Kauphöllin

Kauphöllin

Fréttir úr Kauphöllinni á Íslandi og af skráðum félögum á markaði.

Fréttir í tímaröð

Fréttamynd

Spá verð­mætari bylgju nýrra lyfja á markað hjá Al­vot­ech

Alvotech er að nálgast „mikilvægan vendipunkt“ eftir margra ára uppbyggingu þar sem áhersla fjárfesta færist frá eftirlitsáhættu tengdri FDA yfir í markaðssetningu nýrra lyfja og tekjuvöxt, að sögn greinenda Bank of America, sem mæla með kaupum í frumskýrslu sinni um félagið. Hlutabréfaverð Alvotech rauk upp í dag en greinendur bandaríska bankans telja að næsta bylgja nýrra hliðstæðulyfja frá félaginu geti reynst verðmætari en þau sem hafa áður komið á markað.

Innherji
Fréttamynd

Stöðug­leiki í vaxtaþróun langra ríkis­bréfa merki um „seiglu“ ís­lenska markaðarins

Á meðan ávöxtunarkrafa langra ríkisskuldabréfa hefur rokið upp beggja vegna Atlantshafsins að undanförnu hafa langtímavextir hér á landi haldist tiltölulega stöðugir þrátt fyrir mikla endurfjármögnunarþörf ríkissjóðs. Seðlabankastjóri segir þróunina benda til góðs innra jafnvægis, en hækkun langra vaxta erlendis geti endurspeglað efasemdir um bæði peningastefnu og sjálfbærni ríkisfjármála hjá sumum ríkjum.

Innherji
Fréttamynd

Rekstrarformið byggi á sniðgöngu kjara­samninga

Félag íslenskra atvinnuflugmanna lítur kaup Icelandair á 49% hlut í Fly Play Europe Holdco ehf. alvarlegum augum. Samningur um kaupin var gerður 20. ágúst á sama tíma og kjaradeila Icelandair og FÍA er til meðferðar hjá ríkissáttasemjara.

Innlent
Fréttamynd

Telja vand­ræði keppi­nautar styrkja stöðu Al­vot­ech á markaði með Simponi

Stjórnendur Alvotech telja félagið vel í stakk búið til að nýta sér þá stöðu sem komin er upp á markaði fyrir hliðstæður við gigtarlyfið Simponi í kjölfar vandræða kínverska keppinautarins Bio-Thera. Markaðshlutdeild hliðstæðulyfs Alvotech við Simponi er þegar komin yfir 15 prósent í Evrópu og félagið hefur byggt upp nægar birgðir til að mæta aukinni eftirspurn út árið og inn í 2027.

Innherji
Fréttamynd

Viðsnúningur í rekstri og kostnaðar­lækkun „lífs­nauð­syn­leg“ fyrir Icelandair

Lægra eldsneytisverð og sterkari sjóðstaða hjá Icelandair þýðir að horfur eru betri en áður, samkvæmt nýrri greiningu, en verðmatsgengi félagsins hefur verið hækkað og er eftir sem áður langt yfir verðlagningu á markaði. Rekstur Icelandair verður samt áfram erfiður samtímis mikilli fjárfestingarþörf en viðsnúningur og kostnaðarlækkun er sögð vera „lífsnauðsynleg“ fyrir flugfélagið.

Innherji
Fréttamynd

„Eftir að koma í ljós“ hvort ís­lenskar á­hafnir manni leigu­flug Icelandair

„Það á eftir að koma í ljós,“ segir Bogi Nils Bogason, forstjóri Icelandair, aðspurður um hvort íslenskar áhafnir muni manna vélar dótturfélags sem fyrirtækið hyggst koma á fót undir erlendu flugrekstrarleyfi. Fyrr í dag var greint frá kaupum Icelandair á 49 prósenta hlut í FlyPlay Europe sem býr yfir maltnesku flugrekstrarleyfi sem Icelandair ásælist. Bogi segir skrefið styrkja starfsemi Icelandair á Íslandi.

Viðskipti innlent
Fréttamynd

Síminn orðinn Ásar hf

Hluthafafundur Símans hf. samþykkti í dag að breyta nafni samstæðunnar í Ásar hf. Félagið hefur staðið í stórræðum síðasta árið en í desember síðastliðnum var tilkynnt um kaup þess á bæði Opnum kerfum og Öryggismiðstöð Íslands. Það var svo í júlí síðastliðnum sem kaup Ása á Greiðslumiðlun Íslands gengu í gegn.

Viðskipti innlent
Fréttamynd

Icelandair kaupir helming í dreggjum Play á 83 milljónir

Icelandair Group hf. hefur gengið frá kaupum á 49 prósenta eignarhlut í Fly Play Europe Holdco ehf., af FPE hs., sjóði í rekstri Ísafold Capital Partners hf., en dótturfélag þess, Fly Play Europe Limited á Möltu er með maltneskt flugrekstrarleyfi. Kaupin eru í samræmi við viljayfirlýsingu sem Icelandair tilkynnti um fyrr á árinu.

Viðskipti innlent
Fréttamynd

Hvar eru eig­endur Icelandair?

Íslensku lífeyrissjóðirnir eru saman meðal stærstu eigenda Icelandair. Þeir fara ekki með eigið fé heldur eftirlaunasparnað almennings. Þess vegna finnst mér tímabært að spyrja spurningar sem hefur fengið furðulega litla athygli:

Skoðun
Fréttamynd

Árni skattakóngur annað árið í röð

Árni Sigurðsson, aðstoðarforstjóri JBT Marel, var launahæstur Íslendinga árið 2025, með rúmar 46 milljónir króna á mánuði. Hann var einnig tekjuhæstur í fyrra en var þá með ívið lægri laun, eða rúmar 40 milljónir á mánuði.

Viðskipti innlent
Fréttamynd

Sér fram á að hröð skuldalækkun geti tvö­faldað virði Al­vot­ech

Bandaríski fjárfestingabankinn Evercore telur Alvotech talsvert undirverðlagt á markaði og að hlutabréfaverðið geti hækkað skarpt með auknum rekstrarhagnaði og minnkandi skuldsetningu. Samkvæmt nýrri greiningu, sem er sögð byggja á varfærnum forsendum, þá er samt gert ráð fyrir að markaðssetning sumra mikilvægustu hliðstæðna Alvotech muni tefjast vegna deilna um einkaleyfi og að hámarkstekjur verði verulega undir þeim áætlunum sem stjórnendur hafa áður rætt um.

Innherji
Fréttamynd

Þor­valdur ráðinn fram­kvæmda­stjóri

Þorvaldur Einarsson hefur verið ráðinn framkvæmdastjóri Ofar, sem er hluti af Nova klúbbnum. Þorvaldur kemur til Ofar frá Lyfju, þar sem hann hefur verið tækni- og þróunarstjóri frá árinu 2022 og borið meðal annars ábyrgð á upplýsingatækni og þróun stafrænnar þjónustu.

Viðskipti innlent
Fréttamynd

Vogunar­sjóðs­risar bættu tals­vert við stöðuna í kringum gengisfall Oculis

Tveir af stærstu vogunarsjóðum heimsins, sem byrjuðu að kaupa í Oculis undir lok síðasta árs, juku umtalsvert við stöðu sína á öðrum fjórðungi þegar hlutabréfaverð líftæknifélagsins féll eins og steinn eftir að eitt af þróunarlyfjum þess tókst ekki að ná aðalmarkmiðum sínum úr tveimur rannsóknum. Sumir erlendir fjárfestingarsjóðir hafa hins vegar í kjölfarið selt sig nánast alfarið út úr hluthafahópnum.

Innherji
Fréttamynd

Fram­tíðar­sýn Svíans að færa flugið nær fólkinu

Sænski frumkvöðullinn að smíði ES-30 rafmagnsflugvélarinnar, Anders Forslund, forstjóri Heart Aerospace, segir framtíðarsýn fyrirtækisins þá að færa flugið nær fólkinu. Hann vonast til þess að mun hagkvæmari og umhverfisvænni flugsamgöngur með rafknúnum flugvélum verði til þess að endurvekja áætlunarflug til fámennari áfangastaða.

Viðskipti erlent
Fréttamynd

Banda­rískur sjóður byggt upp um fimm pró­senta stöðu í kjöl­far út­boðs Al­vot­ech

Bandarískur sjóður, sem hefur einkum lagt áherslu á fjárfestingar í heilbrigðistengdum fyrirtækjum, hefur byggt upp stóra stöðu í Alvotech í kjölfar útboðs líftæknilyfjafélagsins og er núna þriðji stærsti hluthafinn með nærri fimm prósenta hlut. Tveir þekktustu vogunarsjóðsrisar í heimi voru jafnframt meðal fjárfesta sem keyptu drjúgan hluta þeirra bréfa sem Alvotech seldi í hlutafjáraukningu félagsins í byrjun sumars.

Innherji

Mest lesið