Síminn segir upp 29 starfsmönnum

Alls hefur 29 starfsmönnum Símans verið sagt upp. Forsvarsmenn Símans kynntu fyrr í dag nýtt skipulag fyrirtækisins á fundi með starfsfólki. Deildir eru sameinaðar og stjórnendum og starfsfólki fækkar en áhersla er lögð á að þjónusta við viðskiptavini skerðist ekki við þessar breytingar.

Ekkert formlegt tilboð komið í Iceland, margir áhugasamir

Erlendur fjárfestingarsjóður sem lýst hafði yfir áhuga á að greiða jafnvirði 249 milljarða króna fyrir Iceland Foods verslanakeðjuna, hefur ekki gert formlegt tilboð ennþá. Það hefði þýtt tæplega 167 milljarða króna fyrir hlut skilanefndar Landsbankans í fyrirtækinu.

Segir verðbólguhorfur að mestu óbreyttar

Greining Íslandsbanka segir að verðbólgumæling Hagstofunnar í morgun breyti ekki í stórum dráttum sýn greiningarinnar á verðbólguþróun næstu mánuðina. Nokkur hækkun mun verða á vísitölunni fram til áramóta vegna frekari áhrifa af hækkun veitufyrirtækja og verðhækkunum á landbúnaðarhrávörum erlendis.

Fjörkippur í sölu atvinnuhúsnæðis á höfuðborgarsvæðinu

Í september 2010 var 47 skjölum (kaupsamningum og afsölum) um atvinnuhúsnæði á höfuðborgarsvæðinu þinglýst og 50 utan þess. Heildarfasteignamat seldra eigna á höfuðborgarsvæðinu var 1.955 milljónir króna en 566 milljónir króna utan þess. Um er að ræða um 50% aukningu frá fyrri mánuði hvað fjölda skjala varðar á höfuðborgarsvæðinu en um 30% hvað fasteignmat varðar.

Ársverðbólgan minnkar í 3,3%

Ársverðbólgan mælist 3,3% í október og lækkar um 0,4 prósentustig milli mánaða. Verðbólgan mældist 3,7% í september. Lækkunin nú er nokkuð minni en sérfræðingar höfðu spáð fyrir um.

Innflutningur á nautakjöti eykst töluvert milli ára

Samkvæmt upplýsingum frá Landssamtökum Sláturleyfishafa hefur innflutningur á nautakjöti til og með ágúst á þessu ári numið 95 tonnum, en á sama tíma árið 2009 var innflutningur nautakjöts kominn í 74 tonn. Er þetta aukning um 27% á milli ára.

Múrbúðin eykur umsvif sín

Múrbúðin hefur að undanförnu stóraukið þjónustu sína við byggingamarkaðinn. Deild fyrir grófvörur hefur verið opnuð í Kópavogi og jafnframt hefur Múrbúðin tekið til starfa í Vestmannaeyjum.

Lífeyrissjóðir töpuðu 70 milljörðum króna á gjaldeyrisvörnum

Rúmlega 70 milljarða króna tap lífeyrissjóða landsins vegna gjaldeyrisvarna miðast við að sáttatilboð Landssamtaka lífeyrissjóða verði samþykkt af skilanefndum bankanna. Tapið gæti því orðið mun meira.

Pálmi Haralds: Markmið Svavars virðist að sverta æru mína

Pálmi Haraldsson segir í yfirlýsingu að hann sé stoltur af aðkomu sinni að kaupum bresku verslunarkeðjunnar Iceland 2005. Hann segir framsetningu Svavars Halldórssonar fréttamanns RÚV í frétt sinni í gær virðast ekki hafa annað að markmiði en að sverta æru sína.

Lyfjakostnaður ríkisins lækkaði um hátt í þrjá milljarða

Breytingar sem gerðar hafa verið á greiðsluþátttöku ríkisins í lyfjakostnaði og fleiri aðgerðir hafa sparað þjóðarbúinu hátt á þriðja milljarð króna á ársgrundvelli.

Þrotabú Baugs vill rifta 100 milljón króna gjörningi

Héraðsdómur Reykjavíkur þingfesti í dag riftunarmáli þrotabús Baugs gegn Sparisjóði Reykjavíkur og nágrennis (SPRON) þar sem krafist er riftunar á hundrað milljón króna greiðslu til dótturfélags SPRON.

Icelandic Group hefur vottunarferli í þorsk- og ýsuveiðum

Icelandic Group hefur hafið vottunarferli í öllum þorsk- og ýsuveiðum við Ísland samkvæmt vottunarstaðli Marine Stewardship Council (MSC). Í tilkynningu frá fyrirtækinu segir að MSC - staðallinn sé sá víðtækasti og virtasti í heiminum yfir sjálfbærar fiskveiðar sem byggja á vísindalegri ráðgjöf.

Ríkisendurskoðun gagnrýnir verklag Alþingis

Ríkisendurskoðun hefur sent frá sér sjálfstæða ábendingu þar sem skrifstofa Alþingis er hvött til að endurskoða verklag sitt við verðfyrirspurnir og útboð.

Íslenskir neytendur hafa ekki verið svartsýnni í rúmt ár

Íslenskir neytendur hafa nú ekki verið svartsýnni í rúmt ár samkvæmt Væntingavísitölu Gallup í október sem birt var nú í morgun. Þannig hrapaði vísitalan um heil 35,7 stig milli mánaða og mælist nú 32 stig. Aðeins einu sinni áður hefur vísitalan lækkað svona mikið milli mánáða en það var í bankahruninu í nóvember árið 2008.

Efast um að gengisvarnir hafi verið eðlileg fjármálastjórnun

Hagfræðingur sem starfaði fyrir rannsóknarnefnd Alþingis dregur í efa að gengisvarnir lífeyrissjóðanna fyrir hrun hafi verið eðlileg fjármálastjórnun.

IFS greining spáir góðu uppgjöri hjá Marel

IFS greining spáir góðum þriðja fjórðungi hjá Marel en uppgjörið verður birt á morgun, miðvikudag. Samkvæmt spánni verður salan á fjórðungnum um 18% meiri en á sama fjórðungi í fyrra.

Pólitískur skotgrafarhernaður á Alþingi til umræðu hjá VÍ

„Í stað heildarsamstarfs um lausnir á erfiðri stöðu heimila og atvinnulífs hefur pólitískur skotgrafarhernaður því miður í of mörgum tilvikum orðið ofan á. Þá skortir ríkisstjórninni forystu og getu til að koma brýnum verkefnum í framkvæmd hjálparlaust.“

Rúmlega 7% heimila í vanskilum með húsnæðislán 2009

Samkvæmt lífskjararannsókn Hagstofunnar 2009 höfðu 7,1% heimila lent í vanskilum með húsnæðislán/leigu á undanförnum 12 mánuðum og 10,3% heimila höfðu lent í vanskilum með önnur lán á sama tímabili.

SA: Fyrirtækjum gert auðveldara að afla verkefna erlendis

Samtök atvinnulífsins (SA) vilja að fyrirtækjum í verktakagreininni og starfsmönnum þeirra verði gert auðveldara að afla sér verkefna erlendis. Þetta sé nauðsynlegt til að koma í veg fyrir verkefnaskort og atvinnuleysi meðal verktaka og að greinin leggist ekki af í bókstaflegri merkingu.

IBM kynnir öflugasta örgjörvan á ráðstefnu Nýherja

IBM mun kynna heimsins öflugasta örgjörva fyrir zEnterprise, nýja gerð af IBM stórtölvum, á ráðstefnu Nýherja á morgun.

Íslendingar í viðræðum við Rússa um stórt orkuver

Íslendingar og Rússar eiga nú í viðræðum um jarðvarmaorkuver á Kamstjaka í austasta hluta Rússlands. Þetta kom fram í máli Sergei Shmatko orkumálaráðherra Rússlands á ríkisstjórnarfundi þar í landi í gærdag.

Starfandi fólki fækkaði um 1.300 á þriðja ársfjórðungi

Fjöldi starfandi á þriðja ársfjórðungi 2010 var 170.200 manns og fækkaði um 1.300 frá sama tíma ári áður. Á vinnumarkaði voru alls 181.900 manns sem jafngildir 81,4% atvinnuþátttöku. Atvinnuþátttaka karla var 84,1% og kvenna 78,6%.

Atvinnuleysið var 6,4% á þriðja ársfjórðungi

Á þriðja ársfjórðungi 2010 voru að meðaltali 11.700 manns án vinnu og í atvinnuleit eða 6,4% vinnuaflsins. Atvinnuleysi mældist 6,1% hjá körlum og 6,8% hjá konum. Frá þriðja ársfjórðungi 2009 til þriðja ársfjórðungs 2010 fjölgaði atvinnulausum um 800 manns.

Uppgjör Össurar veldur smávægilegum vonbrigðum

Viðskiptablaðið Börsen segir að uppgjör Össurar hf. fyrir þriðja ársfjórðung hafi valdið smávægilegum vonbrigðum, eða "skuffer en smule" eins og það er orðað í blaðinu.

Eignir innlánsstofnana lækkuðu um 60 milljarða

Heildareignir innlánsstofnana námu 2.861 milljörðum kr. í lok september 2010 og lækkuðu um 59,8 milljarða kr. frá fyrri mánuði. Innlendar eignir lækkuðu um 76,8 milljarða kr en erlendar eignir hækkuðu um 17 milljarða kr.

Jón Ásgeir hafnar frétt RÚV

Fréttastofu barst rétt í þessu athugasemd frá Jóni Ásgeiri Jóhannessyni þar sem hann hafnar framsetningu Svavars Halldórssonar fréttamanns í frétt um bresku verslunarkeðjuna Iceland Foods fyrr í kvöld.

Hagnaður Össurar hf. 444 milljónir á þriðja ársfjórðungi

Össur hf. hagnaðist um 444 milljónir kr. á þriðja ársfjórðungi ársins. Þetta er 111 milljón kr. minni hagnaður en á sama tímabili í fyrra. Stjórn Össurar er samt ánægð með árangurinn.

Hrintu ekki áætlun Heiðars Más í framkvæmd

Félög Björgólfs Thors Björgólfssonar fóru ekki nema að litlu leyti að ráðum Heiðars Más Guðjónssonar um að byggja upp skortstöður á gjaldeyris- og hlutabréfamarkaði árið 2006. Þetta fullyrðir talsmaður Novators.

Seðlabankinn líklega sáttur við núverandi stöðu krónunnar

Líklegt er að seðlabankinn sé nokkuð sáttur við núverandi stöðu krónunnar, að hún sveiflist á þröngu bili á gildum sem tryggja góðan afgang af viðskiptum með vörur og þjónustu við útlönd.

Spáði að bankahrun yrði 2007

Heiðar Már Guðjónsson, fjárfestir og fyrrverandi framkvæmdastjóri Novators spáði fyrir um það árið 2006 að bankarnir gætu ekki fjármagnað sig árið 2007.

Heiðar Már: Viðskiptavinirnir grunlausir um áhættu

Heiðar Már Guðjónsson, fjárfestir og fyrrverandi framkvæmdastjóri Novators, segir í minnisblaði sem hann kynnti fyrir bankaráði Landsbankans og Björgólfi Thor Björgólfssyni í ársbyrjun 2006 að viðskiptavinir bankanna séu almennt grunlausir og hafi lítið hugsað út í áhættuna sem fylgi því að krónan veikist.

Fjöldauppsagnir framundan á uppsjávarskipunum

Svo kann að fara að nokkur hundruð undirmönnum á svo nefndum uppsjávarskipum verði sagt upp á næstunni, þar sem margt bendir til að þau verði verkefnalaus alveg fram á næsta sumar.

Heiðar Már vildi taka skortstöðu í íslenskum hlutabréfum

Heiðar Már Guðjónsson, fjárfestir og fyrrverandi starfsmaður Novators, lagði til í minnisblaði í byrjun árs 2006 að fyrirtæki í eigu Björgólfs Thors byggðu upp 20 milljarða króna skortstöðu í íslenskum hlutabréfum til að bregðast við ójafnvægi í hagkerfinu og minnka áhættu.

Nýr framkvæmdastjóri Íslenska dansflokksins

Sigrún Lilja Guðbjartsdóttir hefur verið ráðin sem framkvæmdarstjóri Íslenska dansflokksins. Sigrún Lilja er 42 ára hagfræðingur með Cand. Merc gráðu frá Viðskiptaháskólanum í Árósum.

Sævar Pétursson ráðinn verkefnisstjóri hjá Akureyrarbæ

Sævar Pétursson hefur verið ráðinn verkefnisstjóri atvinnumála hjá Akureyrarbæ. Starfshópur um atvinnumál mælti með ráðingu hans en umsækjendur voru 48.

Eignarýrnun/verðbólga eyðir allri millistéttinni á Íslandi

Innlend verðbólga og eignarýrnun mun að öllum líkindum eyða alveg allri millistétt Íslands. Landinu er haldið á floti af Alþjóðagjaldeyrissjóðnum, tæknilegum gjaldþrotum og gjaldeyrishöftum.

Landsbankinn lokaður, nema í Austurstræti

Í tilefni kvennafrídagsins hefur Landsbankinn ákveðið að loka öllum útibúum bankans kl. 14 í dag, nema útibúinu við Austurstræti þar sem hefðbundin þjónusta verður veitt. Í tilkynningu frá bankanum segir að þar verði þó einungis karlar við afgreiðslu.

Dráttarvextir óbreyttir á meðan aðrir vextir lækka

Seðlabanki Íslands hefur ákveðið að halda dráttarvöxtum óbreyttum á meðan að aðrir vextir lækka hjá bankanum.

Smábátasjómenn kanna stofnun eigin lífeyrissjóðs

Landssamband smábátasjómanna (LS) hefur falið framkvæmdastjóra sínum að kanna kosti þess og galla að stofna lífeyrissjóð smábátasjómanna. Þetta var samþykkt á aðalfundi LS fyrir helgina en mikil óánægja kom fram gagnvart lífeyrissjóðnum Gildi sem félagsmenn LS hafa hingað til greitt í.

Guðbjörg Edda Eggertsdóttir ráðin forstjóri Actavis

Guðbjörg Edda Eggertsdóttir verður forstjóri Actavis á Íslandi í kjölfar skipulagsbreytinga hjá félaginu, sem þegar hafa tekið gildi. Hún situr sem fyrr í framkvæmdastjórn Actavis Group og mun jafnframt stýra margvíslegum verkefnum á heimsvísu, m.a. í Japan, Kína, á Indlandi og víðar.

Ekki átti að rýra réttindin

Höfuðstólslækkun bílalána sem boðið var upp á hjá Íslandsbanka í byrjun árs gekk til baka í nokkrum tilvikum við endurútreikning lána eftir dóm Hæstaréttar í sumar. Búið er að birta endurútreikning í heimabanka fimm til sex þúsund viðskiptavina Íslandsbanka. Nokkrir viðskiptavina bankans hafa kvartað vegna málsins.

Vexti settar skorður í sjávarútvegi og orku

Fréttaskýring Hvaðan á hagvöxturinn að koma? Hagvöxtur hér á landi þarf nær örugglega að vera sprottinn af aukinni framleiðslu skiptanlegra gæða, en svo nefnist á máli hagfræðinnar varningur og þjónusta sem léttilega má flytja á milli landa. Þetta kemur fram í skýrslu sendinefndar Alþjóðagjaldeyrissjóðsins (AGS) í tengslum við þriðju endurskoðun efnahagsáætlunar Íslands.

Heiðar hótar málshöfðun gegn DV

Heiðar Már Guðjónsson, fyrrverandi starfsmaður Novators, ætlar að stefna DV fyrir meiðyrði verði fréttir, þess efnis að hann hafi skipulagt árás á íslensku krónuna árið 2007 ásamt alþjóðlegum vogunarsjóðum, ekki dregnar til baka.

Fulltrúar Bandaríkjanna og Kína á gjaldmiðlafundi

Timothy Geithner, fjármálaráðherra Bandaríkjanna, átti fund með fulltrúum kínverskra stjórnvalda vegna ágreinings um jenið, gjaldmiðil Kínverja.

Nýir fjárfestar koma í Ölgerðina

„Það var mjög gott að klára þetta til að eyða allri óvissu og geta horft fram á við,“ segir Andri Þór Guðmundsson, forstjóri Ölgerðarinnar, en fjárhagslegri endurskipulagningu fyrirtækisins, sem staðið hefur yfir frá í fyrra, er lokið. Við þetta eignast fagfjárfestingasjóðurinn Auður 1, sem heyrir undir Auði Capital, 36 prósenta hlut ásamt meðfjárfestum og Arion banki