Ráðuneyti: Flöt niðurfærsla skulda ekki skynsamleg leið

Flöt niðurfærsla skulda er ekki skynsamleg að mati efnahags- og viðskiptaráðuneytiðsins sem hefur lagt fram á Alþingi þjóðhagsáætlun sína fyrir árið 2011. Þar er meðal annars rætt um skuldavanda heimila og fyrirtækja.

„Þrátt fyrir að aðlögun skulda heimila sé mikilvæg er ljóst að flöt niðurfærsla skulda er ekki skynsamleg leið til þess að bæta fjárhagsstöðu almennings," segir í áætluninni.

„Annars vegar vegna þess að langstærstur hluti skulda almennings er í eigu ríkissjóðs í gegnum Íbúðalánasjóð en lækkun á eignum Íbúðalánasjóðs þyrfti að fjármagna með eiginfjárframlagi ríkissjóðs sem væri fjármagnað að endingu með hærri sköttum á almenning.

Hins vegar dregur flatur niðurskurður úr getu fjármálakerfisins og ríkissjóðs til þess að aðstoða þá sem raunverulega þurfa á fjárhagsaðstoð og niðurfærslu skulda að halda."

Sjá nánar hér:

http://www.althingi.is/altext/139/s/0002.html