Evrópski seðlabankinn býr til stuðpúða

Evrópski seðlabankinn hefur opnað pyngjur sínar og boðist til að lána evrópskum fjármálastofnunum allt að 95 milljarða evra, jafnvirði um 8.300 milljarða íslenskra króna, til að mýkja áhrifin af harðri lendingu vegna samdráttar á bandarískum fasteignalánamarkaði og koma í veg fyrir að þeirra gæti í Evrópu. Mörg lánafyrirtæki sem hafa haldið úti starfsemi í Bandaríkjunum hafa orðið illa úti vegna samdráttarins.

Afkoma Danske Bank undir væntingum

Hagnaður Danske Bank fyrir skatta á fyrstu sex mánuðum ársins nam rúmum 10 milljörðum danskra króna, jafnvirði rúmra 118 milljarða íslenskra króna. Þrátt fyrir að vera 18 prósenta hækkun frá sama tíma í fyrra en þetta lítillega undir væntingum.

Hagnaður Murdochs eykst milli ára

News Corporation, afþreyinga- og fjölmiðlaveldi ástralskættaða milljarðamæringsins Ruperts Murdoch, skilaði hagnaði upp á 890 milljónir bandaríkjadala, jafnvirði um 56,5 milljarða íslenskra króna, á síðasta ársfjórðungi, sem var fjórði fjórðungurinn í bókum samstæðunnar. Þetta er 4,5 prósenta aukning á milli ára.

Óbreyttir vextir vestra

Bankastjórn Seðlabanka Bandaríkjanna ákvað í fyrrakvöld að halda stýrivöxtum óbreyttum í 5,25 prósentum þrátt fyrir væringar í bandarísku efnahagslífi.

Fyrsta flugi Virgin America frestað vegna veðurs

Breski auðkýfingurinn Richard Branson hefur sett á stofn nýtt flugfélag, Virgin America sem ætlað er að verða í forystu á hinum harða markaði innanlandsflugs í Bandaríkjunum. Fyrsta flugvélin á vegum hins nýja félags átti að hefja sig til lofts frá JFK flugvelli í Bandaríkjunum í dag með pompi og pragt, en fresta þurfti fluginu vegna gífurlegra rigninga í borginni.

Pliva dregur úr hagnaði Barr

Hagnaður bandaríska lyfjafyrirtækisins Barr nam 45,3 milljónum bandaríkjadala, rúmlega 2,9 milljörðum króna, á öðrum ársfjórðungi. Þetta er 41 prósents samdráttur frá sama tíma í fyrra og skrifast að mestu leyti á kostnað við yfirtöku á króatíska samheitalyfjafyrirtækinu Pliva síðasta haust. Afkoman er talsvert undir væntingum greinenda.

Stýrivaxtahækkun líkleg í Bretlandi

Englandsbanki gaf í skyn í dag að stýrivaxtahækkun liggi í loftinu. Bankinn var undir miklum þrýstingi á fyrri hluta árs að hækka stýrivexti til að ná verðbólgu niður. Hann brást við með stýrivaxtahækkunum á árinu og standa vextirnir í Bretlandi nú í 5,75 prósentum. Stýrivaxtahækkanir fara fyrir brjóstið á verslanaeigendum.

Carlsberg yfir væntingum

Hagnaður danska bjórframleiðandans Carlsberg nam rétt rúmum einum milljarði danskra króna, jafnvirði 11,8 milljörðum íslenskra króna, á öðrum fjórðungi ársins. Þrátt fyrir samdrátt upp á 18 prósent á milli ára er afkoman yfir væntingum markaðsaðila.

Kínverjar horfa til Hollands

Kínverski tölvuframleiðandinn Lenovo er sagður vera að íhuga að leggja fram kauptilboð í hollenska keppinautinn Packard Bell. Verðmiðinn er talinn hlaupa á um 800 milljónum bandaríkjadala, jafnvirði 51 milljarðs íslenskra króna.

Kapítalskt nirvana

The Guardian segir Moskvuborg hafa náð enn einum áfanganum á leiðinni að kapítalísku algleymi, eða nirvana eins og það heitir upp á ensku. Samkvæmt nýrri könnun er hvergi í veröldinni meiri hagnaður af hótelrekstri heldur en einmitt í Moskvu, þar sem hagnaður á fyrri helmingi árs nam 12.650 krónum á hvert herbergi að meðaltali.

Óbreyttir stýrivextir í Bandaríkjunum

Seðlabanki Bandaríkjanna ákvað í dag að halda stýrivöxtum bankans óbreyttum í 5,25 prósentum. Þetta var í níunda skiptið í röð sem ákveðið er að halda vöxtunum óbreyttum og hefur vaxtastigið verið það sama síðan í júní 2006. Misserin þar á undan höfðu vextirnir hins vegar hækkað jafnt og þétt.

Danske varar við krónunni

Danske Bank er enn svartsýnn um íslensks efnahagsmál. Í nýrri greiningu eru fjárfestar varaðir við krónunni. Illa grunduð skrif segir Ólafur Ísleifsson.

Brithis Airways sektað um 34 milljarða

Bandarísk og bresk samkeppnisyfirvöld sektuðu í dag flugfélagið Brithis Airways um 34 milljarða vegna verðsamráðs. Stjórnendur flugfélagsins hafa viðurkennt að hafa á tímabilinu ágúst 2004 – janúar 2006, haft samráð við Virgin Atlantic flugfélagið um aukaálagningu á flugmiða vegna hækkandi olíuverðs. Aukaálagning nam frá 600 íslenskum krónum og allt upp í 7600 á þessum tíma.

Verkamannaskortur vandamál í Póllandi

Frá því að Pólland gekk í Evrópusambandið árið 2004 hafa meira en milljón ungir verkamenn elt hærri laun til annarra Evrópulanda. Fyrir vikið stendur landið frammi fyrir verulegum verkamannaskorti.

Skaðvaldar á svartan lista

Stjórnvöld í Kína hafa nú komið sér upp sínum fyrsta svarta mengunarlista. Hann prýða þrjátíu kínversk fyrirtæki sem á einn eða annan hátt hafa brotið mengunarlög landsins.

Journal rennur Murdoch úr greipum

Eigendur Dow Jones eru sagðir hafa horn í síðu Ruperts Murdoch og vilja að þóknanlegri menn eignist fyrirtækið.

Stóraukin viskídrykkja

Eftirspurn eftir vískí hefur aukist gríðarlega síðustu árin og má ætla að sú þróun haldi áfram.

Gott uppgjör í Færeyjum

Hagnaður hins færeyska Eik banka nam tæpum 2,3 milljörðum íslenskra króna á fyrri helmingi árs. Um er að ræða rétt rúma þrjátíu prósenta hagnaðaraukningu sé miðað við sama tímabil í fyrra.

Century tapar 3,6 milljörðum

Bandaríska álfyrirtækið Century Aluminum tapaði 60,7 milljónum Bandaríkjadala á öðrum ársfjórðungi. Það jafngildir 3,6 milljörðum íslenskra króna. Til samanburðar nam hagnaður félagsins á öðrum ársfjórðungi í fyrra 45,8 milljónum Bandaríkjadala.

Með fimmtungshlut í Sampo

Exista hf. fer nú með A-hluti í finnska tryggingafélaginu Sampo sem nema 19,93 prósentum af heildarhlutafé í félaginu, samkvæmt tilkynningu til kauphallarinnar í Helsinki.

Umfangsmikil sjóræningjastarfsemi leyst upp

Kínverska lögreglan og bandaríska alríkislögreglan, FBI, hafa leyst upp tvo umfangsmikla kínverska glæpahringi sem ábyrgir eru fyrir fölsun og dreifingu á allt að tveimur milljörðum eintaka af tölvuhugbúnaði. Hringirnir störfuðu í Shanghai og Shenzhen í Kína en dreifðu framleiðslu sinni víða um heim.

Dýrkeypt flóð

Flóðin í Englandi munu verða breskum tryggingafélögum dýrkeypt. Samkvæmt frétt á vef BBC mun kostnaðurinn sem fellur á þau vegna flóðanna í júní og júlí ekki verða undir tveimur milljörðum punda. Það nemur um 245 milljörðum íslenskra króna.

GTA IV er vel á veg kominn

Það fer að styttast í að fjórði Grand Theft Auto leikurinn komi út. leikurinn lítur vel út. Hvern hefði grunað að meðalunglingnum fyndist fátt skemmtilegra en keyra hratt , skjóta fólk og verða illræmdasti glæpamaðurinn í borginni?

Kínverjar hækka stýrivexti

Kínverjar hafa hækkað stýrivexti í 6,67 prósent. Um er að ræða fimmtu stýrivaxtahækkunina undanfarið ár. Verðbólga í landinu hefur ekki verið meiri í fimm ár.

Hagnaður Google eykst en er samt undir væntingum

Hagnaður Google jókst um 28% á öðrum ársfjórðungi þessa árs en var samt undir væntingum. Hagnaður fyrirtækisins nam 925 milljónum Bandaríkjadala en á sama tíma í fyrra nam hagnaður fyrirtækisins um 720 milljónir dollara.

Sjálfeyðandi vafrakökur hjá Google

Vefrisinn Google hefur gefið út yfirlýsingu þess efnis að vafrakökurþeirra, litlar skrár sem að vistast á tölvu notanda þegar hann heimsækir vefsíðu, muni eyðast sjálfkrafa eftir tvö ár.

Vanskil valda vandræðum

Áhrif vanskila áhættusamra húsnæðislána í Bandaríkjunum setja nú mark sitt á fjármálaheiminn vestra. Vanskilin má rekja til þess að fjármálastofnanir hafa í uppgangi síðustu ára boðið húsnæðislán á hagstæðum kjörum til handa viðskiptavinum með litla greiðslugetu og litlar eða engar eignir. Vanskil á þessum fasteignalánum samfara kælingu á bandaríska húsnæðismarkaðinum hefur komið illa við lánveitendur. Frá þessu segir í Morgunkorni Glitnis.

Baugur kaupir bandarísku fréttaveituna News Edge

Baugur Group og meðfjárfestar hafa keypt bandarísku fréttaveituna NewsEdge af kanadíska upplýsingafyrirtækinu The Thomson Corporation. Fyrirtækið sérhæfir sig í miðlun fjármálafrétta- og upplýsinga til stórfyrirtækja, banka og annarra fjármálastofnanna. Kaupverðið er ekki gefið upp.

Enga tónlist í þrumveðri

Læknar frá Vancouver í Kanada hafa varað fólk við því að fara út með mp3-spilara í þrumuveður. Í nýjasta hefti læknaritsins New England Journal of Medicine rekja læknarnir mál ungs manns sem fékk eldingu í sig þegar hann fór út að skokka í þrumuveðri.

Blað brotið í flugsögunni

Hjá Boeing eru menn hins vegar þess fullvissir að hafa brotið blað í flugsögunni með nýju vélinni. Sérfróðir segja hana eins og geimskutlu við hlið annarra véla og standi jafnvel geimskutlum framar á sumum sviðum, svo sem hvað varðar flugstjórnarhugbúnað.

Coke eykur söluna

Hagnaður bandaríska drykkjarvöruframleiðandans Coca-Cola nam rúmum 111 milljörðum íslenskra króna á síðasta rekstrarári og jókst um tæpt prósent milli ára.

Dræmur vöxtur vöruskipta hjá G7-iðnríkjunum

Vöruútflutningur sjö helstu iðnríkja heims (G7) jókst um 0,9 prósent á fyrsta ársfjórðungi þessa árs frá fjórðungnum á undan. Þetta sýna nýbirtar tölur Efnahags- og framfarastofnunar Evrópu (OECD) yfir alþjóðlegar hagstærðir. Til G7-landanna teljast Kanada, Frakkland, Þýskaland, Ítalía, Japan, Bretland og Bandaríkin.

Flugferðir með glænýju sniði

Gríðarleg eftirvænting var á frumsýningu farþegaþotunnar nýju frá Boeing í Everett, skammt frá Seattle í Bandaríkjunum, sunnudaginn 8. júlí síðastliðinn. Staðreyndin er enda sú að aldrei hefur meira verið selt í forsölu af einni vél, 677 stykki.

Flugfélög slást um Kínaflugið

Nokkur bandarísk flugfélög hafa sótt um heimild til beins flugs milli Bandaríkjanna og Kína. Samgönguráðuneyti Bandaríkjanna fer nú yfir umsóknir og útdeilir leyfum, að því greint er frá í Bandarískum fjölmiðlum. Um nokkrar flugleiðir er að ræða, eitt flug á að hefjast á þessu ári, annað á næsta og fjórar nýjar flugleiðir árið 2009.

Microsoft vinsælasta vörumerkið í Bretlandi

Microsoft er vinsælasta vörumerki á Bretlandi samkvæmt könnun ráðgjafafyrirtækisins Superbrands. Könnunin var gerð meðal þrjú þúsund breskra neytenda.

Milljón pund fyrir salmonellunammi

Sætindarisinn Cadbury hefur verið sektaður um eina milljón punda, rúmlega 122 milljónir króna, eftir að fjörutíu veiktust í kjölfar þess að hafa gætt sér á súkkulaðistykki frá fyrir­tækinu. Salmonellan varð til þess að Cadbury sá sig knúið til að endurkalla meira en milljón súkkulaðistykki í Bretlandi.

Óbreytt verðbólga í Evrulandi

Verðbólga í þeim þrettán löndum sem nota evruna sem gjaldmiðil hélst óbreytt frá fyrri mánuði í júní samkvæmt tölum frá Hagstofu Evrópu. Verðbólgan mælist 1,9 prósent og er því rétt undir markmiði Seðlabanka Evrópu um tveggja prósenta verðbólgu.

Skoða sögur af illri meðferð verkafólks

Bresku verslanakeðjurnar Tesco og Asda kanna nú réttmæti staðhæfinga um að illa sé farið með starfsfólk fataverksmiðja í Bangladesh, sem keðjurnar skipta báðar við.

Vestræn risapanda reynist ansi arðbær

Risapandan Huamei eignaðist sitt þriðja par af tvíburum á dögunum. Huamei er óvenjuleg panda að því leyti að hún fæddist og komst á legg í vestrænu samfélagi, óravegu frá náttúrulegum heimkynnum panda í Asíu. Hún fæddist í Bandaríkjunum fyrir átta árum. Nafn hennar er blanda af orðunum Kína og Ameríka.

Engin venjuleg mús

Microsoft hefur sent frá sér nýja tölvumús, svokallaða Wireless Notebook Presenter Mouse 8000, sem býr yfir ýmsum skemmtilegum notkunarmöguleikum og beðið hefur verið eftir með mikilli eftirvæntingu.

Fjarskiptatæknin hefur slæm áhrif á minni fólks

Samkvæmt könnun sem gefin var út á föstudaginn í London, hafa farsímar og önnur fjarskiptatæki slæm áhrif á minni fólks. Fjórðungur þeirra sem spurðir voru sögðust ekki muna númerið í heimasímanum sínum. 2/3 af þeim sem svöruðu gátu ekki munað afmælisdaga þriggja vina eða fjölskyldumeðlima án þess að fletta því upp.

Þegar iPodinn frýs

Nokkur ráð til að koma frosnum iPod í gang. Margir iPod-eigendur lenda í því að iPodinn þeirra frýs eða lætur öllum illum látum. Yfirleitt er þó ekki flókið að koma honum í samt lag og oft bara nóg að endurræsa hann.

Nýtt lyf gegn reykingum

Nikótínlyf seljast í tonnavís á ári hverju og dæmi eru um að fólk verði jafnháð lyfjunum eins og tóbakinu sjálfu. En nú er komið nýtt lyf á markaðinn, Champix, sem ekki inniheldur nikótín og fær jafnvel hörðustu reykingamenn að snúa bakinu við tóbakspúkanum fyrir fullt og allt.

Andlitin á vefnum

Netsamfélög á borð við MySpace hafa náð gífurlegum vinsældum. Nýjasta æðið er Facebook. Við þurfum ekkert að fara út lengur. Við hittum vinina á netinu. Spjöllum á spjallrásum, skiptumst á skoðunum á bloggi, látum í okkur heyra og sjá hjá netsamfélögum á borð við MySpace, Ringo og Flickr.

Náungakærleikur Linux

Stýrikerfið ubuntu er notendavæn útgáfa af Linux sem hentar hinum almenna tölvunotanda. Linux-stýrikerfið hefur oftast verið þekkt fyrir flóknar lausnir. Þó helst meðal almennra notenda, því þeir sem hafa tölvur að atvinnu hafa löngum verið hrifnir af stýrikerfinu.