Kauphöllin

Kauphöllin

Fréttir úr Kauphöllinni á Íslandi og af skráðum félögum á markaði.

Fréttir í tímaröð

Fréttamynd

Arion banki hækkar vexti

Arion banki hefur tilkynnt að óverðtryggðir íbúðalánavextir fastir til þriggja ára hækki um 0,50 prósentustig og verði 8,75 prósent. Breytingin nái eingöngu til nýrra lána og taki gildi í dag.

Viðskipti innlent
Fréttamynd

Búast við hærri vöxtum á ó­verð­tryggðum lánum

Forsvarsmenn íslenskra banka búast við því að vextir á óverðtryggðum íbúðalánum muni hækka frekar á næstu sex mánuðum. Er það vegna væntanlegrar hækkunar meginvaxta og hærri fjármögnunarkostnaðar. Vextir á verðtryggðum lánum búast þeir við að haldist óbreyttir.

Viðskipti innlent
Fréttamynd

Af­koman yfir væntingum en horfur „ekki góðar“ vegna hærri elds­neytis­kostnaðar

Afkoma Icelandair á fyrsta fjórðungi var nokkuð yfir væntingum greinenda, meðal annars vegna eignasölu og lægri eldsneytiskostnaður en óttast var, og batamerki er að sjá í rekstri félagsins. Áframhaldandi hátt raungengi og vaxandi kostnaður vegna olíuverðshækkana setur hins vegar mark sitt á horfurnar inn í árið og útlit er fyrir lakari afkomu á öðrum fjórðungi en á sama tíma í fyrra þótt einingatekjur muni enn aukast.

Innherji
Fréttamynd

Má búast við „gífur­legri“ eftir­spurn er­lendra aðila að komast í kvóta hér á landi

Eftirspurn meðal erlendra félaga í að komast yfir aflaheimildir sjávarútvegsfyrirtækja verður „gífurleg“ ef Ísland gengur í Evrópusambandið, að mati sérfræðinga Arctica Finance, en þar er mikill meðbyr í átt að frekari samþjöppun í greininni. Hlutabréfaverð sjávarútvegsfélaga í Kauphöllinni rauk upp eftir greiningu verðbréfafyrirtækisins en þar var bent á að fjárhagslegt virði kvóta þeirra ætti sennilega eftir að „aukast verulega“ við inngöngu í ESB.

Innherji
Fréttamynd

Icelandair tapaði 5,6 milljörðum króna

Flugfélagið Icelandair tapaði 5,6 milljörðum króna eftir skatta á fyrsta ársfjórðungi 2026. Þetta er minna tap í krónum talið en á sama tímabili í fyrra þegar tapið nam 6,1 milljarði króna. Jákvæð gengisáhrif komu til lækkunar á tapi síðasta árs en Icelandair gerir upp í bandaríkjadölum. Ef horft er til þess þá eykst tap milli ára og fer úr 44,1 milljón dala í 45,3 milljónir dala í ár.

Viðskipti innlent
Fréttamynd

Höguðu sér vel á árs­há­tíð Haga

Árshátíð Haga fór fram á dögunum þar sem um 1.300 starfsmenn og makar úr öllum tíu félögum samstæðunnar komu saman og skemmtu sér. Veislustjórarnir Auddi og Steindi héldu utan um dagskránna þar sem fjöldi tónlistarmanna steig á svið.

Lífið
Fréttamynd

Ís­lands­banki fækkar starfs­mönnum um fimm­tíu

Stjórn Íslandsbanka hefur samþykkt nýtt skipulag bankans sem tekur gildi í dag. Markmið breytinganna er að einfalda stjórnskipulag og stytta boðleiðir og þannig efla þjónustu bankans við viðskiptavini enn frekar. Með breytingunum verður stjórnendum fækkað um 15 prósent og forstöðumönnum um 20 prósent. Alls verður starfsmönnum fækkað um fimmtíu á árinu.

Viðskipti innlent
Fréttamynd

Verðmat Síldar­vinnslunnar hækkar veru­lega og væntingar um met­ár í tekjum

Horfur í sjávarútvegi á þessu ári eru „mjög góðar“, sem litast meðal annars af væntingum um áframhaldandi hátt afurðaverð samhliða sterkri eftirspurn, og hafa greindur því hækkað verðmat sitt á Síldarvinnslunni um nærri fimmtung. Hagfelld ytri skilyrði og ágætis loðnuvertíð gæti orðið til þess að 2026 verði metár í tekjum sjávarútvegsfyrirtækja en rekstrarhagnaðarhlutföll eru samt líkleg til að lækka vegna hærri veiðigjalda.

Innherji
Fréttamynd

Mikil­vægt að endur­ræsa myndlykilinn

Breytingar hafa orðið á dagskrárniðurröðun á leikjum í Bestu deild karla í fótbolta á rásum Sýnar Sport í kvöld. Mikilvægt er fyrir þá sem eru með íslenska pakkann hjá Sýn að endurræsa myndlykla til að fá aðgang að leikjum KR við FH og Fram við ÍBV.

Íslenski boltinn
Fréttamynd

Aug­lýsa eftir sér­fræðingum í Litáen og endur­skipu­leggja deild

Icelandair stofnaði fyrr á árinu nýtt dótturfélag, Icelandair Third Party Technical Services, í Vilníusi í Litáen, sem annast mun skipulag og eftirlit með viðhaldi flugvéla sem eru í langtímaleigu hjá erlendum viðskiptavinum Loftleiða, leiguflugsarms Icelandair. Dótturfélagið hefur meðal annars auglýst eftir sérfræðingum í viðhaldsstjórnun. Unnið er að endurskipulagningu deildarinnar sem sinnt hefur sömu verkefnum hér á landi en engum hefur verið sagt upp störfum.

Viðskipti innlent
Fréttamynd

„Getum aldrei fengið“ evrópska vexti með ís­lenskt reglu­verk

„Við getum aldrei fengið evrópska vexti ef við erum ekki með evrópskt regluverk,“ að sögn fyrrverandi bankastjóra Kviku, og bendir á að „ofuráhersla á varfærni“ leiði ekki endilega til skilvirkni heldur getur fremur orðið til þess að fjármálakerfið verði lakara við að sinna meginhlutverki sínu að miðla fjármagni með hagkvæmustum hætti. Hann segir jafnframt „skynsamlegt og nauðsynlegt“ að grípa til aðgerða til að auka þátttöku á innlendum fjármálamarkaði sem einkennist núna af einsleitni og veikri verðmyndun.

Innherji
Fréttamynd

Gæslu­varð­hald fram­lengt yfir þremur í Dettifossmálinu

Gæsluvarðhald yfir þremur sakborningum í rannsókn lögreglu á innflutningi á fjórtán lítrum af amfetamínbasa með Dettifossi, gámaflutningaskipi Eimskips, hefur verið framlengt. Einn þeirra sætir varðhaldi í tvær vikur til viðbótar en hinir tveir, sem eru starfsmenn Eimskips, í eina viku hvor.

Innlent
Fréttamynd

Eru ekki að sjá „þessa hol­skeflu“ verð­hækkana eins og fyrir fjórum árum

Þótt tilkynningar um verðhækkanir séu farnar að berast í auknum mæli frá birgjum þá er ástandið enn sem komið er ekkert í líkingu við það sem var vegna hækkunar á orku- og hrávöruverði eftir innrás Rússa í Úkraínu fyrir fjórum árum, að sögn forstjóra Haga. Nýtt samstarf við danskan smásölurisa mun í senn lækka verð í verslunum Haga og ætti jafnframt að bæta framlegðina.

Innherji
Fréttamynd

Eldsneytisbirgðastaða Icelandair góð en fylgst er með stöðunni

Eldsneytisbirgðastaða Icelandair er góð og birgjum félagsins standa fjölbreyttar flutningsleiðir til boða. Samkvæmt skýrslu Alþjóðaorkumálastofnunarinnar átti Evrópa aðeins sex vikna birgðir af flugvélaeldsneyti vegna lokunar Hormússunds. Sundið hafði að mestu verið lokað í sex vikur þegar það var opnað á ný í dag í tengslum við tíu daga vopnahlé Ísraelsmanna og Líbana.

Viðskipti innlent
Fréttamynd

Kallar eftir um­ræðu um hvort stjórnar­for­menn verði kosnir beint af hlut­höfum

Stjórnarformaður eins stærsta lífeyrissjóðs landsins telur rétt að taka umræðu um hvort það eigi að hverfa frá því fyrirkomulagi að stjórnarmenn skráðra félaga ákveði það sjálfur hver gegnir formennsku og þess í stað að fara þá leið að kjósa um stjórnarformann í beinni kosningu á aðalfundum. Þá furðar hann sig á sjónarmiðum sem hafa komið nýlega frá Þorsteini Pálssyni, sem gagnrýndi greinaskrif forstjóra Icelandair og Heima, og segir þau fela í sér ákall um að „afnema mannréttindi stjórnenda“ skráðra félaga til að tjá sig um samfélagsmál.

Innherji
Fréttamynd

Hlustun á Bó snaraukist

Hlustun á poppgoðsögnina Björgvin Halldórsson hefur snaraukist frá því hann lést 9. apríl síðastliðinn. Mánaðarleg hlustun á Björgvin á Spotify hefur frá síðasta mánuði aukist um tæp fjörutíu prósent og á Youtube hefur áhorfið aukist um rúm 400 prósent. Íslenskar sjónvarpsveitur hafa sömuleiðis grafið upp og gert aðgengilega ýmsa gullmola með Björgvini gegnum tíðina.

Tónlist

Mest lesið