Erlent

Fuglaflensa í Tógó

Rannsóknarniðurstöður staðfesta að H5N1 afbrigði fuglaflensunnar hafi fundist á alifuglabúgarði í Tógó. Eftir að óeðlilega margir fuglar drápust á búgarðinum, voru send sýni á rannsóknarstofu sem staðfestu fuglaflensuna. H5N1 er hættulegasta afbrigði flensunnar.

Erlent

Pólverjar segja lausn ekki í sjónmáli

Pólverjar sögðu í dag að enginn árangur hefði náðst á fundum Angelu Merkel, kanslara Þýskalands, sem er í forsæti Evrópusambandsins um þessar mundir, og Lech Kaczynski, forseta Póllands. Póllandi hefur þegar verið boðin málamiðlun.

Erlent

Skólastelpu í Bretlandi meinað að bera trúartákn

Skólastelpa í Bretlandi ætlar að áfrýja til hæstaréttar til að snúa við banni sem hún fékk fyrir að ganga með skírlífshring í skólanum. Lydia Playfoot, sem er 16 ára, segir að hringurinn sýni fram á að hún hafi tekið þá ákvörðun að bíða með kynlíf þar til hún giftir sig. Hún segir að hringurinn sé trúartákn og ætti því að fá undanþágu frá reglum skólans sem banna skartgripi.

Erlent

Bush tekur á móti forseta Víetnam í sögulegri heimsókn

Forseti Bandaríkjanna, George Bush, tekur á móti forseta Víetnam í sögulegri heimsókn. Forseti Víetnam, Nguyen Minh Triet, er fyrsti leiðtogi landsins til að heimsækja Bandaríkin síðan Víetnamstríðinu lauk árið 1975. Heimsóknin er sögð vera stórt skref fyrir bæði lönd til að jafna sig á sáraukafullri fortíð.

Erlent

Útgöngubann í Sómalíu

Millibilsríkistjórn Sómalíu hefur sett útgöngubann á íbúa höfuðborgar landsins, Mogadishu. Með því vonast stjórnin til að stöðva ofbeldisbylgjuna í landina. Síðasta atvik þar sem ofbeldi var beitt í Mogadishu var þegar handsprengju var hent að lögreglumönnum á Bakara markaðnum. Fimm manns létust við sprenginguna.

Erlent

Íranar eiga yfir 100 kíló af auðguðu úrani

Íranar hafa framleitt yfir 100 kíló af auðguðu úrani. 500 kíló þarf til þess að smíða eina kjarnorkusprengju. Innanríkisráðherra landsins skýrði frá þessu í ræðu seint í gærkvöldi. Líklegt er að þessar fréttir valdi Vesturlöndum enn frekari áhyggjum. Þau telja að Íranar ætli að verða sér úti um kjarnorkuvopn en því hafa þeir ávallt neitað.

Erlent

Vilja láta fanga byggja knattspyrnuvelli

Stjórnvöld í Póllandi eru að íhuga að nota fanga til þess að lagfæra knattspyrnuvelli landsins og byggja nýja fyrir Evrópumótið í knattspyrnu sem fer þar fram árið 2012. Ástæðan fyrir þessu er skortur á verkamönnum í landinu en fjölmargir þeirra hafa leitað út fyrir landsteinana þar sem launin eru mun betri.

Erlent

Átökunum í Nahr el-Bared lokið

Stjórnvöld í Líbanon segjast hafa unnið sigur í baráttunni við uppreisnarmenn í Fatah al-Islam. Fylkingarnar hafa barist í rúman mánuð. Klerkar sem hafa gegnt hlutverki sáttasemjara segjast að Fatah al-Islam hafi sæst á vopnahlé. Fleiri en 150 hafa látið lífið í átökunum, sem eru þau umfangsmestu síðan borgarastyrjöldinni í Líbanon lauk árið 1990.

Erlent

Fjárfestu í hátísku

Fjármálafyrirtæki víða um heim eru nú farin að fylgja eftir merkjaþrá almennings og búa til hlutabréfasjóði með einungis hátískufyrirtækjum. Fólk getur þá keypt hlutabréf í Miu Miu, Stellu McCartney eða Ralph Lauren.

Erlent

Hill átti góðar viðræður í Norður-Kóreu

Christopher Hill, aðalsamningamaður Bandaríkjanna í kjarnorkumálum, sagði í morgun að hann hefði átt góðar viðræður við fulltrúa stjórnvalda í Norður-Kóreu í gær. Heimsókn hans til landsins kom mörgum á óvart.

Erlent

Verkfallsaðgerðir verða hertar

Stéttarfélög í Nígeríu hétu því í morgun að herða verkfallsaðgerðir sínar en almennt verkfall vegna hækkandi verðs á bensíni hefur staðið yfir í landinu í þrjá daga. Verkfallið hefur lamað nær alla starfsemi í landinu nema framleiðslu og útflutning á olíu.

Erlent

Enn ekkert samkomulag á leiðtogafundi ESB í Brussel

Leiðtogar ríkja Evrópusambandsins hafa enn ekki náð samkomulagi um nýjan umbótasáttmála. Leiðtogarnir reyna nú að ná sáttum um tillögu Þjóðverja um nýjan sáttmála í stað stjórnarskrárinnar sem franskir og hollenskir kjósendur höfnuðu fyrir tveimur árum. Bretland og Pólland hafa hins vegar hótað að beita neitunarvaldi gegn sáttmálanum ef þau fá ekki sitt fram.

Erlent

Konungur Nepals

Forsætisráðherra Nepals, Girija Prasad Koirala, vill að konungur Nepal, Gyanendra, og krónprinsinn Paras afsali sér krúnunni áður en íbúar Nepals ganga til mikilvægra kosninga sem ákvarða pólitíska framtíð þjóðarinnar, að því er nepalskir fjölmiðlar greina frá.

Erlent

Áfengis- og klámbann á meðal frumbyggja

Stjórnvöld í Ástralíu kynntu í gær áætlun um að banna áfengi og klám á svæðum frumbyggja í norðurhluta Ástralíu til þess að sporna við misnotkun á börnum sem er útbreidd meðal frumbyggja samkvæmt opinberri skýrslu sem kynnt var í síðustu viku.

Erlent

Gerði keisaraskurð 15 ára

Fimmtán ára drengur gerði keisaraskurð á barnshafandi konu undir eftirliti foreldra sinna, sem bæði eru læknar, í tilraun til að komast í heimsmetabók Guinnes. Aðgerðin var tekin upp á myndband. Faðirinn sýndi starfssystkinum sínum í indversku læknasamtökunum myndbandið og var í kjölfarið tilkynnt að athæfið væri ólöglegt og siðlaust.

Erlent

Taívanar kjósa um aðild að SÞ

Yfirvöld í Taívan hétu því á miðvikudag að þjóðaratkvæðagreiðsla um að ganga á ný í Sameinuðu þjóðirnar yrði haldin þrátt fyrir hörð mótmæli frá Kína. Atkvæðagreiðslan fer líklega fram á næsta ári að sögn forseta Taívans, Chen Shui-bian.

Erlent

Konan látin sem fæddi barn í dái

Kona sem fæddi barn meðan hún var í dái lést á föstudaginn í Pennsylvaníu í Bandaríkjunum. Annetta Miller Clark var í dái í fimm ár eftir að hún lenti í bílslysi ásamt manni sínum sem lést stundu eftir slysið.

Erlent

Bæta þarf kynfræðslu

Greiningum á klamydíusmitum hefur fjölgað verulega í Færeyjum undanfarinn áratug samkvæmt lýðheilsufræðingnum Malan Egholm sem hefur gert ritgerð um hvernig fyrirbyggja megi klamydíusmit í Færeyjum. Vefútgáfa Útvarps Færeyja greinir frá þessu.

Erlent

Tíu fórust í eldi í Rússlandi

Tíu fórust í eldsvoða á hjúkrunarheimili í þorpi í Síberíu í Rússlandi gærmorgun. Yfir 300 sjúklingar björguðust úr eldinum. Fjórir voru fluttir á sjúkrahús með brunasár og önnur meiðsl.

Erlent

Flóðavörnum enn ábótavant í New Orleans

Þrátt fyrir auknar varnir er mikil hætta á að stór hluti New Orleans færi á kaf ef fellibylur mundi geysa á svæðinu. Þetta kemur fram í rannsókn sem verkfræðingar bandaríska hersins hafa gert.

Erlent

Á fjórða þúsund hermanna hafa látist í Írak

Nú hafa ríflega 3500 bandarískir hermenn látist í Íraksstríðinu, þar af 68 í júnímánuði. Tólf bandarískir hermenn hafa látið lífið í árásum undanfarna tvo daga. Alvarlegasta árásin var í Norðaustur - Bagdad í dag þegar herbíll var sprengdur með þeim afleiðingum að fimm bandarískir hermenn létust, auk þriggja óbreyttra íraskra borgara og írasks túlks.

Erlent

Eldsneyti úr ávöxtum

Bandarískir vísindamenn halda því fram að hægt sé vinna umhverfisvænt eldsneyti úr ávöxtum, nánar tiltekið úr ávaktasykri. Slíkt eldsneyti á að innihalda mun meiri orku en Etanól sem notað er í bensín.

Erlent

Kona fær ekki bætur fyrir að vinna ekki lottó

Helene De Gier tapaði í dag máli þar sem hún vildi fá skaðabætur fyrir að vinna ekki stóran lottóvinning. Málinu er þannig háttað að nágrannar De Gier unnu tæplega 1,2 milljarð í lottói. Sjö nágrannar hennar í bænum Heusden í Hollandi unnu pottinn, en vinningshafarnir voru dregnir eftir póstnúmeri.

Erlent

Heimkomu Atlantis seinkað vegna veðurs

Geimskutlan Atlantis er búin undir heimkomu en bíður þess að óveðri linni við lendingastað sinn, Kennedy geimstöðina í Flórída. Þykkir skýjabakkar hafa hrannast upp og mikið rignir. Það þykja ekki æskilegar aðstæður fyrir lendingu af þessu tagi. Stefnt er að því að lenda flauginni á morgun.

Erlent

Frakkar lofa Abbas aðstoð

Utanríkisráðherra Frakklands, Bernard Kouchner, segir að Frakkar muni aðstoða palestínsku ríkistjórnina með beinni fjárhagslegri aðstoð. Kouchner talaði við Mahmoud Abbas, forseta Palestínu, í vikunni og upplýsti hann um áætlanir Frakka. Ekki er vitað hversu mikilli upphæð Frakkar ætla að verja í aðstoðina.

Erlent

Konu hermanns ekki vísað úr landi

Yaderline Jimenez, eiginkonu Alex Jimenez sem saknað hefur verið í Írak síðan í maí, verður ekki vísað úr landi. Heimavarnarráðuneyti Bandaríkjanna staðfestir það. Alex, sem er bandarískur hermaður, hafði sótt um græna kortið fyrir konu sína eftir að þau giftust árið 2004. Yaderline kom ólöglega til landsins frá Dóminíska Lýðveldinu.

Erlent

Mest lesið