Viðskipti innlent

Mikill munur á þróun launakostnaðar milli ársfjórðunga

Heildarlaunakostnaður á greidda stund dróst saman um 3,2% á fyrsta ársfjórðungi þessa árs frá fyrri ársfjórðungi í atvinnugreininni samgöngum og flutningum og um 2,1% í byggingarstarfsemi og mannvirkjagerð. Á sama tímabili jókst heildarlaunakostnaður á greidda stund um 0,7% í verslun og ýmissi viðgerðarþjónustu og um 0,1% í iðnaði.

Þetta kemur fram á vefsíðu Hagstofunnar. Þar segir að í áðurnefndum atvinnugreinum jókst heildarlaunakostnaður án óreglulegra greiðslna frá fyrri ársfjórðungi. Mest var hækkunin í verslun og ýmissi viðgerðarþjónustu, 5,3%, en minnst í byggingarstarfsemi og mannvirkjagerð, 2,1%.

Í heildarlaunakostnaði án óreglulegra greiðslna er aðeins tekið tillit til greiðslna sem gerðar eru upp á hverju útborgunartímabili.

Árshækkun heildarlaunakostnaðar á greidda stund frá 1. ársfjórðungi 2009 var á bilinu 0,2% til 11,1%. Mest var hækkunin í iðnaði en minnst í byggingarstarfsemi og mannvirkjagerð.







Mest lesið


Fleiri fréttir

Sjá meira


×

Mest lesið