Fréttir

Bilun í ljósleiðara

Í morgun rofnaði samband um ljósleiðara til Akureyrar. Af þessum sökum eru ADSL tengingar Og Vodafone á Akureyri óvirkar og jafnframt truflanir á GSM sambandi á Akureyri. Á Sauðárkróki og Húsavík er farsímasamband að mestu úti. Bilunin hefur einnig áhrif á ADSL samband nokkurra fyrirtækja við Höfðabakka, samkvæmt upplýsingum frá OgVodafone. Tæknimenn vinna að viðgerð á biluninni.

Innlent 13.10.2005 19:40

Handtekinn í lögreglubúningi

Talið er að um sjötíu manns hafi safnast saman á Austurvelli eftir hádegi í gær til þess að mótmæla Kárahnjúkavirkjun og álveri við Reyðarfjörð. Fóru mótmælin friðsamlega fram að sögn lögreglu.

Innlent 13.10.2005 19:41

Orustan við Iwo Jima

Kvikmyndin sem Clint Eastwood er að gera hér á landi fjallar um einhverja blóðugustu orrustu seinni heimsstyrjaldarinnar á Kyrrahafsvígstöðvunum, þegar Bandaríkjamenn gerðu innrás á eyna Iwo Jima. Og nú er kempan komin til Íslands, til þess að gera sína næstu stórmynd.

Innlent 13.10.2005 19:41

Olían bíður seinni tíma

Væntanleg stjórnarskrá Íraks kveður ekki á um hvernig olíulindum landsins skuli stjórnað, sagði Ibrahim Bahr al-Uloum, olíumálaráðherra Íraks, í gær. Hann sagði þó ákvæði um að auður af náttúruauðlindum væri fyrir alla Íraka.

Erlent 13.10.2005 19:41

Dregur úr atvinnuleysi

Atvinnuleysi var þriðjungi minna í júlí en á sama tíma fyrir ári. 3.135 einstaklingar að meðaltali voru án atvinnu í síðasta mánuði, samkvæmt tölum Vinnumálastofnunar. Í júlí í fyrra voru að meðaltali 4.712 einstaklingar án atvinnu. Heldur meira hefur dregið úr atvinnuleysi karla en kvenna.

Innlent 13.10.2005 19:41

Fyrsti herra Afganistan

Khosraw Basheri komst í sögubækurnar þegar hann varð fyrsti maðurinn til að verða krýndur herra Afganistan. Þessi 23 ára kaupsýslumaður, sem hefur árum saman stundað lyftingar, sagðist aldrei myndu gleyma deginum þegar hann var valinn herra Afganistan.

Erlent 13.10.2005 19:41

Neyðarlög á Sri Lanka

Yfirvöld á Sri Lanka hafa sett í gildi neyðarlög í landinu, eftir að utanríkisráðherra landsins, Lakshman Kadirgamar var skotinn til bana í gærkvöldi. Lögreglan hefur ásakað hreyfingu Tamíltígra um að bera ábyrgð á morðinu, en hún neitar því að hafa haft nokkuð með það að gera.

Erlent 13.10.2005 19:40

United sigraði opnunarleikinn

Manchester United sigraði Everton 2-0 í opnunarleik ensku úrvalsdeildarinnar í knattspyrnu sem lauk rétt í þessu. Mörk United gerðu þeir Ruud van Nistelrooy á 43. mínútu og fyrrum Everton leikmaðurinn, Wayne Rooney.

Sport 13.10.2005 19:40

Harka í þýsku kosningabaráttunni

Gerhard Schröder, kanslari Þýskalands hóf kosningabaráttu sína með formlegum hætti í dag. Kristilegir demókratar hafa langtum meira fylgi í skoðanakönnunum, en Schröder virðist ætla að treysta á eigin persónutöfra, reynsluleysi andstæðings síns, Angelu Merkel, og innanflokksdeilur hjá kristilegum til að hífa fylgið upp.

Erlent 13.10.2005 19:41

Útilokar ekki beitingu hervalds

George W. Bush Bandaríkjaforseti segist ekki útiloka neitt þegar kemur að því að koma í veg fyrir að Íranar komi sér upp kjarnorkuvopnum. Hann sagði í sjónvarpsviðtali við ísraelska sjónvarpsstöð að fyrst og fremst vildi hann notast við diplómatísk samskipti en ef það brygðist væru aðrir kostir í boð.

Erlent 13.10.2005 19:41

Umsækjundur guldu fyrir reynslu

Landbúnaðarráðuneytið leitaði sérstaklega eftir reynslulitlum einstakling í starf sérfræðings á sviði markaðs- og framleiðslumála í árslok 2002 ef marka má skýringar sem Umboðsmaður Alþingis fékk frá ráðuneytinu. 

Innlent 13.10.2005 19:41

Flug BA enn í ólagi

Enn eru þúsundir farþega British Airways strandaglópar um allan heim þó að starfsmenn sem voru í verkfalli á Heathrow-flugvelli hafi snúið til vinnu í gærdag.

Erlent 13.10.2005 19:40

Náðu flakinu upp

Flaki þyrlunnar sem hrapaði undan ströndum Eistlands í vikunni var híft upp í gær. Kafarar höfðu þá þegar náð upp líkum þrettán þeirra sem voru um borð í þyrlunni þegar hún hrapaði. Lík annars flugmannsins hefur ekki enn fundist en alls létust fjórtán í slysinu.

Erlent 13.10.2005 19:41

Ítalir tínast frá Írak

Ítalir hafa þegar hafið brottflutning hersveita sinna frá Írak, mánuði á undan áætlun. Heimildamaður Reuters-fréttastofunnar í varnarmálaráðuenytinu í Róm, segir ástæðuna fyrst og fremst vera fjárhagslega, en ekki pólitíska.

Erlent 13.10.2005 19:40

Haldið upp á afmæli Castro

Mikið var um hátíðahöld á Kúbu í dag þegar haldið var upp á 79 ára afmæli Fidels Castro. Forsíður dagblaða voru helgaðar leiðtoga landsins til 46 ára og heimildarþættir um hann voru sýndir í sjónvarpi.

Erlent 13.10.2005 19:41

Réðist á andstæðinga sína

Gerhard Schröder, Þýskalandskanslari og leiðtogi jafnaðarmanna, réðist harkalega að Kristilegum demókrötum þegar hann hóf kosningabaráttu sína fyrir þingkosningar sem haldnar verða eftir rúman mánuð.

Erlent 13.10.2005 19:41

Óttast óöld á Sri Lanka

Neyðarlög hafa tekið gildi á Sri Lanka, eftir að utanríkisráðherra landsins var skotinn til bana í gærkvöldi. Allt er þó með kyrrum kjörum í höfuðborginni að sögn íslensks starfsmanns Alþjóða rauða krossins þar. Óttast er að morðið verði til þess að þriggja ára vopnahlé milli Tamíltígra og yfirvalda rofni.

Erlent 13.10.2005 19:41

Baugsfeðgar ásaka stjórnvöld

Baugsfeðgar, þeir Jóhannes Jónsson og Jón Ásgeir, segja augljóst að stjórnvöld séu á bak við það sem þeir kalla aðför að fyrirtæki þeirra. Þar hafi Davíð Oddsson, forsætisráðherra, og Jón Steinar Gunnlaugsson, núverandi hæstaréttardómari, verið fremstir í flokki.

Innlent 13.10.2005 19:40

Vill skipa sér í forystusveit

Hanna Birna Kristjánsdóttir, borgarfulltrúi Sjálfstæðisflokksins, hefur ákveðið að gefa kost á sér í annað sæti framboðslista flokksins fyrir borgarstjórnarkosningarnar á næsta ári.

Innlent 13.10.2005 19:41

Kynþáttafordómar dýraverndarsinna

Dýraverndarsamtökin PETA hafa ákveðið að endurskoða auglýsingaherferð sína eftir að mannréttindafrömuðir kvörtuðu undan því að þær bæru keim kynþáttafordóma.

Erlent 13.10.2005 19:41

Ákærurnar flóknar og efnismiklar

Ákærurnar í Baugsmálinu voru birtar í dag, mörgum vikum eftir að lofað hafði verið að láta fjölmiðlum þær í té. Lögmenn sem fréttastofa ræddi við vildu ekki leggja mat á málið út frá ákærunni einni og sögðu það bæði flókið og erfitt.

Innlent 13.10.2005 19:41

Fær ekki bætur vegna íþróttaslyss

Héraðsdómur Reykjavíkur sýknaði Tryggingastofnun af bótakröfu stúlku sem fékk flugu í augað á unglingalandsliðsæfingu í badminton árið 1997 með þeim afleiðingum að augnbotninn rifnaði. Hún hefur í dag takmarkaða sjón á auganu.

Innlent 13.10.2005 19:41

Syntu yfir Faxaflóann

Fjórtán unglingar syntu frá Ægisgarði og upp á Akranes í dag. Hér voru á ferðinni unglingar úr sundfélagi ÍA og var sundið áheitasund þar sem þau eru að safna fyrir keppnisferð sem farin verður næsta vor. Þau skiptust á að synda og voru í sjónum frá 15 mínútum og upp í fjörutíu. Þau lögðu af stað yfir Faxflóann klukkan tíu í morgun og sundinu lauk klukkan þrjú og þykir það nokkuð góður tími.

Innlent 13.10.2005 19:41

Trúi að dómstólar muni horfa á gögnin

Óvild forsætisráðherra skapaði það andrúm sem drifið hefur áfram rannsókn og ákærur í Baugsmálinu, að mati Jóns Ásgeirs Jóhannessonar, forstjóra Baugs. Hann segist alltaf hafa borið hag fyrirtækisins fyrir brjósti og að Baugur hafi alltaf haft betur í viðskiptum við sig og Gaum, sem er félag í eigu fjölskyldunnar.

Innlent 13.10.2005 19:41

Einn svakalegasti dagur lífs míns

Jóhannes Jónsson kenndur við Bónus situr nú á sakamannabekk og á jafnvel yfir höfði sér fangelsisdóm verði hann fundinn sekur um fjárdrátt. Jóhannes sver af sér sakir og kallar málatilbúnaðinn apaspil. Hann kveðst bjartsýnn og finnur ómældan stuðning við málstað sinn og fjölskyldu sinnar.

Innlent 13.10.2005 19:40

Vopnaðir á vellinum

Lögregla fór inn á áhorfendapalla í gær og handtók ellefu manns meðan leikur Queens Park Rangers og Sheffield í ensku fyrstu deildinni stóð yfir í gær. Mennirnir voru vopnaðir og höfðu að sögn lögreglu ógnað lífi Gianni Paladini, stjórnarformanni QPR. Ekki er vitað hvað vakti fyrir mönnunum.

Erlent 13.10.2005 19:41

Engin höfuðpaur bak við hryðjuverk

Engin tengsl voru á milli árásarmannanna sem bönuðu 52 þann sjöunda júlí og þeirra sem gerðu tilraun til hryðjuverkaárása 21. júlí. Þetta eru frumniðurstöður hryðjuverkarannsóknar breskra löggæslustofnana sem The Independent greindi frá í gær.

Erlent 13.10.2005 19:41

Phi Mickelson efstur - Tiger slapp

Bandaríkjamaðurinn Phil Mickelson lék á 65 höggum í dag og er efstur eftir tvo hringi á  PGA-Meistaramótinu í golfi. Hann er samtals á 8 höggum undir pari og hefur þriggja högga forskot á Jerry Kelly sem er í öðru sæti. Þrír kylfingar deila þriðja sætinu, þeir Rory Sabbatini, Davis Love III og Lee Westwood, á 4 höggum undir pari.

Sport 13.10.2005 19:40

Mótmæli við Austurvöll

Á fjórða tug mótmælenda kom saman á Austurvelli í dag til að mótmæla virkjunarframkvæmdum við Kárahnjúka. Hópurinn stóð fyrir gjörningum og að sögn lögreglunnar kom hvorki til óláta né skemmdarverka. Einn mótmælandi sem í þessu tilfelli er Íslendingur var handtekinn fyrir að klæðast lögreglujakka og lögregluhúfu en slíkt er brot á lögreglulögum. Hann var fluttur á lögreglustöðina og færður úr einkennisbúningum.

Innlent 13.10.2005 19:41

Ný stjórnarskrá Íraka í augsýn

"Ef Guð lofar, verður hún tilbúin á morgun," sagði Jalal Talabani, forseti Íraks á blaðamannafundi í dag, um stjórnarskrána írösku. Stjórnarskráin hefur verið mjög lengi í smíðum og mikið hefur verið deilt um innihaldið.

Erlent 13.10.2005 19:40