Utanríkisráðherra setur saman málflutningsteymi í Icesave-málinu

Össur Skarphéðinsson utanríkisráðherra hefur komið á fót málflutningsteymi til að starfa með Tim Ward QC að undirbúningi varnar í Icesave-málinu.

Íslendingar ekki bjartsýnni síðan fyrir hrun

Nýtt ár leggst greinilega vel í landsmenn, en samkvæmt væntingavísitölu Gallup sem birt var nú í morgun hafa væntingar íslenskra neytenda nú ekki verið hærri frá því fyrir hrun.

Landsbankinn setur Sólningu í sölu

Hömlur ehf., dótturfélag Landsbankans hf., hefur falið Fyrirtækjaráðgjöf Landsbankans að annast sölu á öllu hlutafé í Sólningu í Kópavogi sem rekur hjólbarðaverkstæði og annast innflutning á dekkjum.

Vöruskiptin hagstæð um 104,5 milljarða í fyrra

Samkvæmt bráðabirgðatölum voru fyrir allt árið 2011 fluttar út vörur fyrir 626,4 milljarða króna en inn fyrir 521,9 milljarð króna. Afgangur var á vöruskiptunum við útlönd sem nam 104,5 milljörðum en árið áður voru þau hagstæð um 119,9 milljarða á sama gengi. Vöruskiptajöfnuðurinn var því 15,4 milljörðum króna óhagstæðari en árið áður.

Hækkanir á laxveiðileyfum framundan

Samtímis því að verð á laxveiðileyfum í Rússlandi og víðar fara lækkandi, stefnir í að verðið fari hækkandi hér á landi.

Fremur dauft yfir fasteignamarkaðinum

Enn er fremur dauft yfir fasteignamarkaðinum á höfuðborgarsvæðinu. Þannig var 86 kaupsamningum um fasteignir þinglýst í síðustu viku en að meðaltali hefur 94 samningum verið þinglýst á viku undanfarnar 12 vikur.

Ísland í 9. sæti yfir vinsamlegt viðskipaumhverfi þjóða

Ísland er í níunda sæti þjóða heimsins yfir vinsamlegt viðskiptaumhverfi, það er hve auðvelt er að stofna og reka fyrirtæki.

Gengi krónunnar heldur áfram að lækka

Gengi krónunnar hefur lækkað um tæp 2% frá áramótum. Gengið hefur veikst jafnt og þétt frá því í byrjun nóvember á síðasta ári að því er segir í Markaðspunktum Íslenskra verðbréfa.

Líklegt að olíufélögin hækki bensínverðið í dag

Búast má við að olíufélögin hækki almennt bensínverðið í dag eftir að N-1 hækkaði verðið um fjórar krónur í gær og er verð á lítra þar komið upp í tæpar 247 krónur.

Kallar enn eftir upplýsingum um uppgjör bankanna

"Ég hef núna fengið upplýsingar um það að það er búið að fjölga um níu þúsund á vanskilaskrá frá árinu 2008,“ segir Guðlaugur Þór Þórðarson, þingmaður Sjálfstæðisflokksins. Hann sagði í samtali við Reykjavík síðdegis í dag að vegna þessa mála vanti upplýsingar frá stjórnvöldum um staðreyndir mála sem tengjast lánum.

Helgi ætlar að færa landsmönnum Sinalco á ný

Helgi Vilhjálmsson, oftast kenndur við sælgætisgerðina Góu, er að hefja innflutning á Sinalco, gosdrykk sem naut feykilegra vinsælda fyrir einungis fáeinum árum. Hann er búinn að flytja fyrsta gáminn inn en stefnir að því að framleiða drykkinn sjálfur með tíð og tíma.

Allt að 90% taka óverðtryggð lán

Allt að níutíu prósent þeirra sem taka fasteignalán hjá bönkunum um þessar mundir kjósa að taka óverðtryggð lán. Lífeyrissjóðirnir eru ekki farnir að bjóða upp á óverðtryggð lán.

Þrotabú Samson krefst 518 milljóna vegna Árvakursviðskipta

Tekist var á um þá kröfu þrotabús Samson, fjárfestingafélags Björgólfs Guðmundssonar og Björgólfs Thors Björgólfssonar, að rifta kaupum á 16,7 prósenta hlut í Árvakri, útgáfufélagi Morgunblaðsins, á þeim grundvelli að um gjafagjörning hafi verið að ræða, í Héraðsdómi Reykjavíkur í dag.

Actavis gerir samning um insúlín

Actavis og pólska fyrirtækið Bioton tilkynntu í dag að þau hefðu stofnað til formlegs samstarfs um þróun og skráningu á insúlíni, einnig svo kölluðum insúlínvirkum lyfjum (e.analogue insulins). Í tilkynningu frá Actavis segir að samkvæmt samningnum beri Bioton ábyrgð á þróun og framleiðslu á insúlíni en Actavis fær einkarétt til að markaðssetja það undir eigin vörumerki í Bandaríkjunum, Japan og Evrópu, einnig á Íslandi. "Bæði fyrirtækin munu bjóða insúlín undir eigin nafni í Póllandi, sem er heimamarkaður Bioton,“ segir ennfremur.

Tilnefningar til Íslensku vefverðlaunanna kynntar

Samtök vefiðnaðarins tilkynntu í dag um hvaða vefir eru í úrslitum til Íslensku vefverðlaunanna 2011. Sjálf verðlaunaafhendingin fer fram í Tjarnarbíói klukkan 17 næstkomandi föstudag.

Þrefalt fleiri fyrirtæki til sölu

Félögum í óskyldum rekstri í eigu viðskiptabanka, sparisjóða og lánafyrirtækja hefur fækkað um sjö frá 1. nóvember síðastliðnum. Þau voru þá 132 talsins en eru nú 125. Félögum sem eru komin í formlegt söluferli hefur þó fjölgað mikið á síðustu þremur mánuðum. Þau voru 14 í nóvember en eru nú 45. Þetta kemur fram í nýjum tölum Fjármálaeftirlitsins (FME) um tímabundna starfsemi lánastofnana sem Fréttablaðið hefur undir höndum.

Vísitala framleiðsluverðs hækkaði lítillega

Vísitala framleiðsluverðs í desember síðastliðnum var 211,4 stig og hækkaði um 0,1% frá nóvember.

Spáir yfir 6% verðbólgu fram á vor

Greining Arion banka segir að útlit sé fyrir umtalsverða verðbólgu, eða yfir 6%, á næstu mánuðum.

OR ver sig fyrir sveiflum í álverði og vöxtum

Stjórn Orkuveitu Reykjavíkur (OR) hefur samþykkt áhættustefnu fyrir rekstur fyrirtækisins. Þá hefur fyrirtækið lokið samningum við hollenska bankann ING um áhættuvarnir gagnvart sveiflum í álverði og vaxtabreytingum.

Sérstakur saksóknari: Höfum tvö ár til stefnu

Ólafur Þór Hauksson, sérstakur saksóknari, segir að þunginn í rannsóknum á stórum málum hafi verið á árinu 2010 og 2011. Embættið hafi enn tvö ár til stefnu til að ná markmiðum sínum. Þá hafi tafir á afhendingu gagna frá útlöndum seinkað rannsóknum embættisins.

Eignir bankans sem vill kaupa Íslandsbanka metnar á 46 þúsund milljarða

Bankinn sem sýnt hefur áhuga á að kaupa Íslandsbanka er almennt álitinn einn stöndugasti banki Norðurlanda. Heildareignir hans eru metnar á liðlega 46 þúsund milljarða íslenskra króna.

Sérstakur saksóknari ekki náð markmiðum sínum

Sérstakur saksóknari stefndi að því að ljúka 27 málum á ári samkvæmt áætlun sem send var stjórnvöldum. Þetta hefur ekki gengið eftir en á síðasta ári var ákært í 7 málum. Þá átti að ákæra í 10 málum í flokknum "stór mál" á árunum 2010-2013 en engin ákæra hefur verið gefin út sem fellur þar undir. Kostnaður embættisins er áætlaður rúmlega fimm milljarðar króna á fimm árum.

Segja stjórnendur bankanna hafa veikt krónuna með óforsvaranlegum hætti

Tugir milljarða króna gætu verið í húfi fyrir Lífeyrissjóð verzlunarmanna, einn stærsta lífeyrissjóð landsins, vegna deilu um gjaldeyrissamninga við slitastjórn Glitnis og Kaupþings. Stjórn lífeyrissjóðsins telur að stjórnendur bankanna hafi skaðað hagsmuni lífeyrissjóðsins ólöglega og veikt krónuna með óforsvaranlegum hætti.

Endurgreiddu 2,5 milljarða til skilvísra viðskiptavina

Arion Banki endurgreiddi í gær samtals 2,5 milljarða króna til skilvísra viðskiptavina bankans. Landbankinn réðst í svipaðar aðgerðir í október en aðrar lánastofnanir hafa ekki tekið ákvörðun um að gera slíkt hið sama.

Tekjurnar af Contraband stefna í 7,5 milljarða

Heildartekjurnar af Contraband, mynd Baltasar Kormáks, stefna í 60,8 milljónir dollara eða um 7,5 milljarða króna. Vefsíðan boxoffice.com áætlar að tekjurnar, verði 7,2 milljónir dollara um helgina en áður hafa selst miðar á hana fyrir 53,6 milljónir dollara.

Verðbólgan aftur á skrið

Tólf mánaða verðbólga er nú 6,5 prósent og hefur ekki mælst hærri síðan í maí 2010. Vísitala neysluverðs miðuð við verðlag í þessum mánuði hækkaði um 0,28 prósentustig í mánuðinum sem er nokkuð umfram væntingar.

Ágreiningur blasir við vegna tillagna stjórnlagaráðs

Það blasir við ágreiningur fyrir dómstólum verði tillögur stjórnlagaráðs samþykktar óbreyttar. Þetta segir Hafsteinn Þór Hauksson, lektor við lagadeild HÍ.

Ferðaþjónustan malar gull og er ein af grunnstoðum hagkerfisins

Árið 2011 var besta ár í íslenskri ferðaþjónustu frá upphafi á flesta mælikvarða. Met var slegið í komu erlendra ferðamanna til landsins og fjölda gistinátta. Á fjórum dögum í október eyddu ferðamenn hálfum milljarði hér á landi.

Gift til rannsóknar hjá Sérstökum saksóknara

Embætti sérstaks saksóknara rannsakar nú hvort Gift fjárfestingafélag hafi fengið óeðlilega fyrirgreiðslu hjá Kaupþingi fyrir hrun, en félagið var meðal stærstu hluthafa bankans. Rannsókn starfsmanna endurskoðunarfyrirtækisins PWC er meðal þeirra gagna sem liggja til grundvallar í málinu.

Hæstiréttur vísar máli Hauks aftur í hérað

Hæstiréttur Íslands ómerkti í dag dóm Héraðsdóms Reykjavíkur yfir Hauki Þór Haraldssyni, fyrrverandi framkvæmdastjóra hjá Landsbankanum. Er málinu vísað til héraðsdóms til löglegrar meðferðar. Haukur var ákærður fyrir fjárdrátt á 118 milljónum króna.

Jón Ólafsson átti að greiða skatt á Íslandi

Héraðsdómur Reykjavíkur hefur staðfest úrskurð ríkisskattstjóra frá desember 2003 um að Jón Ólafsson athafnamaður hafi skattalega heimilisfesti og beri fulla og ótakmarkaða skattskyldu hér á landi í skilningi laga um tekjuskatt. Jón Ólafsson stefndi íslenska ríkinu fyrir héraðsdómi eftir úrskurð ríkisskattstjóra og birti Héraðsdómur Reykjavíkur úrskurð sinn í dag.

Hagar hagnast um 1,9 milljarða

Smásölurisinn Hagar, sem rekur m.a. Bónus og Hagkaup, hagnaðist um tæplega 1,9 milljarða króna frá 1. mars í fyrra fram til 30. nóvember sama, það er til og með þriðja ársfjórðungi reikningsárs félagsins, sem lýkur í lok febrúar nk.

Valdimar Halldórsson nýr aðstoðarmaður Steingríms

Valdimar Halldórsson viðskiptafræðingur hefur verið ráðinn aðstoðarmaður Steingríms J. Sigfússonar efnahags- og viðskiptaráðherra.

Nýherji tapaði 72 milljónum

Nýherji tapaði 72 milljónum króna á síðasta ári samkvæmt ársreikningi félagsins. Rekstrarhagnaður Nýherja fyrir afskriftir nam 532 mkr á árinu 2011.

Felur lögmönnum hagsmunagæslu í uppgjöri gjaldmiðlavarnarsamninga

Stjórn Lífeyrissjóðs verzlunarmanna hefur falið lögmönnum hagsmunagæslu vegna ágreinings við slitastjórnir Glitnis banka hf. annars vegar og Kaupþings banka hf. hins vegar vegna uppgjörs gjaldmiðlavarnarsamninga. Í frétt á heimasíðu sjóðsins segir að þrátt fyrir að í rúm þrjú ár hafi verið leitað samkomulags um lausn þessa ágreinings hafi ekki tekist að ná niðurstöðu. "Allra leiða verður leitað, með eða án atbeina dómstóla, til að tryggja best hagsmuni sjóðfélaga,“ segir ennfremur.

Bein útsending frá Nexpo-vefverðlaununum

Bein útsending frá Nexpo-vefverðlaununum á efri hæð Sólon við Bankastræti hefst hér á Vísi klukkan 20. Mikil eftirvænting ríkir fyrir afhendingunni en síðustu vikur hefur farið fram kosning meðal almennings hér á Vísi þar sem bárust ríflega 16 þúsund atkvæði.

Sekt á Símann lækkuð um 20 milljónir

Héraðsdómur Reykjavíkur staðfesti í morgun að Síminn skuli greiða sekt vegna brota sem voru framin þegar Síminn keypti Íslenska sjónvarpsfélagið, móðurfélag Skjás eins, árið 2004.

H&M draumur Íslendinga rætist ekki í bráð

Svo virðist sem H&M draumur Íslendinga rætist ekki í bráð. Eins og Vísir greindi frá í nótt var búið að birta auglýsingaskilti á glugga á Laugavegi, þar sem verslunin Sautján stóð áður, en á rúðunni stóð að til stæði að opna H&M verslun á Íslandi. "Þetta eru gjörningamenn sem eru búnir að festa McDonalds merki á einum stað og H&M á öðrum,“ segir Jakob Frímann Magnússon miðborgarstjóri. Upplýsingadeild H&M í Svíþjóð staðfestir líka í samtali við fréttastofu Stöðvar 2 og Vísis að engar fyrirætlanir séu um að opna verslun á Íslandi. Búið var að fjarlægja merkið úr glugganum þegar fréttastofu bar þar að garði í morgun.

Verðbólgan komin í 6,5%

Ársverðbólgan mælist nú 6,5% og hefur hækkað verulega frá því í desember þegar hún mældist 5,3%. Þessi hækkun er umfram spár sérfræðinga sem gerðu yfirleitt ráð fyrir að hún yrði 6,3%. Aukin verðbólga er einkum keyrð áfram af hækkunum á opinberum gjöldum.

Loðnukvótinn eykur landsframleiðsluna um eitt prósent

Mikill hugur er nú í loðnusjómönnum eftir ljóst varð í gær að endanlegur loðnukvóti íslenskra skipa fyrir vertíðina, sem hófst í haust og stendur nú sem hæst, verður tæp 600 þúsund tonn og hefur ekki verið meiri í áratug.

Boða opnun H&M á Íslandi

Svo virðist vera sem búið sé að ákveða að opna H&M verslanir á Íslandi. Í það minnsta hafði sjónarvottur samband við fréttamann á fréttastofu Stöðvar 2 og Vísis þegar að hann sá nú í kvöld að á Laugavegi, þar sem verslunin 17 var áður, er búið að hengja upp skilti þar sem opnun verslunarinnar er boðuð.

Taldi sig enga heimild hafa til að grípa inn í starfsemi bankanna

Geir H. Haarde fyrrverandi forsætisráðherra telur sig enga heimild hafa haft til að grípa inn í starfsemi bankanna í aðdraganda hrunsins. Þá hafi aðgerðir til að flytja bankanna úr landi verið óraunhæfar. Þetta er á meðal þess sem Geir ætlar að nota í vörn sinni þegar málið verður tekið fyrir.

Byggðamál að heimila sölu á áfengi í matvöruverslunum

Ef sala á áfengi yrði heimiluð í matvöruverslunum myndi það styrkja rekstur slíkra verslana á fámennum stöðum. Þetta segir Finnur Árnason, forstjóri Haga sem á og rekur verslanir á borð við Hagkaup og Bónus.

Hæstiréttur staðfesti kyrrsetningu á eignir Steingríms

Hæstiréttur staðfesti í dag kyrrsetningargerð sýslumannsins í Reykjavík gegn Steingrími P. Kárasyni, fyrrverandi framkvæmdastjóra hjá Kaupþingi.

Breytist í takt við breytt heilsufar þjóðarinnar

Stoðtækjafyrirtækið Stoð hf. heldur upp á þrjátíu ára afmæli á þessu ári. Til að halda upp á tímamótin stendur fyrirtækið fyrir opnum fræðslufundum allt árið og fer sá fyrsti fram í dag.