Múrbúðin eykur umsvif sín

Múrbúðin hefur að undanförnu stóraukið þjónustu sína við byggingamarkaðinn. Deild fyrir grófvörur hefur verið opnuð í Kópavogi og jafnframt hefur Múrbúðin tekið til starfa í Vestmannaeyjum.

Í tilkynningu segir að múrbúðin Grófvara er að Smiðjuvegi 72 í Kópavogi, í sama húsi og Sólning. Þar fást m.a. gifsplötur og milliveggjastoðir, krossviður, spónaplötur, MDF, mótakrossviður og steinullareinangrun. Eftir nokkrar vikur hefst sala á byggingartimbri, bæði hefluðu og styrkleikaflokkuðu. Forstöðumaður Grófvörudeildar Múrbúðarinnar er Einar Gunnar Sigurðsson.

Múrbúðin í Vestmannaeyjum er staðsett á Flötum 29, þar sem verslunin Geisli var áður til húsa. Þórarinn Sigurðsson eigandi Geisla rekur verslun Múrbúðarinnar, sem býður sama verð og Múrbúðinn í Reykjavík. Verslunarstjóri er Aðalsteinn Jóhannsson.

Með versluninni í Vestmannaeyjum er Múrbúðin með starfsemi í átta verslunum á sex stöðum á landinu, á höfuðborgarsvæðinu, Akureyri, Suðurnesjum, Húsavík og Flúðum.