Bein útsending frá Nexpo-vefverðlaununum

Bein útsending frá Nexpo-vefverðlaununum á efri hæð Sólon við Bankastræti hefst hér á Vísi klukkan 20. Mikil eftirvænting ríkir fyrir afhendingunni en síðustu vikur hefur farið fram kosning meðal almennings hér á Vísi þar sem bárust ríflega 16 þúsund atkvæði.

Búast má við góðri stemmningu en þessa dagana byrjar hálfgert verðlaunatímabil hjá vefbranasanum. Í kvöld verða Nexpo-verðlaunin veitt, þar sem almenningur ræður för, og eftir viku verða verðlaun Samtaka vefiðnaðarins veitt, þar sem fagmenn ráða för.

Á sjónvarpssíðu Vísis má sjá upphafsatriði verðlaunaafhendingarinnar, þar sem vefgrínarinn Spandy Andy, tekur nokkur lauflétt spor.

Kynnir í kvöld verður fjölmiðlamaðurinn Helgi Seljan. Alls verða veitt verðlaun í átta flokkum: besti vefurinn, app ársins, herferð ársins, leikur ársins, bjartasta vonin, áhrifamest á samskiptamiðli, vefur ársins og vefhetjan. Hér fyrir neðan má sjá tilnefningarnar til flokkanna utan vefhetjunnar en fram að afhendingu er farið leynt með hver hlýtur þann heiður.

Aðdragandi Nexpo-verðlaunanna hefur að mestu leyti farið fram hér á Vísi. Í desember var almenningur hvattur til að tilnefna það sem honum hefur þótt skara fram úr í hverjum flokki fyrir sig. Þá bárust ríflega tvö þúsund tilnefningar sem dómnefnd tók við og raðaði niður í flokka eftir. Sjálf kosningin hefur síðan farið fram hér á Vísi síðustu vikur og bárust þá eins og áður sagði ríflega 16 þúsund atkvæði.



TILNEFNDIR TIL NEXPO-VEFVERÐLAUNANNA:

App ársins

Já

Meniga

Airwaves

Leggja

Moogies

Herferð ársins

TM

Síminn - Villi á ferð um landið

Iceland wants to be your friend

Icelandair - Uppáhaldsborg Íslendinga

Besta sparnaðarráð Íslandsbanka

Leikur ársins

Tiny Places

Moogies

Maxímús

Eve Online

Bjartasta vonin

BetriReykjavik.is

Live project

Mobilitus

Plain Vanilla

SARWeather.com

Vefur ársins

Datamarket

Stjörnur

Gogoyoko

Flick my life

Belgingur

Áhrifamesta fyrirtækið/vörumerki á samskiptamiðli

Anna Rósa Grasalæknir

Frú Lauga

Nói Siríus

Iceland wants to be your friend

Síminn

Dómnefnd skipa: Finnur Pálmi Magnússon, Rósa Stef, Þóranna K. Jónsdóttir, Þórarinn Hjálmarsson og Þorsteinn Már Gunnlaugsson.