Erlent

Tsjad - Börnin 103 send til foreldra sinna

Ríkisstjórnin í Tsjad hefur heimilað að börnin 103 sem reynt var að smygla úr landi í október síðastliðinn fái að fara heim. Sex franski meðlimir góðgerðarsamtakanna Örk Zoe voru dæmdir fyrir að tilraun til að ræna börnunum frá Tsjad og segja að þau væru munaðarlaus börn frá hinu stríðshrjáða Darfur héraði í Súdan. Flest barnanna reyndust hins vegar eiga foreldra í Tsjad sem liggur við landamæri Súdan.

Erlent

Rannsaka hugsanleg tengsl á milli sprenginga

Lögreglan í Ribe í Danmörku hefur handtekið tvo unga karlmenn sem grunaðir eru um að vera viðriðnir sprengingu á matsölustað í bænum Bramming á Jótlandi. Ung kona lét lífið í sprengingunni.

Erlent

Ástralska lögreglan upprætir mansals-glæpahring

Ástralska lögreglan segist hafa upprætt alþjóðlegan mansals-glæpahring eftir björgun tíu suður-kóreskra kvenna úr vændishúsum í Sydney. Fimm manns hafa verið handteknir og meðal annars ákærðir fyrir mansal og skuldaánauð.

Erlent

Þúsundir syrgja nemendur í prestaskóla

Þúsundir manna hafa safnast saman við Mercas Harav prestaskólann í Jerúsalem þar sem byssumaður drap átta manns og særði níu í gærkvöldi. Mikil sorg ríkti meðal fólksins þegar gyðingaprestur fór með bænir yfir líkum fórnarlambanna í dag.

Erlent

Watson segir Japan hafa skotið á sig

Paul Watson, leiðtogi samtakanna Sea Shepherd, segir að skotið hafi verið á sig í átökum samtakanna við japanska hvalveiðimenn í suðurhluta Kyrrahafs í morgun. Hann hafi hins vegar komist lífs af þar sem hann hafi verið í skotheldu vesti.

Erlent

Þýskir hermenn of feitir

Þýskir hermenn eru feitir, reykja of mikið og æfa of lítið. Þetta kemur fram í nýrri skýrslu sem gerð var til að kanna ástand þýska hersins.

Erlent

Eitra fyrir 100 þúsund hundum

Yfirvöld í Kashmír héraði á Indlandi hafa byrjað að eitra fyrir 100 þúsund flækingshundum í herferð gegn hundaæði í helstu borg héraðsins.

Erlent

Helsti vopnasali heims handtekinn í Taílandi

Rússneskur maður sem talið er að sé helsti ólöglegi vopnasali heims hefur verið handtekinn í Taílandi. Viktor Bout sem kallaður hefur verið „Kaupmaður dauðans“ var gómaður á lúxushóteli í Bangkok. Taílenska lögreglan var með handtökuheimild frá Bandaríkjunum þar sem hann er sakaður um að útvega vopn til kólumbískra uppreisnarmanna.

Erlent

Mótmæltu hvalveiðum Japana

Hvalaverndunarsinnar létu óánægju sína með hvalveiðar Japana í ljós í morgun þegar þeir klifruðu upp á japanska sendiráðsins í Lundúnum. Þar hengdu þeir borða með slagorðum gegn veiðunum. Hvalveiðar Japana verða eitt helsta umræðuefnið á sérstökum aukafundi Alþjóða hvalveiðiráðsins sem hófst í Lundúnum í morgun og stendur fram á laugardag.

Erlent

Sprengja sprakk á Times Square

Sprengja sprakk á Times Square í New York nú fyrir skömmu. Sprengjan var lítil samkvæmt heimildum lögreglu og varð nálægt nýliðaskráningaskrifstofu hersins. Sjónvarpsstöðvar á svæðinu segja að enginn hafi slasast og ekki hafi orðið skemmdir á byggingum í sprengjunni.

Erlent

Morgnmaturinn heldur unglingum grönnum

Ný rannsókn sem framkvæmd var í Bandaríkjunum sýnir að unglingar sem borða morgunmat að staðaldri eru 2,3 kílóum léttari að meðaltali en jafnaldrar þeirra sem sleppa morgunmatnum.

Erlent

Vonast til að opna landamærastöðvar á Kýpur

Demetris Christofias nýr forseti á Kýpur segist vonast til að hitta leiðtoga tyrkneska hluta Kýpur seinna í mánuðinum til að endurvekja friðarviðræður. Christofias hefur þegar sagt að hann hafi óskað eftir að Sameinuðu þjóðirnar skipuleggi fund með Mehmet Ali Talat. Leiðtogarnir tveir hafa sagst vera bjartsýnir á að þeir gætu náð árangri í átt að sameiningu eyjarinnar.

Erlent

Ný ríkisstjórn tekur við völdum í Kenía

Í dag tekur ný ríkisstjórn Kenía við völdum í Naíróbí. Nú er vika síðan tímamótasamkomulag náðist milli Mwai Kibaki forseta og Raila Odinga stjórnarandstöðuleiðtoga. Vonast er til að samkomulagið bindi enda á óöldina sem riðið hefur yfir landið í kjölfar umdeildra forsetakosninga í lok desember.

Erlent

Mest lesið