Fleiri fréttir

Norskur sjávarútvegur vill tugi milljarða kr. í styrki

Helstu samtök í norskum sjávarútvegi hafa sameiginlega farið fram á að stjórnvöld útvegi 5 milljarða norskra króna, jafnvirði 85 milljarða kr. til þess að tryggja eðlilegan útflutning sjávarafurða frá Noregi í fjármálakreppunni.

Gengi Straums fellur eftir hækkun í vikunni

Gengi hlutabréfa í fjárfestingabankanum Straumi féll um 4,03 prósent í dag eftir nokkra hækkun í vikunni. Á eftir fylgir gengi bréfa í Marel Food Systems, sem féll um 2,22 prósent, auk þess sem bréf Össurar lækkaði um 0,21 prósent.

Aldrei meiri afgangur af vöruskiptum í desember

Samkvæmt bráðabirgðatölum fyrir desember 2008 nam útflutningur 54,0 milljörðum króna og innflutningur 29,9 milljörðum króna. Vöruskiptin í desember,voru því hagstæð um 24,1 milljarð króna samkvæmt bráðabirgðatölum.

Hlutur Exista og Chris Ronnie í JJB Sports til Kaupþings

Hlutur Exista og Chris Ronnie í sportvörukeðjunni JJB Sports er kominn í eigu Kaupþings í því sem Financial Times kallar dularfull viðskipti. Í breska blaðinu Times er hinsvegar sagt að um einfalt veðkall hafi verið að ræða.

Guðjón stofnar Hugmyndaráðuneyti

„Mér hefur fundist vanta vettvang fyrir fólk til að hittast í raunveruleikanum og mynda tengsl,“ segir Guðjón Már Guðjónsson, frumkvöðull og leiðbeinandi, löngum kenndur við Oz.

FME lét rannsaka

Fjármálaeftirlitið (FME) segist hafa fengið til liðs við sig sérstaka sérfræðinga í bókhaldsrannsóknum til að aðstoða sig. Slíkir sérfræðingar eru upp á ensku nefndir Forensic accountants og munu oft vera fengnir til að fara yfir stöðu fyrirtækja og sigta út allt úr bókum félaga sem vekur grunsemdir eða orkar tvímælis.

Félagsleg lán eru ekki rót vandans

Bandarísku fasteignalánasjóðirnir Fannie Mae og Freddie Mac hafa verið í brennipunkti fjármálakreppunnar. Spurningar hafa vaknað um ábyrgð þeirra á hruninu. Einnig hefur verið horft til laga sem skylduðu banka til að veita minnihlutahópum fasteignalán.

Stoðir segjast ekki hafa tekið stöðu gegn krónunni

Eignarhaldsfélagið Stoðir, sem áður hét FL Group, tók ekki stöðu gegn íslensku krónunni. Þetta kemur fram í tilkynningu frá félaginu. Björgvin G. Sigurðsson, viðskiptaráðherra, hefur sagt að komi það í ljós að grafið hafi verið grafið undan fjármálakerfinu þá hafi það átt stóran þátt í bankahruninu og það þurfi að rannsaka sérstaklega.

Elín sækir ekki um sem bankastjóri í Nýja Landsbankanum

Elín Sigfúsdóttir, núverandi bankastjóri Nýja Landsbankans, ætlar ekki að sækja um stöðuna sem bankaráð bankans ákvað í dag að auglýsa lausa til umsóknar. Auglýsingin mun birtast á næstu dögum en Elín mun gegna stöðunni þar til nýr bankastjóri hefur verið ráðinn. Nánar verður fjallað um málið í kvöldfréttum Stöðvar 2.

Toyota mest seldi bíllinn nítjánda árið í röð

Mest seldi bíllinn árið 2008 var Land Cruiser 120 en 485 bílar af þeirri gerð voru skráðir á síðasta ári. Í öðru sæti er Yaris með 478 nýskráningar. Af tíu vinsælustu fólksbílunum hér á landi á síðasta ári eru fimm frá Toyota.

Hafnar athugasemdum um óeðlileg hagsmunatengsl

Blaðamannafélagið vinnur að málum fyrrverandi starfsmanna Viðskiptablaðsins með sama hætti og unnið var að málum varðandi þrotabú gamla Fréttablaðsins, segir Arna Schram

Styrktarsjóður Oxford háskóla tapar miklu á íslensku bönkunum

Uppgjör fyrir síðasta ár hjá styrktarsjóði Oxford háskólans sýnir að sjóðurinn hefur minnkað um 14% á árinu. Er það einkum vegna taps sjóðsins á hruni íslensku bankana í haust sem kostaði Oxford um 30 milljón pund eða hátt í 6 milljarða kr.

Seldi 100.000 flugmiða á einum degi

Norska lágjaldflugfélagið Norwegian, fyrrum samstarfsaðili Sterling á Norðurlöndunum, seldi 100.000 flugmiða á einum degi nú eftir áramótin. Er þetta mesta flugmiðasala á einum degi í sex ára sögu félagsins.

Jólaverslunin: Samdráttur í fyrsta sinn frá 2001

Velta í dagvöruverslun dróst saman um 10,4 prósent á föstu verðlagi í desember miðað við sama mánuð árið áður. Á breytilegu verðlagi jókst veltan um 18,2 prósent á sama tímabili. Þetta þýðir að jólaverslunin minnkaði að raunvirði þó neytendur hafi þurft að verja fleiri krónum til innkaupanna en árið áður. Verð á dagvöru hækkaði um 32 prósent á einu ári, frá desember 2007 til desember 2008, að því er fram kemur í smásöluvísitölu Rannsóknarseturs verslunarinnar á Bifröst.

Sveitarstjórn var vöruð við Icesave í mars

Sveitarstjórnin í Lincolnshire í norðausturhluta Englands var vöruð við Icesave og Singer & Friedlander reikningum sínum í mars á síðasta ári og aftur í maí. Þetta kemur fram á vefsíðu BBC.

Vefur Kaupþings valinn með 10 bestu í heiminum

Hið virta bandaríska fyrirtæki, Nielsen Norman Group sem sérhæfir sig í rannsóknum og ráðgjöf á sviði notendahæfis og notendaviðmóts vöru, þjónustu, hugbúnaðar og vefja, hefur valið innrivef Kaupþings sem einn af 10 bestu í heiminum árið 2009.

Reikna með líflegri útgáfu ríkisbréfa

Líklegt er að útgáfa ríkistryggðra skuldabréfa verði lífleg á árinu, en þó á ríkissjóður að öllum líkindum enn talsvert lausafé í handraðanum til að mæta ört vaxandi fjármögnunarþörf.

Findus í þrot í Bretlandi vegna Landsbankans

Enn berast fréttir af vandræðum erlendra fyrirtækja vegna íslenska bankahrunsins í haust. Nú hefur matvælafyrirtækið Findus í Newcastle í Bretlandi óskað eftir greiðslustöðvun og eru 430 störf þar á bæ í hættu. Landsbankinn var helsti lánveitandi fyrirtækisins.

Enn hækkar Straumur

Gengi hlutabréfa í Straumi hafa haldið áfram að hækka í dag, annan daginn í röð. Hækkunin nú nemur 7,08 prósentum og er jafnframt eina hækkun dagsins. Gengi bréfa í fjárfestingabankanum hrundi um rúm 26 prósent á föstudag og fór til skamms tíma undir krónu á hlut.

Iceland bætir við sig 2.500 starfsmönnum

Breska matvörukeðjan Iceland hefur keypt 51 verslun, sem áður voru reknar af Woolworths verslanakeðjunni í Bretlandi. Reiknað er með, að við kaupin bæti Iceland við sig 2.500 nýjum starfsmönnum.

Alcoa greinir frá fyrsta tapi sínu í sex ár

Alcoa, stærsti álframleiðandi Bandaríkjanna, hefur greint frá fyrsta tapi sínu í sex ár. Samkvæmt uppgjöri fyrir fjórða ársfjórðung síðasta árs nam tap Alcoa 1,2 milljörðum dollara eða um 130 milljörðum kr.. Til samanburðar nam hagnaður Alcoa fyrir sama tímabil árið áður 632 milljónum dollara eða um 70 milljörðum kr..

Olíuverð lækkar áfram á heimsmarkaði

Olía heldur áfram að lækka á heimsmarkaði á ný, eftir að hafa verið komin upp undir 40 dollara á tunnuna. Nú er verðið komið niður í rúma 37 dollara vestanhafs.

Hlustuðu ekki á viðvaranir um Icesave

Bæjarstjórnin í Norðaustur Lincolnskíri í Bretlandi sem átti 7 milljónir breskra punda á Icesave reikningum Landsbankans hlustaði ekki á aðvaranir sem komu fram í vikulegum skýrslum sem bæjarstjórninni barst frá fjármálaráðgjöfum sínum. Frá þessu er greint á fréttavef BBC í dag. Peningarnir sem bæjarfélagið tapaði jafngilda 1,3 milljarði króna.

Straumur hækkaði mest eftir mikið hrun

Gengi hlutabréfa í fjárfestingabankanum Straumi hækkaði um 7,6 prósent í dag og er það mesta hækkun dagsins. Á föstudag féll gengi bréfa í bankanum um 26 prósent.

Alcoa féll um 6,6% eftir að Deutche Bank mælti með sölu

Hlutir í álrisanum Alcoa hafa fallið um 6,6% á Wall Street í dag en markaðurinn þar hefur verið í niðursveiflu frá opnuninni. Lækkunin kom í kjölfar þess að greining Deutche Bank mælti með sölu á hlutum Alcoa en félagið á Fjarðarál á Reyðarfirði.

Stofnandi Biva ánægður með kaup Straums

Fjónbúinn Henry Johansen, stofnandi Biva, er ánægður með kaup Straums á húsgagnakeðjunni. "Þetta var verulega góð lausn," segir Johansen. "Áframhaldandi rekstur er tryggður og það er aðalatriði málsins."

Microsoft Íslandi heldur risaráðstefnu

Microsoft Íslandi stendur fyrir risaráðstefnu dagana 19. og 20. janúar. Þar verður farið yfir það mikilvægasta sem fram kom á alþjóðlegu ráðstefnunum TechEd og Convergence sem haldnar voru undir lok síðasta árs í Bandaríkjunum og Danmörku. Ráðstefnan er ætluð tæknimönnum, forriturum og stjórnendum og verður aðgangur ókeypis.

Lloyd´s segir að skipa- og viðlagatryggingar muni stórhækka

Einn af helstu eigendum alþjóðlega tryggingarfélagsins Lloyd´s í London segir að framundan séu miklar hækkanir á skipa-. eigna- og viðlagatryggingum í heiminum. Eigandinn, tryggingarfélagið Amlin, telur að þessar tryggingar muni hækka um 20% í ár.

Rússar skrúfa frá gasinu til Evrópu á morgun

Evrópubandalagið og Rússland hafa komist að samkomulagi um gasflutninga til ERvrópu og munu Rússar skrúfa frá gasinu til Evrópu klukkan sjö í fyrramálið. Þetta kemur fram á Reuters fréttaveitunni.

Straumur kaupir dönsku húsgagnakeðjuna Biva

Straumur hefur fest kaup á dönsku húsgagnakeðjunni Biva og kemur jafnframt með nýtt fjármagn inn í keðjuna. Þar með er vinnu 350 manns hjá Biva Möbler Odense bjargað fyrir horn.

Hrein eign lífeyriskerfisins rýrnaði um 11% í fyrra

Hrein eign lífeyriskerfisins rýrnaði um 11% að raungildi á frá upphafi síðasta árs til nóvemberloka. Eignastaðan batnaði þó heldur í nóvembermánuði, þótt stærstur hluti nafnaukningar eigna hafi verið vegna þess hve gengi krónu var lágt í nóvemberlok.

Straumur hækkar eftir hrun

Gengi hlutabréfa í Straumi hefur hækkað um 3,8 prósent í Kauphöllinni í dag í kjölfar um 26 prósenta hruns á föstudag. Á eftir fylgir gengi bréfa í Össuri, sem hefur hækkað um 0,93 prósent, og Century Aluminum, sem hefur hækkað um 0,7 prósent.

Skuldabréf Landic sett á Athugunarlista kauphallarinnar

Skuldabréf í fjórum flokkum útgefin af Landic Property hf., hafa verið færð á Athugunarlista kauphallarinnar með vísan til tilkynningar frá félaginu, dags. 9. janúar 2009, um greiðsluerfiðleika félagsins, að því er segir í tilkynningu frá kauphöllinni.

Sjá næstu 50 fréttir

Mest lesið