Erlent

Tuttugu og einn sakfelldur í Madrídarmáli

Dómstóll á Spáni sakfelldi 21 af 28 mönnum sem ákærðir voru fyrir aðild að hryðjuverkunum í Madríd á Spáni í mars 2004. Nærri tvö hundruð manns týndu lífi í sprengjuárásum á lestarstöð í borginni og hátt í tvö þúsund særðust.

Erlent

Enn mótmælt í Búrma

Rúmlega 200 búddamunkar mótmæltu herforingjastjórninni í Búrma í morgun. Mótmælin voru friðsamleg. Ekki er búist við að mótmælt verði víðar og að fleiri taki þátt vegna þess hversu hart var tekið á umfangsmiklum mótmælum í stærstu borgum Búrma í síðasta mánuði.

Erlent

Unglingur kveikti elda

Unglingsstrákur hefur játað að hafa kveikt elda í skóglendi Suður-Kaliforníu í síðustu viku. Annar brennuvargur er eftirlýstur vegna elda sem loguðu suður af Los Angeles og kvart milljón bandaríkjadala boðin í verðlaun fyrir upplýsingar sem leiði til handtöku.

Erlent

Ekki gera það í flugvélunum okkar

Singapore Airlines biður farþega sína um að stunda ekki kynlíf í hinum risavöxnu Airbus 380 vélum sem það hefur tekið í sína þjónustu, fyrst flugfélaga.

Erlent

2600 milljörðum varið í njósnir

Bandarísk stjórnvöld segjast hafa varið rúmum tvöþúsund og sexhundruð milljörðum íslenskra króna í njósnir á þessu ári. Þetta er í fyrsta sinn í áratug sem Bandaríkjamenn upplýsa um kostnað við njósnir. Upphæðin sem þeir verja í njósnir nú er um það bil tvöfalt hærri en hún var fyrir tíu árum. Ekki verður upplýst nákvæmlega um það í hvað fjármagnið var notað vegna þjóðaröryggishagsmuna.

Erlent

Þúsundir barna gegna hermennsku í Búrma

Talið er að þúsundir barna gegni hermennsku fyrir herinn í Búrma. Mannréttindavaktin, sem eru amerísk mannréttindasamtök, segja í nýútkominni skýrslu sinni, að allt að 10 ára gömul börn séu neydd til að skrá sig í herinn með ofbeldi og hótunum um handtöku. Stjórnvöld í Búrma hafa fullyrt að þau reyni að koma í veg fyrir að börn starfi fyrir herinn en Mannréttindavaktin vill að Öryggisráð Sameinuðu þjóðanna beiti stjórnvöld þar hörðum refsingum vegna þessara meintu mannréttindabrota.

Erlent

Írösk stjórnvöld setja lög um málaliða

Ríkisstjórnin í Írak hefur lagt fram lagafrumvarp fyrir þingið, sem felur í sér að erlendir málaliðar sem starfa í landinu heyri undir írösk lög. Slík lög myndu koma í veg fyrir að hægt sé að veita þeim friðhelgi.

Erlent

Fundu aðskotahlut í hjólabúnaði Dash vélar

Sérfræðingar hjá dönsku Flugslysanefndinni fundu aðskotahlut í hjólabúnaði Dash vélarinnar sem hlekktist á lendingu á Kastrup-flugvelli á laugardaginn. Um er að ræða gúmmíhring sem ekki tilheyrir hjólabúnaðinum.

Erlent

Konungur belgískra strokufanga handtekinn í Hollandi

Hinn ókrýndi konungur strokufanga í Belgíu, Nordin Benallal, var handtekinn í Hollandi í dag eftir misheppnað rán þar í landi. Benallal strauk úr fangelsi í Belgíu á sunnudaginn eftir að hann og félagar hans tóku tvo fangaverði í gíslingu.

Erlent

Þrír Tyrkir láta lífið í Írak

Þrír tyrkneskir hermenn hafa látið lífið síðasta sólarhring í átökum á svæðum Kúrda í norðurhluta Íraks. Tyrkneskar herþyrlur gerðu árásir á stöðvar Kúrda í dag en ekki liggur fyrir hvort mannfall hafi orðið.

Erlent

Hótar innrás á Gaza ströndina

Ehud Barak, varnarmálaráðherra Ísrael, hótaði því í dag að Ísraelsmenn myndu gera innrás á Gaza ströndina til þess að koma í veg fyrir frekari eldflaugaárásir Palestínumanna.

Erlent

Dæmdur svikari ver hálfíslenskan meintan fjárkúgara

Lögmaður Pauls Aðalsteinssonar, sem nú situr í bresku fangelsi fyrir tilraun til að kúga fé út úr bresku kóngafólki, er dæmdur svikahrappur og sat um tíma í bresku fangelsi. Hann segist vera skráður til heimilis í Vestmannaeyjum og nota íslenskt kreditkort til að ferðast um Schengensvæðið.

Erlent

Andófsmönnum sleppt í Búrma

Herforingjastjórnin í Búrma sleppti í dag sex andófsmönnum sem handteknir voru í mótmælunum í síðasta mánuði. Þar á meðal eru þrír meðlimir í lýðræðisflokki Aung San Suu Kyi.

Erlent

Fýkur í skattaskjólin

Breska eyjan Mön er ekki lengur skattaskjól fyrir Norðurlandabúa. Yfirvöld þar hafa gert samkomulag við ríkisstjórnir Norðurlandanna um að skattstofur landanna skiptist á upplýsingum.

Erlent

Feministar lifa betra kynlífi

Feministar af báðum kynjum lifa betra kynlífi og hafa meiri kynfýsn en annað fólk, samkvæmt niðurstöðum rannsóknarteymis við Rutgers háskólann í Bandaríkjunum.

Erlent

Hætta á að írösk stífla bresti

Hætta er á að stærsta stífla í Írak bresti með þeim afleiðingum að 20 metra há vatnsalda skelli á borginni Mosul þar sem 1,7 milljón manns búa. Í maí síðastliðnum hvöttu Bandaríkjamenn írösk stjórnvöld til að setja viðgerð á stíflunni í forgang þar sem afleiðingarnar gætu kostað fjölda mannslífa.

Erlent

McCann hjónin greiddu lán úr sjóði Madeleine

Gerry og Kate McCann borguðu tvær afborganir af íbúðarláni úr sjóðnum sem settur var á stofn til að efla leitina að Madeleine og styðja fjölskylduna. Þegar hjónin fengu hins vegar réttarstöðu grunaðra í Portúgal ákváðu þau að nota sjóðinn ekki fyrir persónulegar greiðslur.

Erlent

Clinton hræðir kjósendur

Þótt skoðanakannanir bendi til að Hillary Clinton hafi sterka stöðu fyrir bandarísku forsetakosningarnar á næsta ári, virðist hún hræða landa sína meira en aðrir frambjóðendur.

Erlent

Mest lesið