Erlent

Fórnarlömbin í Houla voru flest tekin af lífi

Flestir hinna 108 sem fórust í Houla héraði í Sýrlandi á föstudaginn voru teknir af lífi. Þetta fullyrða eftirlitsmenn Sameinuðu þjóðanna sem hafa skoðað líkin. Vitni að morðunum fullyrða að vígamenn á vegum ríkisstjórnar Sýrlands hafi staðið að fjöldamorðunum. Þessi yfirlýsing Sameinuðu þjóðanna kemur á sama tíma og Kofi Annan erindreki samtakanna í landinu ræðir við Bashar al-Assad Sýrlandsforseta. Að sögn talsmanns SÞ lítur út fyrir að færri en tuttugu af fórnarlömbunum hafi fallið í loftárásum eða af völdum skriðdrekaskothríðar. Hinir verið teknir af lífi í tveimur aðskildum árásum á þorp á svæðinu. Fjöldi barna eru á meðal hinna látnu.

Erlent

Viltu hvíla í grafhýsi Presleys?

Nú 35 árum eftir að Elvis Presley lést er hann ennþá að mala gull. Samkvæmt nýjustu fréttum getur heppinn aðdáandi hans, eða vellauðugur maður, keypt legstað í grafhýsi hans í Memphis í Tennesse fylki.

Erlent

Átta fórust í skjálftanum í morgun

Nú er ljóst að átta fórust hið minnsta í jarðskjálftanum sem reið yfir norðausturhluta Ítalíu í morgun. Aðeins tíu dagar eru liðnir frá því sex fórust í skjálfta á sama svæði. Skjálftinn í morgun mældist 5.8 stig og samkvæmt Sky fréttastofunni eru margir sárir eftir skjálftann í morgun. Þá varð hann til þess að nokkrar byggingar sem löskuðust í fyrri skjálftanum féllu nú til grunna. Skólar og verslanir voru rýmdar á svæðinu strax í morgun.

Erlent

Ráðist á kosningamiðstöð forsetaframbjóðanda

Ráðist var á kosningamiðstöð Ahmed Shafiq í nótt en hann er annar þeirra frambjóðenda í Egyptalandi sem keppa í seinni umferð forsetakosninganna sem þar fara fram. Shafiq var forsætisráðherra í valdatíð Mubaraks forseta sem steypt var af stóli í fyrra og hann mun mæta leiðtoga Bræðralags múslíma í kosningunum.

Erlent

Annan ræðir við al-Assad

Kofi Annan, erindreki Sameinuðu þjóðanna og Arababandalagsins í Sýrlandi hittir í dag forseta landsins Bashar al-Assad í höfuðborginni Damaskus.

Erlent

Ætluðu að fremja hryðjuverk í Danmörku

Tveir menn grunaðir um að leggja á ráðin um hryðjuverk í Danmörku voru handteknir í nótt að því er danska leyniþjónustan segir. Mennirnir, sem eru bræður, eru grunaðir um að tengjast herskáum íslamistum í Sómalíu.

Erlent

Rússar taka undir ásakanir

Báðir aðilar hafa greinilega átt hlut að dauða saklausra manna, þar á meðal nokkurra tuga kvenna og barna, segir Sergei Lavrov, utanríkisráðherra Rússlands, um fjöldamorðin í Houla í Sýrlandi á föstudag.

Erlent

Bankar fái ekki að bólgna út

Nefnd háttsettra embættismanna og sérfræðinga í Danmörku á að koma í veg fyrir að bankastjórar láti fjármálastofnanir sínar bólgna út og veiti áhættusöm veðlán. Með þessu á meðal annars að koma í veg fyrir nýja eignabólu.

Erlent

Mótmæla tónleikum poppdrottningar: Farðu til helvítis Lady Gaga

Tónlistarkonan Lady Gaga tilkynnti í gær að hún þyrfti að aflýsa fyrirhuguðum tónleikum í Jakarta í Indónesíu vegna hótana þar í landi. Poppdrottningin er vægast sagt umdeild í landinu og voru meðal annars haldin fjölmenn mótmæli vegna komu hennar til landsins. Á skiltunum stóð meðal annars „Segið nei við Lady Satan Gaga“ og „Móðir, skrímsli, farðu til helvítis“.

Erlent

Segir götublöðin valdamestu fjölmiðla Bretlands

Fyrrverandi forsætisráðherra Bretlands, Tony Blair, segir að valdamestu blöð Bretlands séu götublöðin Daily Mail og The Sun. Þetta sagði hann meðal annars í yfirheyrslum af Leveson nefndinni sem rannsakar nú tengsl fjölmiðla við stjórnmálamenn og lögreglu. Rannsóknin snýr að meintri spillingu breskra fjölmiðla, þá helst þeirra sem voru í eigu Roberts Murdochs. Um er að ræða beint framhald á yfirheyrslum vegna ólögmætra hlerana fjölmiðlanna.

Erlent

Hrollvekjandi glæpaiðnaður: Gefðu nýra og keyptu iPad

Alþjóðaheilbrigðisstofnunin (WHO) áætlar að tíu þúsund nýru séu seld á svörtum markaði árlega. Það þýðir að nýra er fjarlægt með ólöglegum hætti úr einstaklingi á klukkutíma fresti. Oft eru nýrun fjarlægð úr líkama fólks gegn þeirra vilja.

Erlent

Fordæma fjöldamorð en deila um aðgerðir

Öryggisráð Sameinuðu þjóðanna fordæmdu í gærkvöldi fjöldamorð ríkisstjórnarinnar í Sýrlandi í borginni Houla. Talið er að hundrað óbreyttir borgarar hafi verið myrtir af hermönnum stjórnarinnar í borginni á föstudaginn.

Erlent

Kveiktu í sér í Tíbet

Tveir menn kveiktu í sér í höfuðborg Tíbet í gær, til að mótmæla hörku kínverskra yfirvalda í garð Tíbeta. Bloomberg greinir frá því að lögreglumenn hafi slökkt í mönnunum innan tveggja mínútna og flutt þá báða á sjúkrahús, þar sem annar þeirra lést af brunasárum.

Erlent

Borgen vann BAFTA verðlaunin

Danski sjónvarpsþátturinn Borgen, sem er mörgum Íslendingum kunnur, vann hin virtu Bafta verðlaun í dag í flokknum besti sjónvarpsþátturinn. Verðlaunin voru veitt í Royal Festival Hall í Themsen í Lundúnum í dag. Þátturinn fékk einnig verðlaun í flokknum besti handritshöfundur, eftir því sem danska ríkisútvarpið greinir frá. Aðrir þættir sem voru tilnefndir í flokknum besti sjónvarpsþátturinn var Forbrydelsen 2, The Slap og Modern Family sem er sýndur á Stöð 2.

Erlent

Neyðarfundur í Öryggisráðinu

Öryggisráð Sameinuðu Þjóðanna mun funda seinna í dag um stöðu mála í Sýrlandi. Atburðir í borginni Houla í Homs-héraði síðustu daga eru megin ástæða fundarins. Að minnsta kosti 90 létust í árásum stjórnarhersins á borgina í gær að sögn andspyrnuhópa í landinu.

Erlent

Fyrrum nasisti lést í Bæjaralandi

Fyrrverandi nasistinn Klaas Carel Faber lést í Bæjaralandi í Þýskalandi í dag, níræður að aldri. Faber, sem var af hollensku bergi brotinn, hafði búið í Þýskalandi síðan hann slapp úr fangelsi í Hollandi.

Erlent

Eldsvoði í París

Slökkviliðsmenn berjast nú við eldsvoða í í sjö hæða byggingu í hjarta Parísar. Talið er að um 40 manns hafi verið í byggingunni þegar eldurinn braust út.

Erlent

Drusluganga í Brasilíu

Þúsundir léttklæddra kvenna mótmæltu kynbundnu ofbeldi í Brasilíu í gær en druslugöngur fóru fram víðsvegar um landið.

Erlent

Lady Gaga aflýsir tónleikum

Söngkonan Lady Gaga hefur ákveðið að aflýsa fyrirhuguðum tónleikum í Indónesíu eftir að henni bárust hótanir frá öfgafullum múslimum.

Erlent

Til handalögmála kom á danssýningu

Til átaka kom þegar tvær ungar ballerínur stigu sín fyrstu spor á sviði. Stúlkurnar ákváðu að útkljá málin í allra augsýn á meðan lagið Somehwere over the Rainbow ómaði í danssalnum.

Erlent

Hillary ferðast um Skandínavíu

Hillary Clinton, utanríkisráðherra Bandaríkjanna, verður á ferð um Skandínavíu í næstu viku. Hún ætlar að heimsækja Kaupmannahafnarbúa þann 31. maí næstkomandi og fara þaðan til Svíþjóðar. Eftir það fer hún til Tyrklands.

Erlent

Handtökur í Aserbaídsjan

Leiðtogi stjórnarandstöðunnar í Asebaídsjan, Ali Kerimli, var handtekinn fyrr í dag í kjölfar götumæla í miðborginni í gær. Lögregluyfirvöld í Bakú, höfuðborg landins, og víðar hafa handtekið fjölda manns á síðustu vikum.

Erlent

Lagarde: Engin áform um að slaka á kröfum til Grikkja

Ekki verður slakað á kröfum til Grikkja varðandi niðurskurð, segir Christine Lagarde, framkvæmdastjóri Alþjóðagjaldeyrissjóðsins. Hún segist hafa meiri samúð með Afríkubörnum sem ekki geta menntað sig en Grikkjum sem lifa undir fátæktarmörkum.

Erlent

Mest lesið