Fleiri fréttir

100 milljóna króna kröfu Baugs í SPRON hafnað

Héraðsdómur Reykjavíkur hefur hafnað 109 milljóna króna kröfu sem þrotabú Baugs Group lýsti í þrotabú SPRON. Krafan var gerð vegna riftunar á 100 milljóna króna greiðslu Baugs Group hf. sem innborgun á víxilskuld þann 22. desember 2008. Krafðist þrotabú Baugs þess að peningurinn yrði greiddur til baka auk vaxta. Héraðsdómur Reykjavíkur taldi að ekki væru fyrir hendi skilyrði til riftunar á greiðslunni og því er kröfu þrotabús Baugs í þrotabú SPRON hafnað.

Dótturfyrirtæki Actavis stóð sig best

Medis ehf, sem er dótturfyrirtæki Actavis, er það fyrirtæki sem sýndi hvað mesta árangur í rekstri fyrirtækja á Íslandi á síðasta ári að mati fyrirtækisins CreditInfo. CreiditInfo veitti í dag viðurkenningu til þeirra fyrirtækja sem sýndu framúrskarandi árangur í rekstri á síðasta ári og stóðust styrk og stöðugleikamat félagsins. Niðurstöðurnar byggja á ítarlegri greiningu sem Creditinfo vann að og veitir viðurkenningar til sigurvegara ár hvert.

Samkomulag um niðurskurð í Grikklandi

Grískir stjórnmálamenn hafa náð samkomulagi um niðurskurðaraðgerðir sem nauðsynlegt er að ráðast í til þess að landið geti fengið lánafyrirgreiðslu.

10-11 gerir samning við Advania

Rekstrarfélag Tíu ellefu ehf. hefur samið við Advania um heildarlausn í hugbúnaði, rekstri og þjónustu við upplýsingatækniumhverfi sitt. Í tilkynningu frá Advania segir að þar á meðal sé verslunarkerfið LS Retail og fjárhagslausnin Microsoft Dynamics NAV. "Við undirbúning samstarfsins var lögð mikil áhersla á áreiðanleika, hagkvæmni og öryggi hlutaðeigandi lausna."

Arion banka hótað dagssektum

Arion banki hefur frest til morgundagsins til þess að breyta skráningu á kennitölum við gjaldeyrisviðskipti ef fjárhæð þeirra er undir 1000 evrum. Bregðist bankinn ekki við þessu mun Persónuvernd leggja dagsektir á bankann vegna málsins. Þetta kemur fram í úrskurði Persónuverndar sem birtur var í dag.

Rauðar tölur á íslenska hlutabréfamarkaðnum

Gengi hlutabréfa í Icelandair Group, Marel og Össuri hefur lækkað skarplega í viðskiptum dagsins í íslensku kauphöllinni. Gengi bréfa í Icelandair hefur lækkað um 2,5 prósent og er gengið, þegar þetta er skrifað, 5,45.

Fimmtíu milljörðum punda varið í að örva hagvöxt

Breski seðlabankinn hefur ákveðið að verja fimmtíu milljörðum punda í að örva efnahagslífið og styðja við hagvöxt. Að þessu meðtöldu hefur bankinn þá sett um 325 milljarða punda inn í breskt efnahagslíf til þess að örva vöxt.

Aðalhagfræðingur: Grikkir munu svíkja gefin loforð

Grikkir munu ekki standa við neitt af þeim loforðum sem gefin verða Alþjóðagjaldeyrissjóðnum og Evrópusambandinu. Um leið og þeir hafa fengið nýjasta neyðarlán sitt munu Grikkir steingleyma öllu sem þeir lofuðu um niðurskurð og sparnað í rekstri hins opinbera þar í landi.

Hagnaður Danske Bank undir væntingum

Hagnaður Danske Bank nam 1,7 milljörðum danskra króna, eða um 37 milljarðar króna eftir skatta á síðasta ári. Þetta er töluvert minni hagnaður en sérfræðingar áttu von á.

Allt í hnút í Grikklandi

Forsætisráðherra Grikklands, Lucas Papademos, tókst ekki að ná samkomulagi við forystumenn grískra stjórnmálaafla um aðgerðir í ríkisfjármálum, til þess að geta fengið 130 milljarða evra neyðarlán frá Evrópusambandinu og Alþjóðagjaldeyrissjóðnum. Fundi í kvöld lauk án niðurstöðu, að því er segir á vef breska ríkisútvarpsins BBC.

Pétur Einarsson: Offramboð af viðskiptabankastarfsemi

Pétur Einarsson, forstjóri Straums sem er í viðtali í nýjasta þætti Klinksins á viðskiptavef Vísis, segir offramboð vera fyrir hendi á viðskiptabankastarfsemi hér á landi. Rekstrarkostnaður sé of mikill.

Pétur Einarsson: Mikilvægt að koma meiru fé í vinnu

Pétur Einarsson, forstjóri Straums, eina sérhæfða fjárfestingarbankans á Íslandi, segir að þrátt fyrir breyttar aðstæður frá því sem áður var séu næg verkefni fyrir hendi við að "koma fjármagninu í arðbæra vinnu“. Þar geti Straumur gegnt mikilvægu hlutverki.

Yfir 8 þúsund miðar hafa selst

Breska lággjaldaflugfélagið Easy Jet ætlar að fljúga til og frá Íslandi allan ársins hring. Yfir 8000 miðar hafa selst frá því að félagið opnaði fyrir sölu hingað til lands í nóvember síðastliðnum.

Gagnaverið Verne Global opnar í dag

Gagnaver Verne Global opnar í dag að Ásbrú í Reykjanesbæ. Það eru nú liðin tæp fjögur ár síðan fyrirtækið Verne Global keypti stórar byggingar af Þróunarfélagi Keflavíkurflugvallar.

Búast við stýrivaxtahækkun næst

Greining Íslandsbanka gerir ráð fyrir að peningastefnunefnd Seðlabankans ákveði að hækka stýrivexti sína á öðrum fjórðungi þessa árs um 0,25 prósentur. Nefndin muni samhliða því jafnframt gefa til kynna að fleiri vaxtahækkanir séu í pípunum. Nefndin hélt stýrivöxtum óbreyttum við ákvörðun sem tilkynnt var í morgun. Greining Íslandsbanka telur að verðbólguþróunin næsta kastið verði óhagstæðari en Seðlabankinn gerir ráð fyrir, meðal annars vegna gengisþróunar krónunnar og hugsanlega vegna meiri launaþrýstings en felst í spá bankans. Þetta muni knýja fram vaxtahækkunina að okkar mati.

Einn stjórnenda IBM heldur fyrirlestur í HR

Einn af leiðtogum IBM, Sandy Carter, heldur fyrirlestur í Háskóla Reykjavíkur í hádeginu í dag. Hún er hér á landi á vegum Nýherja og mun fjalla um það hvers vegna samfélagsmiðlar eru mikilvægir til framtíðar.

Fréttaviðtal: Greina orsakir til að læra af þeim

Danski hagfræðingurinn Jesper Rangvid var staddur hér á landi nýverið þar sem hann var gestaprófessor við viðskiptadeild Háskólans í Reykjavík. Rangvid, sem er prófessor við Viðskiptaháskóla Kaupmannahafnar, var nýverið skipaður formaður yfir rannsóknarnefnd sem mun freista þess að skýra hvort, og þá með hvaða hætti, innlendir áhrifaþættir höfðu áhrif á yfirstandandi erfiðleika fjámálalífsins þar í landi. Þó að ástandið í Danmörku sé langt í frá eins alvarlegt eða víðtækt eins og verið hefur hér á Íslandi, hafa fjármálastofnanir átt í miklum erfiðleikum. Eins og stendur hafa ellefu bankar orðið gjaldþrota frá hruninu haustið 2008.

Gæti falið í sér milljarða ávinning fyrir sjóðina

Lífeyrissjóðirnir munu fara fram á að dómskvaddir matsmenn verði fengnir til að leggja mat á það hvort gögn sem lögð voru fram í umdeildu skuldabréfaútboði Glitnis í mars 2008 hafi endurspeglað raunverulega stöðu bankans. Sjóðirnir vilja meina að þeir hafi verið blekktir til að kaupa víkjandi skuldabréf í útboðinu fyrir samtals 10,7 milljarða króna og hafa stefnt slitastjórn Glitnis vegna þessa. Undirbúningur að málarekstrinum hefur staðið yfir mánuðum saman.

Óformlegar viðræður um fjármögnun og verð

Formlegar söluviðræður við einn af bjóðendum í 77% hlut þrotabúa Landsbankans og Glitnis í Iceland Foods gætu hafist eftir viku til tíu daga, samkvæmt heimildum Markaðarins. Frestur til að skila inn bindandi tilboðum í hlutinn rann út um síðustu mánaðamót. Reuters-fréttastofan hefur fullyrt að tveir fjárfestingasjóðir, Bain Capital og BC Partners, hafi skilað inn tilboðum.

Gamla Sjóvá skilar litlu til kröfuhafa

Kröfuhafar SJ Eignarhaldsfélag, sem áður hét Sjóvá, hafa samþykkt nauðasamning félagsins. Í honum felst í raun að þeir fá um 7% af um 12 milljarða króna kröfum sínum, eða rúmlega 800 milljónir króna. Kröfuhafarnir, sem eru skilanefnd Glitnis, Landsbankinn, Eignasafn Seðlabanka Íslands (ESÍ) og Lífeyrissjóður starfsmanna ríkisins (LSR) höfðu hins vegar af því áhyggjur að sú háa tekjufærsla sem myndi myndast við gerð nauðasamningsins gæti haft í för með sér skattskuldbindingu sem félagið myndi ekki ráða við að greiða. Því gæti nauðasamningurinn í raun kallað gjaldþrot yfir gamla Sjóvá með tilheyrandi skiptakostnaði. Á því höfðu kröfuhafarnir fjórir ekki áhuga.

Mikil gróska í bjórframleiðslu á Íslandi

Bjórmenning á Íslandi hefur tekið stakkaskiptum á síðustu árum. Fjöldi og fjölbreytileiki íslensks bjórs hefur aukist mikið og þá hafa árstíðabundnar bjórtegundir orðið æ vinsælli. Um þessar mundir eru um 50 tegundir af íslenskum bjór í boði í Vínbúðum en voru ekki nema helmingur þess fyrir fáum árum. Þróunina má ekki síst rekja til tilkomu minni

Telur að hagur heimilanna muni vænkast

Hagkerfið á Íslandi er að taka við sér. Hagvöxtur er að aukast, atvinnuleysið fer hægt minnkandi en verðbólgan helst þó enn fremur há á þessu ári, en fer eftir það lækkandi. Staða heimilanna fer hægt batnandi og eru þau að byrja að rétta úr kútnum eftir þrengingar síðustu ára.

Veltan á fasteignamarkaði jókst um 74% milli ára

Fjöldi þinglýstra kaupsamninga um fasteignir við sýslumannsembættin á höfuðborgarsvæðinu í janúar 2012 var 372. Heildarvelta nam 11 milljörðum króna og meðalupphæð á hvern kaupsamning var 29,4 milljónir króna. Þetta er tæplega 70% aukning á fjölda samninga og tæplega 74% aukning á veltunni miðað við janúar í fyrra.

Meiri óvissa um verðbólgu

Meiri óvissa er um verðbólgu núna en áður var, segir Már Guðmundsson seðlabankastjóri. Hann kynnir nú forsendur að baki vaxtaákvörðunar bankans á fundi sem fram fer í húsnæði Seðlabankans.

Seðlabankinn spáir 2,5% hagvexti í ár

Á þessu ári er spáð 2,5% hagvexti, einkum fyrir tilstuðlan aukinnar fjárfestingar. Framlag einkaneyslu er auk þess nokkurt, þótt það sé umtalsvert minna en í fyrra.

Heimsmarkaðsverð á olíu hækkar að nýju

Heimsmarkaðsverð á olíu fer aftur hækkandi. Tunnan af bandarisku léttolíunni er komin í tæpa 100 dollara og hefur hækkað um tæp 4% á nokkrum dögum. Tunnan af Brentolíunni fór yfir 116 dollara markið í morgun.

Creditinfo veitir fyrirtækjum viðurkenningu

Creditinfo mun veita fimm íslenskum fyrirtækjum viðurkenningu fyrir framúrskarandi árangur þann 9. febrúar á Hótel Sögu. Oddný G. Harðardóttir fjármálaráðherra mun afhenda fyrirtækjunum viðurkenningu fyrir hönd Creditinfo. Er þetta annað árið í röð sem Creditinfo afhendir slíkar viðurkenningar til íslenskra fyrirtækja.

Markaður fyrir ódýrar kvikmyndir að stækka

Markaður fyrir ódýrar kvikmyndir hefur stækkað hratt undanfarin misseri í Bandaríkjunum. Í undantekningatilfellum borga dýrar kvikmyndir sig og er þá hægt að græða mikla ef vel tekst til.

Mikil fjölgun íslenskra ferðamanna í Danmörku

Ferðum Íslendinga til Danmerkur fjölgaði um nærri fimmtung á síðasta ári ef mið er tekið af þeim fjölda gistinátta sem hagstofa Dana merkir Íslendingum. Í heildina fjölgaði gistinóttum í Danmörku um þrjá af hundraði.

Nemendur fengu allir spjaldtölvur

Danska sveitarfélagið Odder spjaldtölvuvæddi alla grunnskólanema og kennara. Kennslubækurnar settar beint inn á tölvurnar frá forlögum. Nemendurnir himinlifandi. Kennararnir segja þá einbeittari.

Rífandi gangur hjá Icelandair í ársbyrjun

Fjöldi farþega hjá Icelandair jókst um 13% í janúar miðað við sama mánuð í fyrra.. Í tilkynningu segir að sætanýtingin í janúar hefur aldrei verið hærri í þeim mánuði en hún var rúm 69% og jókst um 3,5 prósentustig á milli ára.

Bensínverðið rýfur 250 króna múrinn

Skeljungur hækkaði bensínverð um fimm krónur á lítrann í gærkvöldi og kostar hann nú tæplega 251 krónu. Þetta er í fyrsta sinn sem bensínlítrinn fer í 250 krónur.

Rekstur Toyota gekk vonum framar

Rekstur japanska bílaframleiðandans Toyota gekk vonum fram á síðasta fjórðungi síðasta árs þrátt fyrir að hagnaður félagsins hafi dregist saman um 13,5 prósent miðað við sama tímabil árið á undan. Hagnaður Toyota var ríflega einn milljarður dala eða sem nemur 122 milljörðum króna. Búist hafði verið við því að hagnaðurinn myndi dragast meira saman en sú varð ekki raunin.

Stjórnendur Iceland Foods ekki spenntir fyrir eignastýringarsjóðum

Lykilstjórnendur Iceland Foods hafa ekki áhuga á að vinna hjá fyrirtækinu verði það í eigu eignastýringarsjóða en tveir slíkir skiluðu inn bindandi tilboðum í hlut slitastjórna Landsbankans og Glitnis í Iceland. Malcolm Walker, forstjóri Iceland, tengist hvorugum sjóðnum.

Hugsmiðjan með tvær bestu vefsíðurnar

Tvær bestu vefsíður síðasta árs að mati fagfólks í greininni komu úr smiðju sama aðila, veffyrirtækisins Hugsmiðjunnar. Þetta kemur fram í tilkynningu.

Búast við að staða heimilanna batni

ASÍ gerir ráð fyrir að hagvöxtur á nýliðnu ári hafi verið 3,1% eða nokkuð meiri en búist var við. Hann megi reki til aukningar í einkaneyslu og útfutningi. Almennt er gert ráð fyrir hægfara bata með um 1,4-2% hagvexti næstu þrjú ár.

Enn hækkar gengi bréfa í Icelandair

Gengi bréfa í Icelandair Group í kauphöllinni heldur áfram að hækka en gengið hefur hækkað um 1,83 prósent í dag og er það nú 5,55. Í gær hækkaði gengi bréfa félagsins um 2,83 prósent.

Sjá næstu 50 fréttir

Mest lesið