Kreditkortanotkun jókst töluvert í desember

Töluverð aukning varð á notkun kreditkorta í desember síðastliðnum miðað við sama mánuð árið áður.

Jón hafnar ábyrgð á milljarðaláni Baugs

Jón Ásgeir Jóhannesson segist engin afskipti eða áhrif hafa haft á stjórnarmenn Glitnis sem fjölluðu um fimmtán milljarða lánveitingu til Baugs í árslok 2007. Hann gagnrýnir slitastjórn bankans sem ætlar í skaðabótamál vegna lánsins.

Milljarður Facebook-notenda í ágúst

Facebook notendur munu verða milljarður talsins í ágúst á þessu ári. Rúmlega 800 milljón notendur eru skráðir á Facebook í dag.

Icelandair Group semur við Skýrr

Icelandair Group hefur samið við Skýrr um innleiðingu á Microsoft-heildarlausn fyrir tölvupóst og hópvinnu, skjöl, gæðamál og samskipti. Icelandair Group er 2.500 manna samstæða níu fyrirtækja í flugi og ferðaþjónustu, sem starfa um allan heim.

Seðlabankinn býðst til að kaupa evrur

Seðlabanki Íslands býðst til að kaupa evrur í skiptum fyrir íslenskar krónur til fjárfestingar til langs tíma í íslensku atvinnulífi eða gegn greiðslu í ríkisverðbréfum.

Tekjuaukningin nemur tæpum 69%

Tekjur af vörugjöldum á ökutækjum jukust um 68,7% á fyrstu ellefu mánuðum síðasta árs miðað við sama tímabil í fyrra. Þetta kemur fram í greinargerð um greiðsluafkomu ríkissjóðs fyrir fyrstu ellefu mánuði síðasta árs, sem hefur verið birtur á vef fjármálaráðuneytisins. Ástæðan er rakin til aukins innflutnings á bílum.

Horfa bjartari augum til framtíðar

Stjórnendur fyrirtækja virðast líta ögn bjartari augum til framtíðarinnar en áður var, samkvæmt niðurstöðum nýrrar könnunar Capacent fyrir Samtök atvinnulífsins og Seðlabankann.

Jón Ásgeir: Stefnan hluti af áróðursstríði

Jón Ásgeir Jóhannesson segir nýja stefnu slitastjórnar Glitnis gegn sér og átta fyrrum stjórnarmönnum bankans vera hluta af áróðursstríði. Lánið hafi verið afgreitt með eðlilegum hætti og fjöldi tölvupósta sanni það.

Opinberir stjórnendur geta ekki krafist sömu launa og í einkageiranum

"Menn geta ekki gert ráð fyrir því, ef þeir ráða sig í stjórnunarstöðu hjá íslenska ríkinu, að hafa laun sem eru sambærileg við laun í einkageiranum og í útlöndum,“ segir Mörður Árnason, þingmaður Samfylkingarinnar. Már Guðmundsson seðlabankastjóri hefur stefnt Seðlabanka Íslands vegna launamála. Hann telur að launin sem kjararáð hafi ákvarðað honum séu lægri en launin sem honum var heitið þegar gengið var frá skipun hans í starfið. Þá hefur Steinþór Pálsson, bankastjóri Landsbankans, og bankaráð bankans sagt að bankaráð en ekki kjararáð eigi að ákveða laun bankastjóra Landsbankans.

Árið í fyrra langstærsta ferðamannaár sögunnar

Nýliðið ár er langstærsta ferðamannaár í sögu landsins en þetta var löngu orðið ljóst, eða þegar tölurnar fyrir október síðastliðinn lágu fyrir. Þannig fóru um 541 þúsund erlendir ferðamenn úr landi um Leifsstöð á síðastliðnu ári samanborið við rúmlega 459 þúsund árið á undan.

Ísland tekur stórt bjartsýnisstökk á efnahagsástandið

Í könnun sem Gallup International gerði í lok síðastliðins árs meðal 51 lands er Ísland í fjórða sæti yfir þau lönd sem taka stærsta stökkið frá svartsýni á efnahagsástandið yfir í bjartsýni.

Árstíðarsveiflan í ferðaþjónustunni nemur 8 milljörðum

Árstíðarsveiflan í ferðaþjónustunni er það sterk að hún skapar um 8 milljarða kr. sveiflu í ferðamannagjaldeyri. Um er að ræða þann tíma sem tekjurnar vegna erlendra ferðamanna hér á landi eru sem mestar í júlí og ágúst þar til útgjöld Íslendinga erlendis eru hvað mest í október og nóvember, en í þeim mánuðum eru útgjöld erlendra ferðamanna hér einnig nálægt lágmarki.

Tæplega 1200 hross til fimmtán landa

Tæplega tólfhundruð hross voru flutt úr landi á síðasta ári. Hrossin, sem alls voru 1136, voru flutt til fimmtán landa að því er fram kemur á síðunni hestafrettir.is. Þar segir að langflest hafi hrossin farið til Þýskalands, eða 444 og virðist útflutningur þangað hafa aukist töluvert eftir samdráttarskeið. Þá segir einnig að næstflest hrossin hafi farið til Svíþjóðar, eða 151. Að síðustu segir að heildarfjöldi útfluttra hrossa árið áður hafi verið 1158.

Stórfelld svik Skota við makrílveiðar

Fjórir skipstjórar hafa játað fyrir yfirrétti í Edinborg að hafa veitt rangar upplýsingar um landaðan afla að verðmæti 8 milljónir punda eða um 1,5 milljarða kr. Áður höfðu 17 aðrir og tvö fiskvinnslufyrirtæki verið sakfelld fyrir sambærileg brot.

Bankaráðið vill fá að ákveða laun Steinþórs

Bankaráð Landsbanka Íslands vill að bankaráðið sjálft, en ekki kjararáð, úrskurði um laun bankastjórans. Þetta kemur fram í umsögn bankaráðsins við frumvarpi fjármálaráðherra um kjararáð, sem Steingrímur J. Sigfússon lagði fram 2. desember síðastliðinn, tæpum mánuði áður en hann sagði skilið við embættið.

Endurálagning RSK getur veitt náðarhögg

Sum þeirra fyrirtækja sem þurfa að greiða endurálagningu skatta gætu farið á hausinn. Greiða þarf skattaskuldina áður en endanleg niðurstaða fæst um lögmæti endurálagningarinnar. Vilhjálmur Egilsson segir málið bagalegt.

Góð söluaukning hjá House of Fraser

Breska verslunarkeðjan House of Fraser jók sölu sína um 11% á síðustu fimm vikunum fyrir síðustu jól samanborið við sama tímabil árið áður. Það sem einkum olli þessari söluaukningu var netverslun keðjunnar en þar jókst veltan um 124% milli ára.

Tugum tilkynnt um hleranir

Tugum einstaklinga hefur á síðustu vikum verið tilkynnt um símhleranir sérstaks saksóknara. Langur tími getur liðið frá því hlerað er þar til tilkynning berst. Símhleranirnar á gráu svæði segir hæstaréttarlögmaður.

Aflaverðmæti 19 skipa yfir 2 milljarðar í fyrra

Aflaverðmæti 19 íslenskra skipa á síðasta ári var yfir 2 milljarðar kr. á hvert skip. Þar af náðu fjögur skipana að fiska fyrir yfir 3 milljarða kr. og eitt yfir 4 milljarða kr.

Slitastjórn krefur níu manns um milljarða

Lárusi Welding, Jóni Ásgeiri Jóhannessyni og allri fyrrverandi stjórn Glitnis stefnt vegna fimmtán milljarða víkjandi láns til Baugs í árslok 2007. Lánið er til rannsóknar hjá sérstökum saksóknara. Tjónið er metið á sex og hálfan milljarð.

Auglýst eftir nær 50 starfsmönnum á Suðurlandi

Auglýst er eftir hátt í 50 starfsmönnum til starfa á Suðurlandi, í Dagskránni, fréttablaði Suðurlands, sem kemur út í dag.

Ætla að dæla 14 milljónum tunna af olíu á dag á markaðinn

Háttsettar heimildir innan Alþjóðlegu orkumálastofnunarinnar herma að þar sé nú rætt um áætlun sem feli í sér að 14 milljónir tunna af olíu verði settar á markað daglega ef Íranir gera alvöru úr hótunum sínum um að loka Hormuz sundi.

Heimsins stærsti iPod hátalari - iNuke

Hljómburðarunnendur geta fagnað því raftækjaframleiðandinn Behringer hefur opinberað stærsta iPod hátalara veraldar. Tækið er rúmlega 400 kíló að þyngd og kostar tæpar 4 milljónir íslenskar krónur.

Mugison hagnaðist um 22 milljónir á Hagléli

Tónlistarmaðurinn Örn Elías Guðmundsson, betur þekktur sem Mugison, græddi tæplega 22 milljónir á plötu sinni Haglél sem kom út fyrir jólin. Hann seldi um 28 þúsund diska.

Twitter og Google takast á

Talsmenn samskiptasíðunnar Twitter hafa lýst yfir óánægju með þær breytingar sem tæknifyrirtækið Google hefur gert á leitarvél sinni. Niðurstöður leitarvélarinnar munu nú birta upplýsingar af samskiptasíðunni Google+.

Kia Rio sópar að sér verðlaunum

Kia Motors er einn mest vaxandi bílaframleiðandi heims og sendir nú frá sér hvern endurhannaðan bílinn á fætur öðrum. Kia-bílarnir hafa fengið mikið lof fyrir flotta og nútímalega hönnun og hafa sópað til sín hönnunarverðlaunum víða um heim.

Ný kynslóð M-línunnar frá Mercedes Benz

Þriðja kynslóð M-línunnar frá Mercedes-Benz er væntanleg til Íslands í vikunni. M-línan setur ný viðmið í flokki jeppa vegna lítillar eldsneytisnotkunar og lítils koltvísýrings í útblæstri. Í nýju línunni lækkar eldsneytisnotkunin um allt að 28% miðað við

Skoda á Íslandi með hæstu markaðshlutdeild V-Evrópu

Tékkneski bílaframleiðandinn Skoda er sífellt að sækja í sig veðrið bæði hér heima og erlendis. Skoda Octavia var mest seldi bíllinn á Íslandi í fyrra og hefur markaðshlutdeildin aldrei verið meiri.

GT 86 er hugarfóstur nýs forstjóra Toyota

Nýr sportbíll sem nefnist GT 86 er væntanlegur í sumar. Hann er hugarfóstur hins nýja forstjóra Toyota sem hefur ástríðu fyrir bílum, enda er einn þeirra sem stofnaði Toyota forfaðir hans.

Byrjum árið á stórri bílasýningu

Bílasýning verður laugardaginn 14. janúar hjá öllum söluaðilum Toyota á Íslandi, á Nýbýlaveginum í Kópavogi, í Reykjanesbæ, á Selfossi og á Akureyri. Páll Þorsteinsson, upplýsingafulltrúi Toyota, er bjartsýnn á nýju ári.

Með 35 ára reynslu

Þótt Jóhann Berg Þorgeirsson, söluráðgjafi hjá fyrirtækjaþjónustu Ingvars Helgasonar og B&L, hafi bæst í hóp afbragðs starfsmanna fyrirtækisins um nýliðin áramót, er hann þó langt í frá nýr í faginu.

Spennandi, vandaðir fararskjótar

Það eru spennandi tímar fram undan hjá aðdáendum BMW, Land Rover og Range Rover á Íslandi. Ekki skemmir fyrir að framleiðendur þessa heimsþekktu bifreiða hafa mætt landsmönnum á miðri leið þegar kemur að buddunni.

Appelsínusafinn aldrei verið dýrari

Appelsínusafi hefur aldrei verið dýrari á heimsmörkuðum en nú um stundir. Helstu ástæður hækkunarinnar eru áhyggjur vegna safa frá Brasilíu sem sagður er innihalda ólöglegt sveppaeitur og nokkur kuldatíð í Flórída sem hefur áhrif á uppskeruna þar. Brasilía er stærsti framleiðandi appelsínusafa í heiminum og því koma fréttirnar af sveppaeitrinu sér illa fyrir útflytjendur. Appelsínusafi hefur hækkað um 25 prósent frá áramótum.

Berlingske hættir útgáfu fríblaðsins Urban

Fjölmiðlarisinn Berlingske Media í Danmörku hefur ákveðið að hætta útgáfu fríblaðsins Urban. Tilkynnt var um þetta á starfsmannafundi í dag en 87 starfsmönnum verður sagt upp. Ástæðan sem útfefandinn gefur eru sparðaðaraðgerðir. Síðasta tölublaðið kemur út á morgun en útgáfan hófst í september 2001. Á tímabili var blaðinu dreift í tæpum 200 þúsund eintökum.

Segja að ríkisstjórnin eigi eftir að uppfylla fjölmörg atriði

Samtök atvinnulífsins segja að 2/3 hluti þeirra atriða sem ríkisstjórnin hafi lofað að hrinda í framkvæmd við undirritun kjarasamninga hafi ekki náð fram að ganga. Alls hafi 24 mál af 36 ekki gengið eftir, 7 atriði hafi gengið eftir eins og talað var um og í fimm atriðum séu mál enn í gangi og gæti hugsanlega lokið farsællega. Þetta kemur fram í bréfi sem Samtök atvinnulífins rituðu Jóhönnu Sigurðardóttur forsætisráðherra í dag. Samtök atvinnulífsins segja afdrifaríkast að fjárfestingar í atvinnulífi og opinberar framkvæmdir hafi ekki aukist eins og lagt hafi verið upp með.

Smálánafyrirtæki sátt við ný lánalög

Innleiðing Evróputilskipunar um neytendalán skyldar smálánafyrirtæki til að gera greiðslumat á viðskiptavinum. Rekstur fyrirtækjanna gengur vel og þau skila hagnaði. Efnahags- og viðskiptaráðuneytið stefnir að því að leggja fram til umsagnar drög að frumvarpi um neytendalán í næsta mánuði. Með því verður innleidd Evróputilskipun um neytendalán sem eykur og skýrir réttindi neytenda og lánveitendum verður meðal annars gert að framkvæma greiðslumat áður en samið er um lán.

Kia Optima á leiðinni

Kia Optima er væntanlegur síðar á þessu ári en þar er um að ræða fallegan og spennandi bíl í C-stærðarflokki.

Gerum gott enn betra, öllum til góða

Bjarni Benediktsson er nýr aðstoðarframkvæmdastjóri þjónustusviðs hjá Ingvari Helgasyni og B&L. Hann segir fyrirmyndarþjónustu vera í brennidepli hjá fyrirtækinu sem aldrei fyrr.

Enn betri Avensis

Toyota Avensis er að koma út í nýrri og endurbættri útgáfu. „Þetta er kannski ekki alveg ný kynslóð af Avensis en hann er talsvert breyttur,“ segir Páll Þorsteinsson, upplýsingafulltrúi Toyota, og nefnir endurbætta fjöðrun og stýrisbúnað, aukna hljóðeinangrun og endurhönnun á sætum og mælaborði.

Tveir nýir frá Hyundai og ný fólksbílalína frá Renault

Í vetur koma tveir nýir bílar til landsins úr smiðju Hyundai. Annars vegar fólksbíllinn i30 og hins vegar i40 sem tekur við af Hyundai Sonata. Þá kynnir Ingvar Helgason nýja fólksbílalínu frá Renault í janúar.

Spennandi nýjungar í boði

Nokkrar nýjungar verða í boði hjá Subaru og Nissan þetta árið. Subaru XV sportjeppinn er glæsilegur á að líta og umhverfisvænn. Þá er von á nýjum dísilvélum í Nissan Qashqai í febrúar. Rúnar Bridde sölustjóri veit meira.

Grænu bílalánin njóta vinsælda hjá viðskiptavinum Ergo

Hækkandi eldsneytisverð hefur leitt til þess að bílaframleiðendur sjá hag sinn í framleiðslu sparneytinna bíla sem menga minna. Ergo styður þessa þróun og býður viðskiptavinum svokölluð græn lán til kaupa á slíkum bílum.

Lífeyrissjóðirnir telja að fjárfestingarkostum fjölgi

Ríkisskuldabréf verða líklega áfram fyrirferðarmikil í fjárfestingum lífeyrissjóða á árinu 2012. Sjóðirnir telja þó líklegt að fjárfestingarmöguleikum fjölgi á árinu. Greiningaraðilar telja að krafa á ríkisbréf lækki vegna minni fjárþarfar ríkissjóðs en lítið breyttrar eftirspurnar.Árin frá hruni hafa verið gjöful á skuldabréfamarkaði. Til marks um það hefur ríkisskuldabréfavísitala ráðgjafar- og fjárfestingarfyrirtækisins Gamma rúmlega tvöfaldast frá upphafi árs 2008. Það jafngildir meðalraunávöxtun upp á 11,3 prósent á ári frá byrjun 2008.

Samþykktu samruna Tinda við Auði Capital

Fjármálaeftirlitið hefur samþykkt samruna Tinda Verðbréfa hf. við Auði Capital. Félögin munu héðan í frá starfa undir nafni Auðar Capital.

Veldu bestu vefsíður ársins - kosning hafin til Nexpo-vefverðlaunanna

Lesendum Vísis gefst nú kostur á að velja það sem hefur vakið athygli þeirra og aðdáun á vafri þeirra um vefheima síðustu misseri. Fram til 25. janúar verður opið fyrir atkvæði almennings til Nexpo-vefverðlaunanna á slóðinni visir.is/nexpo.