Vísitala íbúðaverðs í borginni hækkaði um 1,9% í maí

Vísitala íbúðaverðs á höfuðborgarsvæðinu var 308,9 stig í maí 2010 og hækkar um 1,9% frá fyrra mánuði.

Milljónasamningur í höfn

Bandaríska fyrirtækið Ticketmaster hefur tekið í notkun farsímaviðmót frá íslenska sprotafyrirtækinu Mobilitusi. Viðmótið var tekið í notkun í Bandaríkjunum í gær, en síðan verður bætt við nýju landi hálfsmánaðarlega fram á haust.

Slitasjórn Straums vill rifta samningi við Íbúðalánasjóð

Slitastjórn Straums telur að samningur sem Íbúðalánasjóður gerði við fjárfestingarbankann eftir fall bankanna í október 2008 fela í sér ívilnun fyrir sjóðinn og krefst riftunar á honum.

LV kaupir í Icelandair fyrir milljarð

Í dag gerði Lífeyrissjóður verzlunarmanna bindandi samkomulag við Icelandair Group hf. um að sjóðurinn muni fjárfesta í fyrirtækinu fyrir 1 milljarð króna og eignast með því 12% hlut í félaginu. Lífeyrissjóður verzlunarmanna mun skrá sig fyrir 400 milljónum nýrra hluta á genginu 2,5 – alls fyrir 1 milljarð króna, segir í tilkynningu.

Meðaldagur á skuldabréfamarkaðinum

Skuldabréfavísitalan GAMMA: GBI lækkaði um 0,1% í dag í 9,3 milljarða kr. viðskiptum. GAMMAi: Verðtryggt lækkaði um 0,3% í 2 milljarða kr. viðskiptum og GAMMAxi: Óverðtryggt hækkaði um 0,1% í 7,3 milljarða kr. viðskiptum.

Mál Dekabank gegn íslenska ríkinu fær dómsmeðferð

Hæstiréttur hefur fellt úr gildi úrskurð héraðsdóms og dæmt að þýski bankinn Dekabank eigi að fá efnismeðferð í héraðsdómi í máli sínu gegn íslenska ríkinu. Héraðsdómur Reykjavíkur hafði úrskurðað að málinu bæri að vísa frá dómi.

Fitch ratings lækkar lánshæfiseinkunn BP

Matsfyrirtækið Fitch ratings hefur lækkað lánshæfiseinkunn BP olíufélagsins verulega eða úr AA og niður í BBB. Er einkunin því aðeins tveimur þrepum frá svokölluðum ruslflokki.

Champs Élysées orðin dýrasta verslunargata heimsins

Hin þekkta breiðgata í París, Champs Élysées, orðin dýrasta verslunargata heimsins og hefur náð þeim titli af Fifth Avenue í New York.

Merkel og Sarkozy ítreka alþjóðlegan bankaskatt

Angela Merkel kanslari Þýskalands og Nicolas Sarkozy forseti Frakklands hafa ítrekað óskir sínar um að komið verði á fót alþjóðlegum bankaskatti. Skattinum er ætlað að koma í veg fyrir að bankahrun lendi á skattborgurum þess lands þar sem slíkt gerist.

Kínverjar undirbúa miklar fjárfestingar í Grikklandi

Kínverjar eru nú að undirbúa fjárfestingar upp á nokkra milljarða evra í Grikklandi. Þeir hafa einkum hug á skipafélögum, flutningsfyrirtækjum og flugvöllum að því er segir í frétt um málið í Financial Times.

Guðmundur segir nýtt mat S&P ekki koma á óvart

Guðmundur Bjarnason, framkvæmdastjóri Íbúðalánasjóðs, segir nýtt lánshæfismat Standard & Poors (S&P) ekki koma á óvart.

Spáir meiri samdrætti þjóðarútgjalda en aðrir

Hagstofan gerir ráð fyrir að þjóðarútgjöld muni dragast saman um 3,3% á árinu sem er nokkuð meira en sá samdráttur sem bæði Seðlabankinn (SÍ) sem og ASÍ reikna með. Þannig hljóðar spá SÍ upp á 1,9% samdrátt í þjóðarútgjöldum en ASÍ upp á 1,5% samdrátt.

Erlend kortavelta í maí langt yfir meðaltali ársins

Glögglega má sjá af tölum um úttektir erlendra debet- og kreditkorta hér á landi í maí að farfuglarnir eru komnir til landsins og ferðamannatímabilið er hafið. Þannig nam heildarúttekt erlendra korta hér á landi 3,1 milljörðum kr. í maí sem er langt yfir meðaltali síðustu mánaða, en fyrstu fjóra mánuði ársins nam erlend kortavelta hér á landi 2,4 milljarði kr. á mánuði.

Hagstofan spáir 4% verðbólgu í lok ársins

Hagstofan spáir því að verðbólga verði 6,0% að meðaltali í ár en komin í um 4,0% í lok ársins. Spáð er áframhaldandi hjöðnun verðbólgu árið 2011 og að hún verði á verðbólgumarkmiði (2,5% innsk. blm.) að meðaltali árið 2012.

Hagstofan spáir miklum samdrætti í samneyslunni

Hagstofan áætlar að samneysla dragist áfram saman á komandi árum. Í nýrri þjóðhagspá Hagstofunnar er gert ráð fyrir að samneysla hins opinbera dragist saman að raunvirði árið 2010 og að samdrátturinn nemi 3,8% á milli ára. Árið 2011 er reiknað með að raunsamdrátturinn nemi 3,8% og 1,8% árið 2012. Samdrátturinn er bæði hjá ríki og sveitarfélögum.

Yfir 50% útlána Byggðastofnunnar eru gengistryggð lán

Nú eru 53% lántakenda Byggðastofnunar með erlend lán eða 268 af 509 lántakendum. Gengistryggð útlán Byggðastofnunar stóðu í 9,9 milljörðum kr. 30. júní 2008 en voru komin í 16,1 milljarð kr. í árslok 2008. Að mati Byggðastofnunar var staðan svipuð í árslok 2009.

Eigið fé Íbúðalánasjóðs rýrnar áfram að mati S&P

Matsfyrirtækið Standard & Poors (S&P) reiknar með því að eigið fé Íbúðalánasjóðs muni rýrna enn frekar á þessu ári og næsta. Þetta liggur meðal annars til grundvallar ákvörðun S&P að lækka lánshæfiseinkunn sjóðsins niður í ruslflokk.

S&P setur lánshæfiseinkunn ÍLS í ruslflokk

Matsfyrirtækið Standard & Poor's (S&P) hefur sett lánshæfiseinkunn Íbúðalánasjóðs (ÍLS) í svokallaðann ruslflokk.

Þjóðhagsspá Hagstofunnar svipuð og Seðlabankans

Þjóðhagsspá Hagstofunnar sem birt var í morgun er á svipuðum línum og þjóðhagsspá Seðlabankans sem birt var í síðasta mánuði í tengslum við útgáfu bankans á ritinu Fjármálastöðugleiki.

Heildaraflinn hefur dregist saman um 11,7%

Heildarafli íslenskra skipa í nýliðnum maímánuði, metinn á föstu verði, var 5,5% minni en í maí 2009. Það sem af er árinu hefur aflinn dregist saman um 11,7% miðað við sama tímabil 2009, sé hann metinn á föstu verði.

Mikill munur á þróun launakostnaðar milli ársfjórðunga

Heildarlaunakostnaður á greidda stund dróst saman um 3,2% á fyrsta ársfjórðungi þessa árs frá fyrri ársfjórðungi í atvinnugreininni samgöngum og flutningum og um 2,1% í byggingarstarfsemi og mannvirkjagerð. Á sama tímabili jókst heildarlaunakostnaður á greidda stund um 0,7% í verslun og ýmissi viðgerðarþjónustu og um 0,1% í iðnaði.

Hagstofan spáir 2,9% samdrætti í landsframleiðslu

Útlit er fyrir að árið 2010 dragist landsframleiðsla saman um 2,9%. Hagvöxtur verður hinsvegar jákvæður frá 2011 og út spátímann miðað við að stóriðjuframkvæmdir hefjist þá af fullum krafti og að geta heimilana til einkaneyslu verði ekki fyrir frekari skakkaföllum.

Vísbendingar mun minni neyslusamdrátt en óttast var

Tölur um heildarveltu kreditkorta í maí gefa til kynna að neyslusamdrátturinn á þessu ári verði talsvert minni en óttast var í upphafi hrunsins haustið 2008.

Gaman ef Seðlabankinn hefur fleiri tromp á hendi

Í Markaðsfréttum Íslenskra verðbréfa er fjallað um góðan árangur Seðlabanka Íslands að undanförnu og sagt að gaman væri að sjá á næstu vikum hvort bankinn hafi fleiri tromp á hendi.

Moody´s setur Grikkland í ruslflokk

Matsfyrirtækið Moody´s hefur sett lánshæfiseinkunn Grikklands í svokallaðann ruslflokk. Moody´s lækkaði einkunina um fjögur stig eða úr A1 niður í Ba1. Þar með hafa öll stóru matsfyrirtækin þrjú, Moody´s, Fitch Ratings og Standard & Poors sett Grikkland í ruslflokk.

Kaupir í Icelandair á lægra verði en lánadrottnar

„Beinharðir peningar hafa meira vægi en skuldir," segir Björgólfur Jóhannsson, forstjóri Icelandair Group, segir í samtali Vísir.is, um viðskipti sem tilkynnt var í dag.

Framtakssjóður kaupir 30% hlut í Icelandair

Framtakssjóður Íslands gerði í dag bindandi samkomulag við Icelandair Group um að Framtakssjóðurinn muni fjárfesta í fyrirtækinu fyrir 3 milljarða króna.

Viktoría prinsessa er efni í kauphallarhákarl

Brúðkaup sænsku prinsessunnar Viktoríu stendur fyrir dyrum og mikið rætt um allar hliðar málsins í sænskum fjölmiðlum. Nú hefur Dagens Industri fundið það út að Viktoría virðist vera ágætt efni í kaupahallarhákarl (börshaj).

Fjárfestar áhugasamir um ríkisvíxla - stabbinn minnkar

Fjárfestar reyndust áhugasamir um ríkisvíxlaútboðið sem haldið var hjá Lánamálum ríkisins síðastliðinn föstudag. Þannig bárust alls 50 gild tilboð í ríkisvíxlaflokkinn RIKV 10 1015 að fjárhæð tæplega 31,3 milljarða kr. að nafnverði. Á morgun mun ríkisvíxlastabbinn minnka um 4,3 milljarða kr.

Seðlabankastjóri gagnrýndur fyrir að hundsa viðvaranir

Nils Bernstein seðlabankastjóri Danmerkur sem og bankastjórnin í heild mega nú sitja undir mikilli gagnrýni fyrir að hafa hundsað viðvaranir um eigna- og útþennslubóluna í Danmörku árin 2005 til 2008. Töluverð umræða hefur verið um málið í dönskum fjölmiðlum yfir helgina.

Risavaxnar auðlindir finnast í Afganistan

Bandaríkjamenn hafa fundið risavaxnar auðlindir í jörðu í Afganistan. Um er að ræða málma af ýmsum tegundum þar á meðal gull, kopar, járn og lithium.

Eignir lífeyrissjóða halda áfram að aukast

Hrein eign lífeyrissjóða í lok apríl sl. var 1.874 milljarðar kr og hækkaði um 16 milljarða kr í mánuðinum. Þar af hækkuðu útlán og verðbréfaeign um 9,7 milljarða kr.

Líf að færast í fasteignamarkaðinn á höfuðborgarsvæðinu

Fjöldi þinglýstra kaupsamninga á höfuðborgarsvæðinu í síðustu viku var 63. Þar af voru 45 samningar um eignir í fjölbýli, 15 samningar um sérbýli og 3 samningar um annars konar eignir en íbúðarhúsnæði. Heildarveltan var 1.715 milljónir króna og meðalupphæð á samning 27,2 milljónir króna.

Þekktur kjóll Marilyn Monroe sleginn á 30 milljónir

Kjóll sem að Hollywood goðsögnin Marilyn Monroe klæddist í myndinni Gentlemen Prefer Blonds eða Herramenn vilja blondínur hefur verið seldur á uppboði fyrir 30 milljónir króna.

Efnahagshrun gæti verið framundan í Japan

Naoto Kan, hinn nýji forsætisráðherra Japan, hefur gefið út aðvörun um að Japan sé að drukkna í skuldum og að efnahagslegt hrun gæti verið framundan af þessum sökum.

Danskir forstjórar fitna meðan starfsmenn missa vinnuna

Margir forstjórar danskra stórfyrirtækja hafa sjaldan haft það betra hvað laun og hlunnindi varðar. Á sama tíma hafa þeir rekið fjölda starfsmanna í nafni sparnaðar og hagræðingar.

Skilanefndin ætlar að byrja að greiða út í lok næsta árs

Skilanefnd Glitnis hyggst byrja að greiða út til kröfuhafa seint á árinu 2011, en nefndin hefur núna 200 milljarða króna í handbæru fé til að greiða út. Skilanefndin hefur hitt forsvarsmenn stærstu kröfuhafa Glitnis, eins og Burlington Loan Management, og eru þeir hlynntir sölu Íslandsbanka þegar rétt verð fæst.

BP mun fresta arðgreiðslum

Stjórnendur BP olíurisans stefna að því að fresta arðgreiðslum til hluthafa. Þeir munu hittast á mánudaginn og taka formleg ákvörðun.

Mest verslað með Marel í Kauphöllinni

Gengi hlutabréfa Marels hækkaði um 1,8 prósent í Kauphöllinni í dag en mestu viðskiptin voru með bréf í fyrirtækinu eða fyrir rúmar 37 milljónir króna. Gengi bréfa Össurar fóru niður um 1,34 prósent í dag. Önnur hlutabréf á aðallista hreyfðust ekki úr stað.

Forstjóri Haga sakar Morgunblaðið um óþolandi atvinnuróg og ósannindi

Finnur Árnason, forstjóri Haga, sendi frá sér yfirlýsingu fyrr í dag þar sem hann segir Morgunblaðið hafa undanfarna mánuði ítrekað hafa birt ósannindi um rekstur Haga og fara vísvitandi með rangt mál.

Atvinnuleysi minnkar, mældist 8,3% í maí

Skráð atvinnuleysi í maí 2010 var 8,3% en að meðaltali 13.875 manns voru atvinnulausir í maí og minnkar atvinnuleysi um 5,4% frá apríl, eða um 794 manns að meðaltali.

Borgin tapaði 88 milljónum á fyrsta ársfjórðungi

Samkvæmt árshlutareikningi Reykjavíkurborgar fyrir fyrsta ársfjórðung ársins er niðurstaða A hluta fyrir fjármagnsliði neikvæð um 509 milljónir króna og rekstrarniðurstaða neikvæð um 88 milljónir króna.

Heimurinn hagnast mest ef Þýskaland vinnur HM

Hagkerfi heimsins munu hagnast mest ef landslið Þýskalands nær því að hampa bikarnum eftir úrslitaleikinn á heimsmeistramótinu í fótbolta (HM) en mótið hefst í dag.

Engisprettuplága ógnar hveitiuppskeru Ástralíu

Það sem talið er að verði stærsta engisprettuplága í Ástralíu undanfarin 25 ár ógnar nú hveitiuppskeru landsins en Ástralir eru fjórðu stærstu útflytjendur hveitis í heiminum. Talið er að skaðinn í Victoríuríki einu saman geti numið 2 milljörðum Ástralíudollara eða um 220 milljörðum kr.

Góður árangur Dana á HM gæti kostað 25 milljarða

Hagfræðingar Nordeabankans í Danmörku hafa reiknað það út að gangi danska landsliðinu vel á heimsmeistaramótinu í fótbolta (HM) muni danska hagkerfið tapa um 1,2 milljörðum danskra króna eða um 25 milljörðum króna.