Fótbolti

BBC segir Liverpool og Hoffenheim vera í viðræðum um Gylfa Þór

Enska úrvalsdeildarliðið Liverpool og Hoffenheim í Þýskalandi eru samkvæmt BBC í viðræðum þess efnis að íslenski landsliðsmaðurinn Gylfi Þór Sigurðsson fari til Liverpool. Samkvæmt frétt BBC gætu liðin komist að samkomulagi í byrjun næstu viku. Swansea og Hoffneheim höfðu áður komist að samkomulagi um kaupverð á leikmanninum en staðan breyttist töluvert þegar Brendan Rodgers knattspyrnustjóri Swansea var ráðinn sem knattspyrnustjóri hjá Liverpool.

Enski boltinn

Stefnir allt í úrslitaleik Íslands og Noregs um efsta sætið

Íslenska kvennalandsliðið í fótbolta er í efsta sæti 3. riðils í undankeppni Evrópumótsins eftir 3-0 sigur gegn Ungverjum í gær. Ísland er með 16 stig að loknum 7 leikjum en Norðmenn eru með 15 stig eftir 11-0 stórsigur í gær gegn liði Búlgaríu sem er í neðsta sæti án stiga eftir 8 leiki. Efsta liðið kemst beint í úrslitakeppnina sem fram fer í Svíþjóð sumarið 2013.

Fótbolti

Þjálfari Pólverja sagði upp í beinni eftir tapið gegn Tékkum

Franciszek Smuda þjálfari pólska landsliðsins í knattspyrnu sagði upp störfum strax eftir 1-0 tap liðsins í gær gegn Tékkum á Evrópumeistaramótinu sem fram fer í Póllandi og Úkraínu. Pólland er úr leik og endaði liðið í neðsta sæti A-riðils með aðeins 2 stig. Tékkar og Grikkir komust áfram úr þessum riðli í 8-liða úrslit en Rússar og Pólverjar sátu eftir.

Fótbolti

Pepsi-mörkin: Markaregnið úr sjöundu umferð

Öll mörkin úr sjöundu umferð Pepsi-deildar karla voru sýnd í Pepsi-mörkunum á Stöð 2 sport í gærkvöld. Bandaríska hljómsveitin The Black Keys skreytir markaregnið með laginu Dead and gone. Umfjöllun um alla leiki umferðarinnar er að finna á Vísi ásamt ítarlegri tölfræði sem birt er í rauntíma frá leikjum.

Íslenski boltinn

Pepsi-mörkin: Er Gummi Torfa hinn eini sanni Michael Bolton?

Guðmundur Torfason fyrrum landsliðsmaður í fótbolta átti sviðið í Pepsi-mörkunum á Stöð 2 sport í gær. Þar var sýnt gamalt myndband með upptökum frá árinu 1988 þar sem að markakóngurinn fyrrverandi sýndi tónlistarhæfileika sína með gítarspili og söng. Friðrik Karlsson, sem oftast er kenndur við stórhljómsveitina Mezzoforte, sagði í viðtali á þessum tíma að söngur Guðmundar minnti töluvert á hetjusöngvara á borð við Michael Bolton.

Íslenski boltinn

Fyrsti leikur, fyrsta snerting, fyrsta markið | myndasyrpa

Ísland sigraði Ungverjaland 3-0 í undankeppni Evrópumeistaramótsins 2013. Margrét Lára Viðarsdóttir og Hólmfríður Magnúsdóttir skoruðu í fyrri hálfleik og nýliðinn Sandra María Jessen skoraði með sinni fyrstu snertingu þriðja mark Íslands skömmu fyrir leikslok. Hér má sjá myndasyrpu frá leiknum og þar á meðal er mynd frá því augnabliki þegar Sandra María skoraði sitt fyrsta landsliðsmark með sinni fyrstu snertingu í sínum fyrsta landsleik.

Fótbolti

Pepsimörkin í beinni á Vísi

Sjöundu umferð í Pepsi-deild karla verður gerð skil í Pepsimörkunum á Stöð 2 Sport og verður hægt að sjá þáttinn í beinni útsendingu hér á Vísi. Úrslit leikjanna má sjá hér fyrir neðan en útsendingn hefst um klukkan 20. Smelltu á hlekkinn hér fyrir ofan til að sjá þáttinn í beinni útsendingu. Þátturinn er einnig sýndur í ólæstri dagskrá.

Íslenski boltinn

Karagounis hetja Grikkja | Rússar sátu eftir með sárt ennið

Grikkir tryggðu sér sæti í 8-liða úrslitum Evrópumótsins í knattspyrnu karla í kvöld með 1-0 sigri gegn Rússum í lokaumferð A-riðils. Giorgios Karagounis skoraði eina mark leiksins þegar tvær mínútur voru komnar fram yfir venjulegan leiktíma í fyrri hálfleik. Þessi úrslit gerðu það að verkum að Rússar sitja eftir með sárt ennið í þessum riðli ásamt gestgjöfum Póllands. Grikkir og Tékkar komust áfram úr þessum riðli en Tékkar lögðu Pólverja 1-0.

Fótbolti

Tékkar efstir í A-riðli | Grikkir einnig í 8-liða úrslit

Petr Jirácek tryggði Tékkum 1-0 sigur gegn Pólverjum í lokaumferð A-riðils Evrópumóts karlalandsliða í fótbolta í kvöl. Með sigrinum tryggðu Tékkar sér efsta sætið í riðlinum með 6 stig, Grikkir fóru áfram úr þessum riðli með 4 stig. Rússar fengu einnig 4 stig en það dugði ekki til og gestgjafar Póllands enduðu í neðsta sæti riðilsins með 2 stig.

Fótbolti

UEFA kærir Króatíu vegna rasisma

Knattspyrnusamband Evrópu (UEFA) hefur kært knattspyrnusamband Króatíu vegna framkomu stuðningsmanna króatíska landsliðsins í fótbolta í garð Mario Balotelli í leiknum gegn Ítalíu á Evrópumeistaramótinu í fótbolta sem fram fer í Úkraínu og Póllandi.

Fótbolti

Hamren stoltur af leikmönnum sínum

Erik Hamren þjálfari Svíþjóðar gat ekki leynt vonbrigðum sínum eftir 3-2 tapið gegn Englandi á Evrópumeistaramótinu í gær. Um miðbik seinni hálfleiks var Svíþjóð með pálmann í höndunum. Olof Mellberg kom Svíþjóð yfir með tveimur mörkum í seinni hálfleik en England tryggði sér sigur með tveimur mörkum á lokakafla leiksins.

Fótbolti

Þóra Björg: Erum topplið í Evrópu

Þóra Björg Helgadóttir, markvörður íslenska kvennalandsliðsins í knattspyrnu, er klár í slaginn fyrir viðureign Íslands og Ungverjalands í undankeppni Evrópumótsins sem fram fer á Laugardalsvelli í dag.

Fótbolti

Öll liðin geta komist áfram

Síðustu leikir A-riðil á Evrópumeistaramótinu í fótbolta hefjast í kvöld klukkan 18:45 en öll fjögur liðin geta komist áfram í átta liða úrslit fyrir kvöldið. Rússland stendur þó óneitanlega best að vígi í efsta sæti riðilsins en Rússar mæta Grikkjum á sama tíma og Pólland og Tékkland eigast við.

Fótbolti

Umfjöllun, viðtöl og einkunnir: Ísland - Ungverjaland 3-0

Ísland sigraði Ungverjaland 3-0 í undankeppni Evrópumeistaramótsins 2013. Margrét Lára Viðarsdóttir og Hólmfríður Magnúsdóttir skoruðu í fyrri hálfleik og nýliðinn Sandra María Jessen skoraði með sinni fyrstu snertingu þriðja mark Íslands skömmu fyrir leikslok.

Fótbolti

Umfjöllun, viðtöl og einkunnir: KR - Selfoss 3-1

Íslandsmeistarar KR þurftu að hafa mikið fyrir að leggja nýliða Selfoss í fjörugum leik á KR-vellinum í dag. 3 -1 sigur þeirra var ansi torstóttur en Selfyssingar klúðruðu vítaspyrnu þegar rúmlega 10 mínútur voru eftir af leiknum í stöðunni 2-1. Í staðinn gengu KR-ingar á lagið og gerðu útum leikinn með skallamarki Mývetningsins Baldurs Sigurðssonar.

Íslenski boltinn

Umfjöllun, viðtöl og einkunnir: Keflavík - FH 2-4

FH skaust á topp Pepsideildar karla með góðum sigri á Keflavík í dag. Leikurinn endaði 2-4 fyrir gestina úr Hafnarfirðinum og var sanngjarn í meira lagi. Fyrri hálfleikur var frekar daufur og fátt um færi. FH-ingar voru þó hættulegri og skoruðu eina mark hálfleiksins. Þar var að verki Atli Viðar Björnsson.

Íslenski boltinn

Stjarnan vann sinn fyrsta heimasigur - Myndir

Bláklæddir Stjörnumenn fögnuðu sínum fyrsta heimsigri í Pepsi-deild karla í sumar þegar Valur mátti sætta sig við tap 3-2. Garðbæingar eru loks búnir að taka nýja gervigrasið í sátt eftir tvö jafntefli í fyrstu tveimur heimaleikjunum.

Íslenski boltinn

Eldingar og úrhelli í Donetsk | Myndasyrpa

Hollenski dómarinn Björn Kuipers stöðvaði leik Úkraínu og Frakklands eftir tæplega fimm mínútna leik vegna rigningar og eldinga. Leik var frestað um tæpan klukkutíma á meðan dómari leiksins réð ráðum sínum.

Fótbolti

Hólmfríður: Eigandinn mætir á leikinn

Landsliðskonan Hólmfríður Magnúsdóttir líkar vel vistin hjá b-deildarfélaginu Avaldsnes í Noregi. Nýverið gekk Þórunn Helga Jónsdóttir, kollegi Hólmfríðar úr landsliðinu, til liðs við félagið eftir töluverða pressu frá Hólmfríði. Hún segir liðið vera orðið mikið Íslendingalið.

Fótbolti

Mest lesið