tæplega 4.000 eldflaugum var skotið á Ísrael.

Erlent

Íranar fordæma bresk stjórnvöld

Íranar hafa gagnrýnt bresk stjórnvöld harðlega fyrir að veita rithöfundinum Salman Rushdie riddaraorðu. Mohammad Ali Hosseini, talsmaður íranska utanríkisráðuneytisins, telur að orðuveitingin sýni hræðslu Breta við islömsk trúarbrögð.

Erlent

Svíar sluppu með skrekkinn

Tveir óbreyttir borgarar fórust og að minnsta kosti tólf til viðbótar særðust þegar sjálfsmorðsárás var gerð á sænska bílalest NATO í norðurhluta Afganistans.

Erlent

Árás á Andrei Kalitin rannsökuð

Lögreglan í Moskvu, höfuðborg Rússlands, rannsakar árás sem gerð var á rannsóknarblaðamanninn Andrei Kalitin í síðustu viku. Kalitin greindi lögreglu frá því að árásin kynni að tengjast rannsóknarvinnu hans vegna bókar um átök í rússneska áliðnaðinum sem kemur út í ágúst. Lögregla telur að árásarmaðurinn hafi notað gúmmíkúlur.

Erlent

Gianfranco Ferre látinn

Ítalski tískufrömuðurinn Gianfranco Ferre lést í Mílanó á Ítalíu í dag 62 ára að aldri. Gianfranco var lagður inn á spítala á föstudaginn eftir að hann fékk heilablóðfall.

Erlent

Forseti Súdan hleypir friðagæsluliðum til Darfur

Omar al-Bashir forseti Súdan hefur samþykkt að hleypa friðargæsluliðum Sameinuðu þjóðanna til Darfur án nokkurra skilyrða. Ofbeldi og átök í héraðinu hafa kostað meira en tvö hundruð þúsund manns lífið og um tvær og rúmlega tvær milljónir hafa hrakist frá heimilum sínum.

Erlent

Sigur Sarkozy minni en spár gerðu ráð fyrir

Hægri flokkur Nicolasar Sarkozy, forseta Frakklands, vann stóran sigur í annarri umferð frönsku þingkosninganna samkvæmt útgönguspám. Sigurinn er þó ekki eins stór eins fyrstu spár höfðu gert ráð fyrir. Upphaflega var talið að flokkur forsetans fengi meira en fjögur hundruð sæti en útgönguspár sýna að hann fær um 340 sæti af 577.

Erlent

Mikil fjölgun í hópi Síberíutígrisdýra

Vel gengur að reisa við stofn Síberíutígrisdýra sem eru í mikilli útrýmingarhættu. Á ræktunarstöð kattardýra í Kína hefur tegundinni borist góður liðsauki með fæðingu 84 kettlinga frá því í mars á þessu ári. Í tilkynningu frá ræktunarstöðinni segir að kettlingunum heilsist vel og að von sé á að 13 læður fæði til viðbótar á næstu fjórum mánuðum.

Erlent

Ný alpagöng opnuð

Lengstu landlægu lestargöng í heimi voru vígð á föstudaginn. Göngin eru 34 kílómetra löng og tengja Þýskaland og Ítalíu í gegnum Alpafjöllin.

Erlent

Tveimur flugskeytum skotið á Ísrael

Tveimur flugskeytum var skotið á smábæ í Ísrael í dag frá Líbanon. Allt bendir til þess að Palestínumenn standi á bak við flugskeytaárásina og telja ísraelsk stjórnvöld að árásirnar séu gerðar í því skyni að ögra þeim.

Erlent

Hérar valda töfum á flugvellinum í Mílanó

Loka þurfti flugvellinum í Mílanó á Ítalíu í dag á meðan tvö hundruð veiðimenn reyndu að klófesta yfir 80 héra sem ítrekað hafa valdið vandræðum á svæðinu. Á síðustum vikum hefur tvisvar komið fyrir að hérar hafi flækst í hjólabúnaði flugvéla við lendingu. Þá hafa þeir einnig valdið truflunum í radarbúnaði flugvallarins.

Erlent

Fuglar að deyja út í Bandaríkjunum

Umtalsverð rýrnun hefur orðið á stofnum algengustu fugla í Bandaríkjunum á síðustu áratugum. Fuglafræðingar við Audubon stofnuninni benda á þetta í nýútkominni skýrslu sinni og lýsa yfir áhyggjum sínum.

Erlent

Íranir gagnrýna Breta fyrir að hafa heiðrað Salman Rushdie

Stjórnvöld í Íran hafa gagnrýnt bresk yfirvöld fyrir að hafa veitt rithöfundinum Salman Rushdie riddaratign. Telja írönsk stjórnvöld að með því hafi bresk yfirvöld viljandi verið að ögra og sýna öllum múslimum lítilsvirðingur. Salman Rushdie var dæmdur til dauða af múslimadómstól í Íran eftir að hann gaf út bókina "Söngvar Satans" árið 1989.

Erlent

Mest lesið