Michael Porter kynnir rannsóknina

Skrifað hefur verið undir samkomulag milli ráðgjafarfyrirtækisins Gekon og Arion banka um að bankinn verði aðalbakhjarl rannsóknar á klasamyndun í íslenskum jarðvarmageira. Rannsóknin sem er unnin undir forystu dr. Michael Porter, prófessors við Harvard-viðskiptaháskólann, verður kynnt á ráðstefnu í Háskólabíói 1. nóvember næstkomandi.

Landsvirkjun skuldlaus á tíu árum

Hætti Landsvirkjun öllum fjárfestingum getur fyrirtækið greitt upp allar sínar erlendu skuldir á tíu árum. Grípi Orkuveita Reykjavíkur (OR) til sömu ráða tekur það fyrirtækið fimmtán ár að komast á núllið. Þetta er mat Árna Tómas­sonar, endurskoðanda og formanns skilanefndar Glitnis.

Fara ótroðnar slóðir

Ein af athyglisverðustu nýjungunum í íslenskum ferðamannaiðnaði er bílaleigan CheapJeep, sem hefur vaxið ævintýralega á því rúma ári sem hún hefur starfað. Sérstaða hennar liggur í bílakostinum, þar sem aðstandendur fyrirtækisins fóru frekar ótroðnar slóðir.

Óheimilt að greiða þóknanir

Óheimilt er að ráðstafa iðgjöldum þeirra viðskiptavina sem eru með viðbótarlífeyrissparnað með öðrum hætti en í beinan sparnað, samkvæmt fjármálaráðuneytinu. Þeim aðilum sem haga samningum sínum svo, eins og Arion banka og KB ráðgjöf, hefur verið gerð grein fyrir því, samkvæmt upplýsingum frá ráðuneytinu.

Blómarækt í hættu með inngöngu í ESB

Garðyrkjubændur gjalda varhug við aðild Íslands að Evrópusambandinu (ESB) og telja nýja skýrslu, sem Hagfræðistofnun Háskóla Íslands vann að beiðni Sambands garðyrkjubænda, sýna fram á möguleg neikvæð áhrif ESB-aðildar á greinina.

Áhrif kreppunnar á starfsemi Íbúðalánasjóðs

Málefni Íbúðalánasjóðs hefur nokkuð borið á góma í fjölmiðlum undanfarið. Sjóðurinn yfirtók verkefni Húsnæðisstofnunar með lögum nr. 44/1998 um húsnæðismál og tók til starfa í upphafi ársins 1999. Afkoma sjóðsins var jákvæð frá stofnun hans allt til miðs árs 2008 að einu ári undan­skildu. Eiginfjárhlutfall hans jókst jafnt og þétt á þessum árum og var komið upp í 8 prósent um mitt ár 2008.

Lífeyrissjóðirnir töpuðu þremur til fjórum árum í efnahagshruninu.

Haldi lífeyrissjóðirnir áfram að vaxa með sama hraða og þeir hafa gert eftir hrun íslensku bankanna er líklegt að þeir nái sama raunstyrk og fyrr eftir 12 til 24 mánuði, að því er fram kemur í 31. tölublaði í efnahagsritsins Vísbendingar. „Þetta þýðir að í hruninu hafa þurrkast út þrjú til fjögur ár,“ segir þar jafnframt.

Auður Capital ávaxtar pund lífeyrissjóða

Nokkrir af helstu lífeyrissjóðum landsins settu, ásamt öðrum, fjármagn í stýringu í fagfjárfestingarsjóðnum Auði 1 hjá Auði Capital á vordögum 2008. Sjóðurinn hefur yfir að ráða 3,2 milljörðum króna og hefur hann til þessa varið tæplega helmingi fjárhæðarinnar ýmist til kaupa á fyrirtækjum í heild sinni eða stórum hlut í þeim. Í fjárfestingar­stefnu sjóðsins kemur fram að miðað sé við að fyrirtækin hafi þriggja til fimm ára rekstrarsögu, mikla vaxtarmöguleika og séu ýmist í eigu eða undir stjórn kvenna.

Almenningi hleypt inn á skuldabréfamarkað

Kauphöllin á Íslandi (Nasdaq OMX) vinnur að mótun markaðar þar sem almennir fjárfestar geta átt viðskipti með skuldabréf fyrirtækja. Fram til þessa hafa fyrirtæki eingöngu selt fagfjárfestum skuldabréf sín.

Átta fyrirtæki fengu 55 milljarða afskrifaða

Í skýrslu eftirlitsnefndar með sérstækri skuldaaðlögun kemur fram að bankarnir höfðu 30. júní síðastliðinn fellt niður skuldir hjá átta fyrirtækjum upp á samtals 54,7 milljarða króna. Ekki kemur fram í skýrslunni hvaða fyrirtæki þetta eru.

Bankastjóri Landsbankans segir flöskuhálsinn hjá hinu opinbera

Bankastjóri Landsbankans segir gagnrýni forsætisráðherra um úrræði bankanna ómaklega og hafnar því alfarið að bankarnir hafi brugðist skuldurum. Sértæk skuldaaðlögun sé úrræði sem sé flókið og langt, það útskýri hversu fáir hafi fengið úrlausn.

Börsen: Íslendingar fá 20 milljarða aukalega frá FIH

Viðskiptasíðan börsen.dk segir að sökum þess hve markaðsskráning skartgripaframleiðendans Pandóru gekk vel í dag sé allt útlit fyrir að Seðlabanki Íslands og skilanefnd Kaupþings fá einn milljarð danskra kr, eða 20 milljarða kr. aukalega fyrir söluna á FIH bankanum.

Arion banki segir umtalsverðan árangur hafa náðst

Arion banki segir umtalsverðan árangur hafi náðst innan bankans í úrlausnarmálum einstaklinga og fyrirtækja. Þetta segir tilkynningu sem bankinn sendi frá sér vegna orða forsætisráðherra í stefnuræðu sinni í gær. Bankinn segir að vissulega væri óskandi að árangur væri enn meiri en hér séu á ferðinni flókin og tímafrek úrlausnarefni þar sem vanda þurfi til verka.

Raungengi krónunnar heldur áfram að hækka

Raungengi íslensku krónunnar hækkaði um 0,9% í september síðastliðnum á mælikvarða hlutfallslegs verðlags. Raungengið hefur hækkað samfellt milli mánaða, að júlí undanskildum, síðan í nóvember á síðasta ári og endurspeglar það hækkun nafngengis krónunnar á þeim tíma.

Tilboð opnuð í vél- og rafbúnað Búðarhálsvirkjunar

Tilboð verða opnuð kl. 15:00 í dag í vél- og rafbúnað Búðarhálsvirkjunar, í húsakynnum Landsvirkjunar Háaleitisbraut 68, 103 Reykjavík. Um er að ræða lokað útboð sem var auglýst á Evrópska efnahagssvæðinu eins og skylt er að gera um verk af þessu tagi.

Axcel hagnast um 280 milljarða á Pandóru

Fjárfestingarsjóðurinn Axcel III hefur hagnast um 14 milljarða danskra kr. eða um 280 milljarða kr. á skráningu skartgripaframleiðandans Pandóru á markað í Kaupmannahöfn í dag. Meðal eigenda Axcel er FIH bankinn og munu bæði Seðlabanki Íslands og skilanefnd Kaupþings njóta góðs af ótrúlegu gengi Pandóru.

Ráðuneyti: Flöt niðurfærsla skulda ekki skynsamleg leið

Flöt niðurfærsla skulda er ekki skynsamleg að mati efnahags- og viðskiptaráðuneytisins sem hefur lagt fram á Alþingi þjóðhagsáætlun sína fyrir árið 2011. Þar er meðal annars rætt um skuldavanda heimila og fyrirtækja.

Slegist um hluti í Pandóru í kauphöllinni í Kaupmannahöfn

Slegist hefur verið um hluti í skartgripafyrirtækinu Pandóru í kauphöllinni í Kaupmannahöfn í morgun. Verð á hlut er komið í 245,5 danskar kr. en það byrjaði daginn í 210 dönskum kr.

Gistinóttum fækkaði um 9% milli ára í ágúst

Gistinætur á hótelum í ágúst síðastliðnum voru 187.700 en voru 205.200 í sama mánuði árið 2009. Þetta er fækkun um 9% milli ára.

Lán Umtaks eru fallin í gjalddaga

N1 hf upplýsir að lán Umtaks fasteignafélags ehf eru fallin í gjalddaga. Þetta kemur fram í tilkynningu til Kauphallarinnar. Umtak er í eigu N1.

Seðlabankinn keypti ríflega helminginn af gjaldeyrinum

Velta á millibankamarkaði í septembermánuði nam 2.594 milljónum kr. sem er 982 milljóna kr. meiri velta en í ágúst mánuði.

Viðskiptavinir flýja frá Eik Banki í hrönnum

Viðskiptavinir Eik Banki í Færeyjum og Danmörku flýja nú bankan í hrönnum. Á síðustu dögum hefur um einn milljarður danskra króna, eða um 20 milljarðar króna streymt út af innlánsreikningum bankans.

Frekari skattahækkanir framundan á næstu árum

Greining Arion banka telur að samkvæmt langtímaáætlun stjórnvalda um fjármál ríkisins sé verið að boða frekari skattahækkanir á árunum 2012 og 2013. Þetta kemur fram í Markaðspunktum greiningarinnar þar sem fjallað er um fjárlagafrumvarpið fyrir næsta ár.

Kynna þarf úrræðin betur

AGS segir að slá þurfi á væntingar um frekari opinberar aðgerðir eða skuldaleiðréttingu vegna fólks í vanda. Stjórnvöld hafa verið of hógvær í að kynna fyrirliggjandi úrræði, segir yfirmaður sendinefndar AGS. Hann segir að efla þurfi fjárfestingu, en árét

Sala á tónlist dregst saman um helming

Sala á erlendri tónlist hefur dregist saman um meira en helming á síðustu árum. Rúmlega 820 þúsund eintök af hljómplötum seldust hér á landi árið 2005 og dróst salan saman um helming á næstu árum en um 420 þúsund eintök seldust á síðasta ári. Ástæðan er ólöglegt niðurhal.

Stjórnvöld lofa Strauss-Kahn að fara ekki í flatar afskriftir

Stjórnvöld útiloka flatar afskriftir á skuldum heimila landsins. Þá verður ekki boðið upp á frekari úrræði til handa skuldugum heimilum. Þetta kemur fram í viljayfirlýsingu forsætisráðherra, fjármálaráðherra, viðskiptaráðherra og seðlabankastjóra til Dominique Strauss-Kahn, framkvæmdastjóra Alþjóðagjaldeyrissjóðsins.

Kynnir rannsókn á klasamyndun í íslenskum jarðvarmageira

Höfundur hinnar svokölluðu klasakenningar mun kynna rannsókn á klasamyndun í íslenskum jarðvarmageira á ráðstefnu í Háskólabíói 1. nóvember næstkomandi.

Jöfn kynjahlutföll í Landsbankanum

Landsbankinn hefur lokið ráðningu í stöður framkvæmdastjóra í bankanum , en allar stöður þeirra voru auglýstar lausar til umsóknar nýverið. Nálega 300 umsóknir bárust um stöðurnar átta.

AGS: Gengisdómar kosta ríkissjóð rúma 20 milljarða

Ríkið þarf væntanlega að leggja bönkunum til yfir 20 milljarða króna vegna dóms Hæstaréttar um gengistryggð lán. Þetta kemur fram í nýrri skýrslu frá Alþjóðagjaldeyrissjóðnum. Í skýrslunni segir að bankarnir hafi ekki búist við að gengistryggð lán yrðu dæmd ólögmæt í Hæstarétti.

Íbúðalánasjóður þarf tugi milljarða

Ríkið þarf að leggja Íbúðalánasjóði til á bilinu 30 til 45 milljarða í lok ársins. Þetta kemur fram í skýrslu sendinefndar AGS. Þar segir að bráðabirgðamat sérfræðinga sýni að Íbúðalánasjóður þurfi framlag upp á 2 til 3% af landsframleiðslu til að eigið fé sjóðsins haldist yfir lágmarkskröfum.

Icesave samkomulag í sjónmáli

Íslensk stjórnvöld hafa tilkynnt Alþjóðagjaldeyrissjóðnum að viðræður við Breta og Hollendinga um lausn Icesave deilunnar hafi verið árangusríkar á síðustu vikum og stefni allt í að samkomulag náist í málinu. Viðræðurnar snúist um á hvaða kjörum endurgreiðsla til breska og hollenska ríkisins vegna lágmarkstryggingar á Icesave innistæðum fari fram.

AGS: Hagvöxtur 3% á næsta ári

Alþjóðagjaldeyrissjóðurinn spáir 3% hagvexti á Íslandi á næsta ári og telur að verðbólga haldi áfram að hjaðna. Spáir sjóðurinn því að tólf mánaða verðbólga verði komin niður fyrir 5% í lok næsta árs. Þetta kemur fram í skýrslu sendinefndar sjóðsins í kjölfar þriðju endurskoðunar á efnahagsáætlun Íslands.

Greining Íslandsbanka segir fjárlagafrumvarpið ekki koma á óvart

Greining Íslandsbanka segir að fjárlagafrumvarp ársins fyrir næsta ár sé í stórum dráttum í takti við það sem búast mátti við. Til þess að tryggja að ríkisfjármálin verði aftur sjálfbær verði farin blönduð leið aukinnar tekjuöflunar og samdráttar í útgjöldum en að þessu sinni verði þó þungi aðgerðanna að mestu á útgjaldahliðinni.

Gullöld tekur við af olíuævintýrinu í Noregi

Ný gullöld, bókstaflega talað, mun taka við af olíuævintýrinu í Noregi þegar olíuna þrýtur undan ströndum landsins. Norsk stjórnvöld hafa ákveðið að verja 100 milljónum norskra kr. eða um 2 milljörðum kr. til gulleitar í norðurhluta landsins á næstu fjórum árum.

Fyrrverandi framkvæmdastjóri hjá Kaupþingi verst gjaldþroti

Gjaldþrot blasir við Bjarka Diego, fyrrverandi framkvæmdastjóra hjá Kaupþingi, nái úrskurður Ríkisskattstjóra um skattlagningu á söluréttasamningum af hlutabréfum í Kaupþingi fram að ganga. Samningana gerði Bjarki þegar að hann starfaði hjá bankanum. Hann hefur stefnt Ríkisskattstjóra vegna málsins og fer aðalmeðferð fram í málinu í dag.

Kreppan bítur fast í spilavítin í Las Vegas

Kreppan hefur bitið sig fast í spilavítin í Las Vegas. Atvinnuleysi í borginni er hið mesta í Bandaríkjunum eða 14,7% og nú hefur enn eitt stórspilavítið tilkynnt lokun með uppsögnum 400 starfsmanna.

ESA fellir niður mál gegn Reykjavíkurhöfn

ESA, Eftirlitsstofnun EFTA, hefur ákveðið að fella niður kærmál gegn Reykjavíkurhöfn en kæran snérist um hvort höfnin hafi notið ólögmætrar opinberrar aðstoðar.

Leynd létt hjá IKEA, hagnaðurinn í fyrra 390 milljarðar

Hagnaður sænska húsgagnarisans IKEA á síðasta ári nam 2,5 milljörðum evra eða rétt tæpum 390 milljörðum kr. eftir skatta. Þetta er í fyrsta sinn síðan 1943 sem IKEA gefur út opinberlega tölur um afkomu sína.

Ráðstöfunartekjur heimila lækkuðu um 5,4% milli ára

Ráðstöfunartekjur heimilageirans eru taldar hafa lækkað árið 2009 um 5,4% frá fyrra ári.

Ekkert lát á holskeflu gjaldþrota hjá fyrirtækjum í Danmörku

Ekkert lát er á holskeflu gjaldþrota hjá fyrirtækjum í Danmörku. Samkvæmt nýjum tölum urðu 583 fyrirtæki gjaldþrota í september en þetta er 20% aukning frá sama mánuði í fyrra.

Wall Street stjarna hagnaðist vel á hlutabréfakaupum

Shia LaBeouf annar aðalleikaranna í myndinni Wall Street: Money Never Sleeps hefur hagnast um tugi milljóna króna á hlutabréfakaupum.

Verð á hótelgistingu lækkaði um 14% í sumar

Verð á hótetgistingu á Íslandi hefur lækkað um 14% í sumar miða við sumarið í fyrra og gætir þar að mestu áhrifa frá eldgosinu í Eyjafjallajökli.

Íslendingur í Svíþjóð fær ekki sparifé í bílakaup

„Ef þessi upphæð ógnar stöðugleika í gengis- og peningamálum á Íslandi þá er staðan mun verri þarna heima en ég gerði mér grein fyrir. Það er bæði óskiljanlegt og óréttlátt að beiðni minni hafi verið hafnað,“ segir Vilhjálmur Baldursson vélfræðingur, sem búsettur er í Svíþjóð. Hann sótti um undanþágu frá reglum um gjaldeyrismál til Seðlabanka Íslands til að færa hluta af sparifé sínu til Svíþjóðar.

Orkuverð hækkaði um mánaðamótin

Orkuveita Reykjavíkur hækkaði raforkuverð um 11% þann 1. október síðastliðinn eins og boðað hafði verið. Á vef Orkuvaktarinnar kemur fram að Orkubú Vestfjarða hafi einnig hækkað raforkuverð um 5,3%. Þetta er í annað sinn á árinu sem þessir orkusalar hækka verð. Orkubú Vestfjarða býður hagstæðasta verð á almennum orkutaxta samkvæmt tölum Orkustofnunar, betri kjör en Fallorka, HS Orka, Orkusalan og Orkuveita Reykjavíkur.

Atvinnuleysi minnkar um mitt næsta ár

Atvinnuleysi hér á landi mun ekki taka að lækka að marki fyrr en um mitt ár 2011, segir í fjárlagafrumvarpi sem kynnt var fyrir fjölmiðlamönnum á föstudaginn.