Fréttir

Fréttamynd

Sigraði í friðarfegurðarsamkeppni

Fjórtán ára gömul ísraelsk stúlka, Shira Fadida, sigraði í sérstakri friðarfegurðarsamkeppni sem haldin var í bænum Gilo skammt frá Jerúsalem í gær. Tuttugu stúlkur, bæði frá Ísrael og Palestínu, tóku þátt í samkeppninni, en þetta er annað árið í röð sem slík fegurðarsamkeppni er haldin.

Erlent
Fréttamynd

Vill verndaða vinnustaði burt

Verndaða vinnustaði fyrir fatlaða ætti að leggja niður í núverandi mynd. Þetta segir írskur iðjuþjálfi sem hélt fyrirlestur um atvinnumál fatlaðra hér á landi. Höfuðáherslu á að leggja á að skapa fötluðum tækifæri til að komast út á almennan vinnumarkað.

Innlent
Fréttamynd

Konur leggi niður störf 24. okt.

Aðstandendur baráttuhátíðar kvenna, sem haldin verður í tilefni að því að 30 ár eru liðin frá kvennafríinu, hvetja konur til leggja niður störf á kvennafrídeginum 24. október.

Innlent
Fréttamynd

Kona fékk felldan niður kostnað

Hæstiréttur staðfesti í gær úrskurð Héraðsdóms Reykjavíkur frá því í vor þar sem fellt var úr gildi fjárnám á hendur konu vegna sakarkostnaðar sem hún hafði ekki burði til að greiða. Hún hafði greitt sekt sem henni var gerð í opinberu máli, en ekki sakarkostnað sem hún átti einnig að greiða.

Innlent
Fréttamynd

Börn vantar varanlegt fóstur

Íslensk börn vantar varanlegt fóstur - en á sama tíma velja barnlaus pör frekar tæknifrjóvgun eða að ættleiða börn að utan.

Innlent
Fréttamynd

Vill að æðstu menn segi af sér

Jóhannes Jónsson í Bónus vill að dómsmálaráðherra, ríkislögreglustjóri og yfirmaður efnahagsbrotadeildar segi af sér eftir að héraðsdómur vísaði Baugsmálinu frá. Össur Skarphéðinsson alþingismaður tekur í sama streng. Dómsmálaráðherra segir að réttarkerfið verði að fá tóm til að vinna sína vinnu.

Innlent
Fréttamynd

Embætti sé í höndum óhæfra manna

Össur Skarphéðinsson alþingismaður vill að æðstu menn Ríkislögreglustjóra verði settir af vegna slælegrar frammistöðu í Baugsmálinu og málverkafölsunarmálinu.

Innlent
Fréttamynd

Brottflutningi Ísraela lokið

Síðustu ísraelsku hermennirnir yfirgáfu tvær landnemabyggðir á Vesturbakkanum í gær. Þar með lýkur brottfluttningi Ísraelshers sem hófst á Gasa í ágúst. Eins og á Gasa söfnuðust þúsundir Palestínumanna saman á Vesturbakkanum í gær og fögnuðu ógurlega. Landnemabyggðirnar tvær verða þó áfram undir stjórn Ísraels og þarlendir hermenn halda áfram að vakta svæðið í kring.

Erlent
Fréttamynd

Dylgjur stjórnmálamanna óþolandi

Embætti Ríkislögreglustjóra hafnar því alfarið að lagt hafi verið upp í rannsóknina á Baugi á öðrum forsendum en faglegum. "Lög og reglur gilda um hvernig rannsóknir byrja og eftir þeim hefur verið farið nákvæmlega," segir Arnar Jensson, aðstoðaryfirlögregluþjónn hjá Ríkislögreglustjóra.

Innlent
Fréttamynd

Hermenn drepnir í Taílandi

Íbúar í þorpi í suðurhluta Taílands tóku tvo hermenn höndum og myrtu þá í dag vegna gruns um aðild þeirra að skotárás. Eftir því sem <em>BBC</em> greinir frá voru mennirnir gripnir eftir skotárás úr bíl í þorpinu og sökuðu sumir þorpsbúanna þá um að tilheyra dauðasveitum yfirvalda.

Erlent
Fréttamynd

Flugvöllur fari ekki úr borginni

Verkalýðsfélag Húsavíkur varar í dag við þeirri umræðu að flytja innanlandsflugið. Reykjavík sé höfuðborg og hafi miklar skyldur gagnvart öllum Íslendingum, ekki bara höfuðborgarbúum. Þar séu flestar ríkisstofnanir staðsettar og hátæknisjúkrahús sem byggt hafi verið fyrir opinbert fé.

Innlent
Fréttamynd

Segir uppreisnarmenn innan hers

Uppreisnarmenn hafa náð að lauma sér inn í írakskar öryggissveitir. Þetta sagði ráðgjafi Íraksstjórnar í sjónvarpsviðtali í gærkvöldi. Hann sagðist þó ekki vita hve mikið af uppreisnarmönnum væru innan raða öryggissveitanna. Mikil spenna virðist komin upp milli breskra og írakskra stjórnvalda eftir að breskar hersveitir brutust inn í fangelsi í Basra í fyrradag til að frelsa þaðan tvo breska fanga.

Erlent
Fréttamynd

Vilja flugið ekki flutt

Verkalýðsfélag Húsavíkur varar við umræðu meðal stjórnmálaafla í Reykjavík um flutning innanlandsflugs frá höfuðborginni. Félagið segir völlinn gegna veigamiklu hlutverki er varði öryggishagsmuni landsbyggðarinnar.

Innlent
Fréttamynd

Jarðgöng er eina leiðin

"Við förum fram á öruggar samgöngur á svæðinu og ég sé ekki að þær verði tryggðar öðruvísi en með göngum," segir Jónas Guðmundsson, sýslumaður á Bolungarvík og formaður Almannavarnarnefndar bæjarins. Í ályktun sem fundurinn samþykkti segir að um 600 til 700 ökutæki fara um Óshlíð daglega og oft hafi legið við stórslysi vegna grjóthruns og snjófljóða.

Innlent
Fréttamynd

Mörk Ísraels og Gasa landamæri

Ísraelar lýstu mörkin milli Ísraels og Gasa í morgun alþjóðleg landamæri. Það er í fyrsta sinn sem þeir tilgreina opinberlega landamæri að landsvæðum sem á endanum mynda sjálfstætt Palestínuríki. Ísraelar og útlendingar þurfa hér eftir að framvísa skilríkjum til að komast milli Ísraels og Gasa að sögn ísraelskra ráðamanna.

Erlent
Fréttamynd

Lög vantar um stofnunina

Á komandi þingi ætlar Össur Skarphéðinsson, þingmaður Samfylkingarinnar, að leggja fram fyrirspurn um rekstur Ratsjárstofnunar, en komið hefur fram að stofnunin reynir að stýra ófaglærðu starfsfólki sínu frá stéttarfélagsaðild.

Innlent
Fréttamynd

Fellibyljir sumpart af mannavöldum

Sigurður Þ. Ragnarsson veðurfréttamaður segir sjóinn í Mexíkóflóa óeðlilega hlýjan þegar hann er inntur eftir því hvers vegna svo margir sterkir fellibyljir ríði yfir á tiltölulega skömmum tíma. Sigurður segir sjóinn óeðilega hlýjan vegna hlýnandi loftslags en það megi aftur m.a. rekja til gróðurhúsaáhrifanna, en Bandaríkjamenn losi allra þjóða mest af gróðurhúsalofttegundum út í loftið.

Erlent
Fréttamynd

Íbúar í Houston þurfa að fara

Borgarstjórinn í Houston í Texas, Bill White, tilkynnti í dag að allir íbúar sem byggju á svæðum sem lægju lágt og hætta væri á að flæddi yfir skyldu yfirgefa borgina á morgun vegna komu fellibylsins Rítu. Almannavarnir á svæðinu segja að allt að ein milljón manna í borginni verði að fara en búist er við Ríta taki land við Galveston, suðaustur af Houston, á föstudag eða laugardag.

Erlent
Fréttamynd

Mótmæla stefnu í auðlindamálum

Náttúruvaktin hyggst efna til mótmælastöðu fyrir utan Ráðhús Reykjavíkur í dag kl. 17.45, en þá koma þátttakendur á alþjóðlegri rafskautaráðstefnu til móttöku í Ráðhúsinu. Í tilkynningu frá Náttúruvaktinni kemur fram að enn sé verið að auglýsa Ísland sem ódýrt orkuver og málmbræðsluland.

Innlent
Fréttamynd

Steinbítur friðaður við hrygningar

Sjávarútvegsráðuneytið hefur gefið út reglugerð um friðun steinbíts á hrygningartíma á Látragrunni, þ.e. frá og með 24. september næstkomandi til loka marsmánaðar 2006. Í tilkynningu frá ráðuneytinu kemur fram að reglugerðin sé gefin út að tillögu Hafrannsóknastofnunarinnar og í samráði við Landssamband íslenskra útvegsmanna.

Innlent
Fréttamynd

Hafi verið numin á brott

Lögreglan í Reykjavík rannsakar hvort átta ára gömul stúlka hafi verið numin á brott skammt frá Laugardalslauginni.

Innlent
Fréttamynd

Portus Group með vinningstillögu

Portus Group, sem er í eigu Landsafls hf., Nýsis hf. og Íslenskra aðalverktaka hf., er með vænlegasta tilboðið í hönnun, byggingu og rekstur tónlistarhúss, ráðstefnumiðstöðvar og hótels við Austurhöfnina í Reykjavík samkvæmt niðurstöðu matsnefndar og sérfræðinga Austurhafnar-TR. Þetta var kynnt við hátíðlega athöfn í Þjóðmenningarhúsinu í dag sem og sú ákvörðun stjórnar Austurhafnar-TR að ganga til samninga um verkefnið við Portus Group.

Innlent
Fréttamynd

Ræða atvik í Basra í dag

Forsætisráðherra Íraks hittir varnarmálaráðherra Bretlands í Lundúnum í dag til þess að ræða frelsun breskra hermanna á tveim félögum sínum sem höfðu verið handteknir í borginni Basra. Írakar hafa tekið hófsamlega á þessu máli og ekki tekið sterkara til orða en að segja að það sé óheppilegt. Bretar segja hins vegar að hermenn þeirra hafi brugðist rétt við.

Erlent
Fréttamynd

Heimdellingar deila um fulltrúa

Deilt er um hvaða félagar Heimdalls, félags ungra sjálfstæðismanna í Reykjavík, fái að sækja þing Sambands ungra sjálfstæðismanna 30. september. Um tuttugu ungir sjálfstæðismenn sem fá að sækja þingið sem aukamenn, auk tíu annarra hafa mótmælt mannavali á þingið og segja 50 nýskráða félaga tekna fram yfir fyrrum stjórnarmenn í Heimdalli. 

Innlent
Fréttamynd

Deildu um jafnræði kynja í styttum

Meirihluti og minnihluti í borgarstjórn Reykjavíkur tókust á um jafnræði kynjanna í styttum Reykjavíkur á fundi sínum í gær í kjölfar tillögu Kjartans Magnússonar sjálfstæðismanns um að reisa styttu af Tómasi Guðmundssyni borgarskáldi í miðbænum. R-lista menn bentu á að mun fleiri styttur væru af körlum en konum í borginni og lögðu ajálfstæðismenn þá til að styttum af konum yrði fjölgað ef það mætti þá verða til þess að koma Tómasi líka á stall.

Innlent
Fréttamynd

Stór hluti boða úr sendum falskur

Stór hluti þeirra boða sem berast úr gömlum neyðarsendum er falskur. Rúmar tíu klukkustundir tók að finna neyðarsendi sem unglingar í Sandgerði settu af stað í gær.

Innlent
Fréttamynd

Segjast hafa náð stjórn á Tal Afar

Írakskar og bandarískar hersveitir hafa hætt árásum á vígi uppreisnarmanna í borginni Tal Afar. Talsmaður írakska hersins sagði í gær að tekist hefði að ná stjórn á ástandinu og búið væri að handsama eða hrekja á brott alla uppreisnarmenn í borginni. Alls hafa hátt í 200 manns fallið í bardögum í borginni undanfarna tíu daga, en árásarhrina uppreisnarmanna um allt Írak hefur verið rakin til aðgerðanna í Tal Afar.

Erlent
Fréttamynd

Leyfa farsímanotkun í vélum sínum

Tvö evrópsk flugfélög hafa ákveðið að leyfa farsímanotkun um borð í vélum sínum frá og með haustinu 2006. Flugfélögin, sem eru frá Portúgal og Bretlandi, verða þar með þau fyrstu í heiminum sem leyfa farþegum að tala í eigin farsíma í háloftunum. Til að byrja með verður þetta fyrirkomulag prófað í nokkrum flugvélum í þrjá mánuði til að sjá hve mikil notkunin verður og hvort upp komi vandræði.

Erlent

Mest lesið