McDonald´s vill opna 500 hamborgarastaði í Kína

McDonald´s hefur í hyggju að opna 500 nýja hamborgarastaði í Kína á næstu þremur árum. Fyrir í landinu eru 146 staðir þar sem Kínverjar geta keypt sér Big Mac og annan skyndibita.

Segir Bretland og Sviss á barmi íslenskra örlaga

Fjárfestingaráðgjafinn Hennessee Group telur að Bretland og Sviss séu nú á barmi íslenskra örlaga. Fjármálakreppan megi ekki dýpka mikið meir til að bankakerfi beggja þessara landa fari á hliðina.

Bílaframleiðandinn Saab gæti brátt heyrt sögunni til

Sænski bílaframleiðandinn Saab stendur frammi fyrir gjaldþroti, mögulega í þessum mánuði. Eigandi Saab, General Motors, ætlar ekki að leggja Saab til meira fé en orðið er og sænska ríkið hefur einnig hafnað hugmyndum um aðkomu þess að framleiðslunni.

Húsgögn og tölvur Landsbankans í Amsterdam á uppboð

Húsgögn, tölvur og annar skrifstofubúnaður Landsbankans í Amsterdam verður settur á uppboð í næstu viku. Fer upphæðin sem fæst á uppboðinu upp í skuldir bankans vegna Icesave-reikninganna í Hollandi.

Hlutabréf lækka í Asíu

Hlutabréf á mörkuðum í Asíu féllu í verði í morgun, þriðja daginn í röð, en aukinnar svartsýni gætir meðal fjárfesta í kjölfar stöðugra frétta af tapi stórfyrirtækja og ískyggilegra spádóma frá ríkisstjórnum og seðlabönkum.

Olíuverð á heimsmarkaði lækkar

Olíuverð fer lækkandi á heimsmarkaði og fór niður fyrir 35 dollara á tunnu vestanhafs í gær. Norðursjávarolía var þá í 41 dollara eftir að hafa lækkað um tvo og hálfan dollara frá því fyrir helgi.

Svartur dagur í Bandaríkjunum

Talsvert verðfall varð á bandarískum hlutabréfamarkaði kvöld en fjárfestar hafa efasemdir um að björgunaraðgerðir stjórnvalda dugi til að spyrna fótum við kreppunni.

Fjárlaganefnd sænska þingsins samþykkir Íslandslán

Fjárlaganefnd sænska þingsins samþykkti í dag fyrirhugað lán Svía til Íslands upp á 6,5 milljarða sænskra kr. eða sem svarar til tæplega 85 milljarða kr..

Þýska flugfélagið Air Berlin hyggur á flug til Íslands

Þýska flugfélagið Air Berlin hyggur á áætlanaflug til og frá Íslandi á komandi sumri. Þetta kemur fram á vefsíðunni e24.no. Þar segir að flug til Íslands sé liður í áætlunum félagsins um beint flug til og frá Berlín til allra Norðurlandanna.

Spilavítaveldi Donald Trump riðar til falls

Fastlega er gert ráð fyrir því að spilavítaveldi Donald Trump, Trump Entertainment Resorts, verði tekið til gjaldþrotaskipta í dag.

Abramovich hefur tapað nær helmingi auðæfa sinna

Rússneski auðkýfingurinn Roman Abramovich hefur tapað nær helmingi auðæfa sinna í fjármálakreppunni. Við upphaf síðasta árs voru auðæfi hans metin á 23 milljarða dollara en hafa í dag skroppið saman í tæplega 14 milljarða dollara eða tæplega 1.600 milljarða kr..

Hluthafar Rio Tinto í uppreisn vegna Kínasamnings

Stór hópur hluthafa í Rio Tinto segjast ætla að greiða atkvæði gegn samningi félagsins við kínverska ríkisálfélagið Chinalco. Segja þeir að Kínverjarnir fái of mikið fyrir of lítið með samningnum en´með honum koma tæplega 20 milljarðar dollara í nýju hlutfé inn í Rio Tinto.

Debenhams og Arcadia slást um Principles

Debenhams og Arcadia, sem er í eigu sir Philip Green, eru líklegustu aðilarnir til að festa kaup á verslunarkeðjunni Principles sem er í eigu Mosaic Fashions.

Bréf lækka í Asíu

Hlutabréf á mörkuðum í Asíu lækkuðu í verði í morgun og hafa helstu hlutabréfavísitölur álfunnar ekki tekið lægri stöðu í þrjár vikur. Til dæmis féll stærsta líftryggingafyrirtæki Japans um 10 prósent og stórfyrirtæki sem framleiðir minniskubba í tölvur lækkaði í verði um tæp níu prósent. Lækkunin er að miklu leyti rakin til svartrar skýrslu japanskra stjórnvalda um samdrátt í efnahagslífi þjóðarinnar sem hefur ekki verið meiri í á fjórða áratug.

Gjaldþrot Sterling kostar Kaastrup 1400 milljónir króna

Gjaldþrot lággjaldaflugfélagsins Sterling hefur áhrif á afkomu Kaastrup flugvallar í Kaupmannahöfn. Hrun félagsins kostar flugvöllinn um 70 milljónir danskra króna sem er um 1400 milljónir íslenskra. Þetta kemur fram í frétt hins danska Börsens í dag.

Mosaic Fashions í samningum við Kaupþing um frekari lán

Mosaic Fashions á nú í samningaviðræðum við skilanefnd Kaupþings um frekari lán til félagsins til að halda verslunarkeðjum þess gangandi meðan að unnið er að endurskipulagningu og eða sölu þeirra.

Heimsmarkaðsverð á áli í 1.600 dollara fyrir árslok

Dan Smith greinandi hjá Standard Chartered spáir því að heimsmarkaðsverð á áli fari í 1.600 dollara á tonnið á fjórða ársfjórðungi ársins. Verðið í dag liggur í kringum 1.370 dollara.

Michael Moore gerir mynd um fjármálakreppuna

Hinn umdeildi leikstjóri Michael Moore ætlar að gera kvikmynd um fjármálakreppuna. Hann kallar kreppuna stærsta svindl í sögu Bandaríkjanna.

Jane bjargaði Whistles undan greiðslustöðvun Baugs

Jane Shepherdson, viðskiptafélagi Baugs í Bretlandi, náði að bjarga Whistles verslunarkeðjunni undan greiðslustöðvun Baugs í Bretlandi á síðustu stundu.

Eitraður kokteill ógnar Royal Unibrew

Árið í ár verður mjög erfitt fyrir næststærstu bruggverksmiðjur Danmerkur, Royal Unibrew. Unibrew glímur nú við skuldir upp á 2 milljarða danskra kr. eða tæplega 40 milljarða kr. Stoðir eru með stærstu eigendum Unibrew með 25% hlut.

Ålandsbanken gengur frá kaupunum á Kaupþingi í Svíþjóð

Gengið hefur verið frá kaupum Ålandsbanken á Kaupþingi í Svíþjóð. Kaupverðið er 414 milljónir sænskra kr. eða um 5,7 milljarðar kr. og var það greitt út í hönd.

Mesti samdráttur síðan 1974 í Japan

Asísk hlutabréf féllu í verði í morgun, einkum bréf fjármálafyrirtækja, eftir að ljóst varð að samdrátturinn, sem nú fer um japanskt efnahagslíf, er sá mesti síðan árið 1974 auk þess sem hópur sérfræðinga gaf það út að ekki væri útlit fyrir að neitt rofaði til að minnsta kosti út árið 2009.

Toyota dregur úr starfsemi í Bandaríkjunum

Japanski bílaframleiðandinn Toyota neyðist til að draga úr starfsemi sinni í Bandaríkjunum. Nýverið var tilkynnt að laun starfsmanna í Bandaríkjunum yrðu lækkuð, vinnutími styttur, yfirvinna bönnuð og að engin framleiðsla verði í nokkra daga í apríl.

Tchenguiz í vandræðum með hótelkeðju

Menzies-hótelkeðjan, sem er í eigu íranska Íslandsvinarins Robert Tchenguiz, rambar nú á barmi gjaldþrots. Hótelkeðjan þarf að endursemja um lán sín eftir að hafa brotið lánaskilmála. Þetta kemur fram í The Sunday Times í dag.

Bankarnir best komnir í höndum einkaaðila

Alistair Darling, fjármálaráðherra Bretlands, segir að bönkum og öðrum fjármálastofnunum sé best komið í höndum einkaaðila. Darling var spurður um málið á blaðamannfundi í tengslum við fund fjármálaráðherra sjö helstu iðnríkja heims funda í Róm á Ítalíu, en orðrómur hefur verið upp um að LLoyds bankinn verði þjóðnýttur. Bankinn tapaði allt að 8,5 milljörðum punda á seinasta ári. Darling sagði jafnframt ekki stæði til að funda með forystumönnum bankans um helgina.

Samþykktu 90 þúsund milljarða fjárveitingu

Fulltrúadeild Bandaríkjaþings samþykkti í dag björgunarpakka fyrir efnahagslífið að upphæð 787 milljarða Bandaríkjadala, eða 90 þúsund milljarðar króna, sem Barack Obama lagði fram. Obama segir að þetta sé einungis upphafið af tilraunum hans til að ná tökum á efnahagslífinu.

Kaupþing og Baugur gætu lent í stærstu útsölu heimsins

Lloyds bankinn breski gæti reynt að selja annars flokks hlutabréfasafn (secondary private equity) sitt í því sem Financial Times kallar stærstu slíka útsölu í heimi.

easyjet hagnast á gjaldþroti Sterling

Eins dauði er annars brauð gildir í flugbransanum eins og annarsstaðar. Nú hefur easyjet ákveðið að hefja áætlunarferðir milli Gatwick og Kaupmannahafnar en Sterling flaug þessa leið áður en félagið varð gjaldþrota.

Íhuga lögreglurannsókn á íslensku bönkunum í Bretlandi

Efnahagsbrotadeild lögreglunnar í Bretlandi (Serious Fraud Office) er nú að íhuga rannsókn á starfsemi Kaupþings og Landsbankans þar í landi. Fram kemur á Timesonline að deildin byrjaði rannsókn á dótturfélagi AIG Í Bretlandi í gær og að Kaupþing og Landsbankinn gætu verið næst á listanum.

Íslandsferðir lánuðu 250 milljónir kr. til eigenda fyrir gjaldþrot

Ferðaskrifstofan Íslandsferðir sem starfrækt var í Noregi lánaði 15 milljónir norskra kr., eða um 250 milljónir kr. til félaga sem stjórnað er af eigendum Íslandsferða skömmu áður en ferðaskrifstofan varð gjaldþrota nú fyrir jólin.

Forstjóraskipti í bresku kauphöllinni

Frakkinn Xavier Rolet, fyrrum framkvæmdastjóri bandaríska Lehman Brothers í Frakklandi, mun setjast í forstjórastól bresku kauphallarinnar í Lundúnum (e. London Stock Exchange) um miðjan næsta mánuð.

Kaupþing og bankar framlengja aftur lán til JJB Sports

Kaupþing, HBOS og Barclays hafa ákveðið að framlengja lánum sínum til íþróttavörukeðjunnar JJB Sports. Íslenska ríkið er nú einn stærsti hluthafi JJB Sports eftir að Kaupþing leysti til sín tæplega 30% hlut Exista og Chris Ronnie nýlega með veðkalli.

Toyota í Bandaríkjunum lækkar launin

Lækkuð laun, styttur vinnutími og engin framleiðsla í nokkra daga í apríl er sá veruleiki sem blasir við starfsmönnum Toyota í Bandaríkjunum.

Hækkun á Asíumörkuðum

Hlutabréf á Asíumörkuðum hækkuðu í verði í morgun í fyrsta sinn í fimm daga og hækkuðu bréf banka og raftæknifyrirtækja mest.

Væru í sporum Íslendinga án evru

Írland væri í sporum Íslands ef ekki væri fyrir aðild að evrunni, hefur Irish Times eftir José Manuel Barroso, forseta framkvæmdastjórnar Evrópusambandsins.

Markaðir réttu sig við í Bandaríkjunum

Helstu hlutabréfavísitölur í Bandaríkjunum réttu sig við eftir fall eftir að markaðir opnuðu. Hlutabréfamarkaður tók dýfu eftir að atvinnuleysistölur voru birtar í dag þrátt fyrir almennt ágætar niðurstöður um eins prósents veltuaukningu í smásölugeiranum á milli mánaða í janúar. Atvinnuleysi hefur ekki mælst meira vestanhafs í sextán ár.

Atvinnuleysi ekki meira vestanhafs í 16 ár

Atvinnuleysi jókst verulega í Bandaríkjunum í janúar og mælist nú 7,6 prósent. Niðurstaðan er talsvert umfram svartsýnustu spár enda hefur atvinnuleysi ekki verið meira vestanhafs í sextán ár.

Írland er ekki Ísland

Írland væri í sporum Íslands ef ekki væri fyrir aðild að evrunni. Þetta segir José Manuel Barroso, forseta framkvæmdastjórnar Evrópusambandsins, í samtali við Irish Times.

Atvinnuleysi nær áður óþekktum hæðum í vor

Atvinnuleysi eykst nú hröðum skrefum og er útlit fyrir að það nái áður óþekktum hæðum á vordögum, að því er segir í Morgunkorni greiningar Glitnis.

Segist ekki halda verslunarkeðjum Baugs til eilífðar

Tony Lomas, stjórnandi hjá PricewaterhouseCoopers (PwC) segir að það sé ekki ætlunin að halda verslunarkeðjum Baugs til eilífðar. Þær verði seldar um leið og markaðsaðstæður batni enda vilji kröfuhafar fá fé í hendur fremur en eignarhluti.

Landsbankasvindlið á Spáni teygir sig til Cote d´Azur

Landsbankasvindlið á Spáni teygir nú anga sína yfir Cote d´Azur leikvöll þeirra frægu og ríku í suðurhluta Frakklands. Fjallar er um málið á vefsíðunni euroweekly.com.

Bréf í Asíu lækka

Hlutabréf á Asíumörkuðum féllu í verði í morgun, fjórða daginn í röð, og stafar lækkunin af efasemdum fjárfesta um að ný björgunaráætlun Bandaríkjastjórnar nægi til að draga þarlent efnahagslíf á flot aftur.

Líklegt að Englandsbanki færi vexti undir 1 prósent

Líklegt þykir að Englandsbanki muni lækka stýrivexti niður fyrir eitt prósent í viðleitni sinni til að draga úr áhrifum efnahagskreppunnar þar í landi.

Kolsvört hagspá ASÍ

Framundan er mesta samdráttarskeið sem íslenskt efnahaglíf hefur gengið í gegnum á síðari árum. Fyrir höndum eru tvö erfið ár en það tekur að rofa til að nýju á árinu 2011.

Starfsmenn Baugs í London sendir heim með vikulaun í vasanum

Megninu af starfsmönnum Baugs á skrifstofu félagsins í London var sagt upp í gærdag og þeir sendir heim með vikulaun í vasanum. PricewaterhouseCoopers hefur tekið við lyklunum að skrifstofunni og mun reka Baug með á greiðslustöðvuninni stendur.